Ümummilli liderin uzaqgörən siyasəti nəticəsində bu gün Azərbaycan dünyanın ən qüdrətli ölkələrindən birinə çevrilib

Bakı:

22 °C

94 %

0 m/s

AZ RU EN

Ana səhifə / YAP xəbərləri / Ümummilli liderin uzaqgörən siyasəti nəticəsində bu gün Azərbaycan dünyanın ən qüdrətli ölkələrindən birinə çevrilib

Ümummilli liderin uzaqgörən siyasəti nəticəsində bu gün Azərbaycan dünyanın ən qüdrətli ölkələrindən birinə çevrilib

05.05.2018 [15:51]

Ümummilli lider Heydər Əliyevin anadan olmasının 95 illiyi münasibətilə mayın 4-də Yeni Azərbaycan Partiyası (YAP) Səbail rayon təşkilatının qərargahında tədbir keçirilib.
AZƏRTAC xəbər verir ki, tədbirdə Yeni Azərbaycan Partiyası Səbail rayon təşkilatının sədri, Milli Məclisin deputatı Şəmsəddin Hacıyev Ümummilli lider Heydər Əliyevin Azərbaycan xalqı və dövləti qarşısındakı tarixi xidmətlərindən, çoxşaxəli ictimai-siyasi fəaliyyətindən söz açıb. Qeyd olunub ki, bütün ömrünü dövlətimizin inkişafına, xalqımızın rifahına həsr edən dahi şəxsiyyət ölkəmizə rəhbərlik etdiyi bütün dövrlərdə Azərbaycanın milli maraqlarını daim uca tutub. Ulu öndər Azərbaycan dövlətinin, xalqının mənafeyi, müstəqilliyimizin möhkəmləndirilməsi, dövlətçiliyimizin, demokratiyanın inkişafı üçün fədakarlıqla çalışıb. Onun Azərbaycana rəhbərliyinin birinci dövründə həyata keçirdiyi əzəmətli quruculuq işlərinin çox böyük tarixi əhəmiyyəti var. 1969-1982-ci illər Azərbaycan tarixində hərtərəfli inkişaf, köklü yeniləşmə, dinamiklilik, işgüzarlıq kimi keyfiyyətlərin formalaşması dövrüdür.
Qeyd edilib ki, sonrakı dövrdə Azərbaycanda dövlətçiliyin möhkəmlənməsi və demokratik prinsiplərin bərqərar olması, hüquqi, dünyəvi dövlət quruculuğu prosesinin uğurla, sürətlə həyata keçirilməsi də dahi rəhbər Heydər Əliyevin adı ilə bağlıdır. Ümummilli lider Heydər Əliyevin 1993-cü ildə xalqın təkidli tələbi ilə hakimiyyətə qayıdışından sonra Azərbaycanda vətəndaş müharibəsinin qarşısı alındı, respublikanın parçalanması təhlükəsi aradan qalxdı, ölkənin ictimai-siyasi, sosial-iqtisadi həyatında, beynəlxalq əlaqələrində dönüş yarandı. Beynəlxalq norma və prinsiplərə uyğun müstəqil dövlət quruculuğu prosesi başlanıldı, məqsədyönlü siyasət nəticəsində Azərbaycanın iqtisadi inkişafının mahiyyətcə yeni mərhələsinin təməli qoyuldu. Həmçinin başlıca qayəsini müstəqillik, azərbaycançılıq, dövlətçilik, milli tərəqqi, dünyəvilik kimi ümumbəşəri dəyərlər təşkil edən yeni bir ideologiya formalaşmağa başladı.
Vurğulanıb ki, Ümummilli lider Heydər Əliyevin siyasi, iqtisadi, ictimai həyatın bütün sahələrində gördüyü işlər artıq Azərbaycanı inkişaf yoluna çıxarıb. Ümummilli lider Heydər Əliyev Azərbaycan xalqına böyük zəhməti hesabına ərsəyə gətirdiyi ən böyük əsərini - müstəqil, demokratik Azərbaycanı miras qoyub, dövlətimizi Öz şəxsi nüfuzu və əməli fəaliyyəti ilə dünyada tanınıb. Ümummilli liderin uzaqgörən siyasəti nəticəsində bu gün Azərbaycan dünyanın ən qüdrətli ölkələrindən birinə çevrilib.
Tədbirdə çıxış edən Milli Məclisin Aqrar siyasət komitəsinin sədri Eldar İbrahimov, deputatlar Gövhər Baxşəliyeva, Aqil Abbas, Elmira Axundova, Dini Qurumlarla İş üzrə Dövlət Komitəsi sədrinin birinci müavini Səyyad Salahlı və “Səs” Media Qrupunun rəhbəri Bəhruz Quliyev Ulu öndərin Azərbaycana rəhbərliyi illərindəki çoxşaxəli fəaliyyəti, gördüyü mühüm işlər barədə danışıblar. Bildiriblər ki, bütün mənalı həyatını Öz xalqına həsr edən Heydər Əliyevin siyasi və dövlət xadimi kimi zəngin fəaliyyəti Azərbaycan tarixində dərin iz buraxaraq, əsl dövlət idarəçiliyi məktəbinə çevrilib. Dahi şəxsiyyətin əsasını qoyduğu inkişaf strategiyası bu gün Prezident İlham Əliyev tərəfindən uğurla davam etdirilir.

Paylaş:

Baxılıb: 1000 dəfə