YAP Suraxanı rayon təşkilatı Gənclər Birliyinin V hesabat-seçki konfransı keçirilib

Bakı:

22 °C

56 %

2 m/s

Əlaqə

AZ RU EN

Ana səhifə / YAP xəbərləri / YAP Suraxanı rayon təşkilatı Gənclər Birliyinin V hesabat-seçki konfransı keçirilib

YAP Suraxanı rayon təşkilatı Gənclər Birliyinin V hesabat-seçki konfransı keçirilib

18.04.2019 [09:58]

Aprelin 17-də Yeni Azərbaycan Partiyası (YAP) Suraxanı rayon təşkilatı Gənclər Birliyinin V hesabat-seçki konfransı keçirilib. Konfransda YAP Suraxanı rayon təşkilatının sədri Vüqar Seyidov, Suraxanı rayon İcra Hakimiyyətinin başçısı İlqar Abbasov, Milli Məclisin deputatı, YAP Beynəlxalq əlaqələr şöbəsinin müdiri Sevinc Fətəliyeva, Milli Məclisin deputatı Ağacan Abıyev, Milli Məclisin Gənclər və idman komitəsinin sədr müavini Şahin İsmayılov, YAP Gənclər Birliyinin sədri Seymur Orucov və YAP Suraxanı rayon təşkilatının üzvləri iştirak ediblər.
Əvvəlcə YAP Suraxanı rayon təşkilatı Gənclər Birliyinin IV konfransından ötən dövr ərzində gördüyü işlərlə bağlı hesabat xarakterli videoçarx nümayiş olunub.
Tədbiri açan YAP Suraxanı rayon təşkilatının sədri Vüqar Seyidov Yeni Azərbaycan Partiyasının təkcə Azərbaycanın deyil, regionun ən nəhəng, aparıcı siyasi qüvvəsi olduğunu diqqətə çatdırıb. Dövlətin gənclərə qayğısından bəhs edən V.Seyidov Ümummilli Lider Heydər Əliyev tərəfindən əsası qoyulan gənclər siyasətinin uğurla davam etdirildiyini bildirib.
Tədbirdə çıxış edən YAP Suraxanı rayon təşkilatının gənc üzvləri dövlətin gənclərə diqqət və qayğısından, rayonda gənclərin asudə vaxtlarını səmərəli keçirmələri üçün yaradılan şəraitdən bəhs ediblər.
Tədbirdə çıxış edən millət vəkili Sevinc Fətəliyeva bildirib ki, Azərbaycanda həyata keçirilən gənclər siyasəti bir çox ölkələr üçün nümunədir. Onun sözlərinə görə, ölkəmizdə gənclərin özünü ifadə etmələri üçün lazımi şərait yaradılır, gənclər parlamentdə, dövlət qurumlarında, bələdiyyələrdə geniş təmsil olunurlar. S.Fətəliyeva həmçinin gənclərə məsuliyyətli olmağı, informasiya mühitindən daha səmərəli istifadə etməyi, vətənpərvər, dövlətə sadiq olmağı tövsiyə edib.
YAP Gənclər Birliyinin sədri Seymur Orucov çıxışında YAP Suraxanı rayon təşkilatı Gənclər Birliyinin fəaliyyətini yüksək qiymətləndirib. O bildirib ki, Suraxanı rayonunun gəncləri həm intellektual, həm də siyasi cəhətdən kifayət qədər fəaldırlar.
Tədbirdə çıxış edən Milli Məclisin Gənclər və idman komitəsinin sədr müavini Şahin İsmayılov da Azərbaycan dövlətinin gənclərə göstərdiyi yüksək diqqət və qayğıdan, gənclərimizin qazandıqları nailiyyətlərdən danışıb.
Suraxanı rayon İcra Hakimiyyətinin başçısı İlqar Abbasov çıxışında Ümummilli Lider Heydər Əliyevin əsasını qoyduğu dövlət gənclər siyasətinin hazırda Prezident İlham Əliyevin rəhbərliyi ilə uğurla davam etdirilməsindən, bu istiqamətdə ardıcıl tədbirlər görülməsindən danışıb. Onun sözlərinə görə, Ulu Öndərin siyasəti bu gün də davam etdirilir, dövlət qurumlarında gənclər irəli çəkilirlər, onlara daim diqqət və qayğı göstərilir.
Sonra təşkilati məsələlərə baxılıb. YAP Suraxanı rayon təşkilatı Gənclər Birliyi Şurasının və İdarə Heyətinin tərkibi müəyyənləşib. Səsvermə nəticəsində Fərəh Məcidzadə YAP Suraxanı rayon təşkilatı Gənclər Birliyinin sədri seçilib.
Qaşqay ZİYƏDDİNOĞLU

Paylaş:

Baxılıb: 904 dəfə