Lənkəran seçiciləri bələdiyyə seçkilərində fəal iştirak edəcəklər

Bakı:

27 °C

54 %

2 m/s

Əlaqə

AZ RU EN

Ana səhifə / YAP xəbərləri / Lənkəran seçiciləri bələdiyyə seçkilərində fəal iştirak edəcəklər

Lənkəran seçiciləri bələdiyyə seçkilərində fəal iştirak edəcəklər

02.12.2009 [10:01]

YAP Lənkəran şəhər təşkilatının təbliğat-təşviqat qrupu Səpnəkəran və Gərmətürk kəndlərinin seçiciləri ilə görüş keçirib
Dünən Yeni Azərbaycan Partiyası (YAP) Lənkəran şəhər təşkilatının təbliğat-təşviqat qrupunun üzvləri bələdiyyə seçkiləri ilə bağlı rayonun Səpnəkəran kəndinin seçicilərilə görüşüb. YAP Lənkəran şəhər təşkilatının təbliğat-təşviqat qrupunun sədri Əlimərdan Əliyev bildirib ki, yerli özünüidaretmə orqanları olan bələdiyyələr ölkəmizin ictimai-siyasi, sosial-iqtisadi həyatında mühüm rol oynayan strukturdur və bu quruma keçirilən seçkilərə hazırlıq partiya üzvləri qarşısında ciddi vəzifələr qoyur. Dekabrın 23-də keçiriləcək bələdiyyə seçkiləri ilə əlaqədar görülmüş işlərdən danışan natiq qeyd edib ki, ötən müddət ərzində özünüidarəetmə orqanlarında namizədliyini irəli sürmüş YAP üzvləri ilə mütəmadi görüşlər keçirilib, onlara bələdiyyələrin ölkənin ictimai-siyasi həyatında oynadığı rolun əhəmiyyəti barədə geniş məlumat verilib.
Hazırda seçkilərin mühüm mərhələsi olan seçicilərlə görüşün əhəmiyyətinə toxunan Əlimərdan Əliyev bildirib ki, bələdiyyələr ölkəmizdə həyata keçirilən sosial, iqtisadi, mədəni, humanitar tədbirlərdə fəal iştirak etmək və vətəndaşların sosial məişət qayğılarının həllində aktivlik nümayiş etdirmək üçün səylərini gücləndirməlidir. Onun fikrincə, bələdiyyələrin fəaliyyətinin təkmilləşdirilməsi onların qarşıdakı illərdə ölkə həyatının müxtəlif sahələrində aktiv iştirak etməsinə səbəb olacaq. YAP Lənkəran şəhər təşkilatının təbliğat-təşviqat qrupunun sədri Səpnəkəran kəndinin seçicilərinin həmişə siyasi proseslərdə fəal iştirak etdiklərini və dekabrın 23-də yerli özünüidareətmə orqanlarına keçiriləcək seçkilərdə layiqli namizədlərə səs verəcəklərinə əmin olduğunu qeyd edib.
Lənkəran rayonunun Gərmətürk kəndinin seçiciləri ilə keçirilən görüşdə isə YAP Lənkəran şəhər təşkilatının təbliğat-təşviqat qrupunun üzvü Salman Dadaşov bələdiyyə seçkilərinə ciddi hazırlığın getdiyini qeyd edib. S.Dadaşov YAP-ın namizədlərinin bələdiyyə seçkilərində inamlı qələbə qazanacağına əminliyini ifadə edib. Onun fikrincə, Gərmətürk kəndinin seçiciləri əvvəlki seçkilərdə olduğu kimi, dekabrın 23-də də yüksək aktivlik nümayiş etdirməklə, Yeni Azərbaycan Partiyasının namizədlərinin seçkilərdə qələbəsini təmin etmiş olacaqlar.
YAP Lənkəran şəhər təşkilatının təbliğat-təşviqat qrupunun üzvü Əliziya Ağayev və Nübuvət Allahverdiyev də hakim partiyanın namizədlərinin bələdiyyə seçkilərində qələbə qazanmaq şanslarının böyük olduğunu diqqətə çatdırıblar.
ELBRUS CƏFƏRLİ

Paylaş:

Baxılıb: 1430 dəfə