Mehriban Abasquliyeva: Müsbət tendensiyanı qorumaq üçün hər bir vətəndaşın qaydalara əməl etməsi olduqca zəruridir

Bakı:

23 °C

83 %

4 m/s

AZ RU EN

Ana səhifə / YAP xəbərləri / Mehriban Abasquliyeva: Müsbət tendensiyanı qorumaq üçün hər bir vətəndaşın qaydalara əməl etməsi olduqca zəruridir

Mehriban Abasquliyeva: Müsbət tendensiyanı qorumaq üçün hər bir vətəndaşın qaydalara əməl etməsi olduqca zəruridir

11.08.2020 [09:25]

“Yeni növ koronavirus (COVID-19) infeksiyasının ölkəmizdə geniş yayılmasının qarşısını almaq üçün ilk günlərdən dövlət bütün zəruri addımları atır. Hazırda Bakıda və digər bir sıra bölgələrimizdə sərt karantin rejimi yumşaldılır. Atılan bütün addımlar insanların sağlamlığına və təhlükəsizliyinə xidmət edir”.
Bu fikirləri Yeni Azərbaycan Partiyası (YAP) Sabunçu rayon təşkilatının sədri Mehriban Abasquliyeva deyib.
O bildirib ki, COVID-19 pandemiyası şəraitində ölkə əhalisinin birlik və həmrəylik göstərməsi vacib şərtdir. Ona görə də qarşıdakı müddətdə virusun geniş yayılmaması, insanlar arasında daha təhlükəli fəsadlar yaratmaması üçün vətəndaşların karantin rejiminin qaydalarına ciddi şəkildə əməl etmələri olduqca vacibdir: “Bu təhlükə hələ də var və əgər insanlar səhlənkarlıq edərlərsə, infeksiya yenidən geniş yayıla bilər. Bu səbəbdən vətəndaşlar daha diqqətli olmalı, özünütəcridə daha çox önəm verməlidirlər”.
“Bilirsiniz ki, karantin rejiminin uzadılması nəticəsində son günlər yoluxma sayında azalma, xəstəlikdən sağlamaların sayında isə artım müşahidə olunur. Bu müsbət tendensiyanın davam etməsi üçün vətəndaşlar qaydalara əməl etməlidirlər. İctimai nəqliyyatda, ofislərdə və digər qapalı məkanlarda tibbi maskadan istifadə olunmalıdır. Tibbi maska, sosial məsafə və dezinfeksiya vasitələri insanları 95 faiz yoluxmadan qoruyur. Bu, özümüzün, yaxınlarımızın, bütövlükdə, cəmiyyətimizin qorunması üçündür. Bu qaydalara əməl etməklə virusa tam qalib gələ bilərik”, - deyə o qeyd edib.
Rayon təşkilatının sədri deyib ki, bəzi dövlətlər pandemiyaya qalib gəldiklərini elan etsələr də, yenidən karantin rejimi tətbiq etməyə məcbur olurlar: “Artıq bir sıra ölkələrdə koronavirusun yeni dalğası başlayıb. Çünki virus sərhəd tanımır. Hansı ölkə ciddi tədbirlər görməsə, yenə də ciddi fəsadlarla üzləşə bilər. Bu baxımdan, Azərbaycan dövlətinin atdığı düşünülmüş addımlar təqdir olunmalıdır. Cənab Prezident İlham Əliyevin və Birinci vitse-prezident Mehriban xanım Əliyevanın fəaliyyəti, həyata keçirdiyi tədbirlər məhz vətəndaşların sağlamlığına xidmət edir. Dövlətin reallaşdırdığı tədbirlərlə yanaşı, hər bir vətəndaş bu prosesə ciddi töhfələr verə bilər. Bunun isə yeganə yolu, qeyd etdiyim kimi, müvafiq qaydalara riayət etməkdir. Biz birlikdə bu problemə qalib gələ bilərik”.

Paylaş:

Baxılıb: 673 dəfə