Gündüz Bayramov: Laçının işğaldan azad olunması xəbəri rayonumuzda da əsl bayram əhval-ruhiyyəsi ilə qarşılanıb

Bakı:

20 °C

88 %

0 m/s

AZ RU EN

Ana səhifə / YAP xəbərləri / Gündüz Bayramov: Laçının işğaldan azad olunması xəbəri rayonumuzda da əsl bayram əhval-ruhiyyəsi ilə qarşılanıb

Gündüz Bayramov: Laçının işğaldan azad olunması xəbəri rayonumuzda da əsl bayram əhval-ruhiyyəsi ilə qarşılanıb

10.12.2020 [09:13]

“Azərbaycan, Rusiya prezidentlərinin və Ermənistan baş nazirinin imzaladığı üçtərəfli Bəyanata əsasən Azərbaycan Ordusunun bölmələri dekabrın 1-də Laçın rayonuna daxil olub. Prezident, Silahlı Qüvvələrin Müzəffər Ali Baş Komandanı İlham Əliyev qədim Azərbaycan torpağı, ən gözəl rayonlarımızdan biri olan, füsunkar təbiətə, zəngin mədəni irsə, tükənməz təbii ehtiyatlara malik Laçının işğaldan azad olunması münasibətilə bütün Azərbaycan xalqını, xüsusən də laçınlıları təbrik edib. Bu müraciətdən sonra bizim rayonda da əsl bayram əhval-ruhiyyəsi yaşanıb. İnsanlar bir-birinə gözaydınlığı verib, qələbə sevincini paylaşıblar”. Bu fikirləri qəzetimizə açıqlamasında Yeni Azərbaycan Partiyasının (YAP) Samux rayon təşkilatının sədri Gündüz Bayramov deyib.
G.Bayramovun sözlərinə görə, Laçın rayonunun işğaldan azad edilməsi Azərbaycan Prezidenti, qalib sərkərdə İlham Əliyevin uzaqgörən, düşünülmüş, düzgün taktika və strategiyasının parlaq nəticəsinin təzahürü kimi qiymətləndirilməlidir: “Bu zəfər həm də şanlı Azərbaycan Ordusunun igid, qorxmaz, qəhrəman əsgər və zabitlərinin müqəddəs və doğma torpaqlarımız uğrunda yüksək hərbi peşəkarlıq və tükənməz Vətən sevgisi ilə son damla qanlarına qədər qəhrəmancasına vuruşmalarının əyani təzahürüdür. 1992-ci il mayın 8-də Şuşanın Ermənistan silahlı birləşmələri tərəfindən işğal edilməsindən az sonra - həmin il mayın 18-də Laçın qaniçən düşmən tərəfindən işğal olundu. Nəticədə günahsız insanlar öz dədə-baba torpağından vəhşicəsinə qovuldu, Laçının tarixi abidələrinə, təbiətinə böyük ziyan vuruldu. Laçının işğalı hiyləgər və mənfur düşmənin öz çirkin məqsədlərinin tezliklə həyata keçirilməsinə geniş imkan yaratdı”.
Rayon təşkilatının sədri qeyd edib ki, Prezident, Müzəffər Ali Baş Komandan İlham Əliyevin nüfuzlu beynəlxalq təşkilatların yüksək kürsülərindən Ermənistan dövləti və onu idarə edən kriminal liderləri barədə söylədikləri və dünyanın aparıcı kütləvi informasiya vasitələrinə verdiyi müsahibələrdə ermənilərin iç üzünü, əsl simasını açıb dünyaya göstərdi: “Ermənistanın əsas məqsədi onu dəstəkləyən ölkələrin hesabına yaşamaq və başqalarının qanuni ərazi və torpaqlarına sahib çıxmaqdır. Yaşasın Azərbaycan Prezidenti, Müzəffər Ali Baş Komandan! Yaşasın qalib Azərbaycan Ordusu!”.
MÜŞFİQƏ

Paylaş:

Baxılıb: 839 dəfə