YAP Qazax rayon təşkilatı

Bakı:

18 °C

88 %

3 m/s

Əlaqə

AZ RU EN

Ana səhifə / YAP xəbərləri / YAP Qazax rayon təşkilatı – 29 il

YAP Qazax rayon təşkilatı – 29 il

25.07.2022 [10:32]

22 iyul 2022-ci il tarixdə YAP Qazax rayon təşkilatının yaradılmasının 29-cu ildönümü münasibətilə tədbir keçirildi.

Tədbirdə ərazi partiya təşkilatı sədrləri, partiya veteranları, partiya sıralarına yeni qəbul olunmuş gənclər və rayon təşkilatının fəalları iştirak edirdilər.

Azərbaycan Respublikasının Dövlət Himni səsləndrildikdən sonra Ümummilli Lider Heydər Əliyevin və torpaqlarımızın işğaldan azad edilməsi, ərazi bütövlüyümüzün təmin olunması uğrunda canlarından keçmiş müqəddəs şəhidlərimizin əziz xatirəsi bir dəqiqəlik sükutla yad edildi.

Tədbiri giriş sözü ilə açan YAP Qazax rayon təşkilatının sədri Anar Nəbiyev partiya üzvlərini əlamətdar gün münasibətilə təbrik etdi və gələcək fəaliyyətlərində uğurlar arzuladı.

Qazax rayon İcra Hakimiyyətinin Başçısı Rəcəb Babaşov çıxış edərək Yeni Azərbaycan Partiyasının yarandığı gündən əldə etdiyi nailiyyətlərdən, qazandığı uğurlardan, keçdiyi şərəfli yoldan ətraflı bəhs etdi. Rayon İcra Hakimiyyətinin başçısı Möhtərəm Prezidentimiz, Müzəffər Ali Baş Komandan, Yeni Azərbaycan Partiyasının sədri cənab İlham Əliyevin uzaqgörən, məqsədyönlü siyasəti nəticəsində ölkəmizin qazandığı möhtəşəm qələbələrdən, əldə etdiyi uğurlardan da geniş danışaraq partiya üzvlərini əlamətdar gün münasibətilə təbrik etdi.

Tədbirdə YAP Qazax rayon təşkilatının sədri Anar Nəbiyev geniş məruzə ilə çıxış etdi. Rayon təşkilatının sədri qeyd etdi ki, YAP Qazax rayon təşkilatı hazırda 77 ərazi partiya təşkilatında 10514 nəfər partiya üzvünü özündə birləşdirir ki, həmin üzvlərdən də 6730 nəfəri qadınlar, 2643 nəfəri isə gənclərdir. Ötən 6 ay ərzində 4 yeni ərazi partiya təşkilatı yaradılmış, 400 nəfərdən artıq təəssübkeş partiya sıralarına qəbul edilmişdir. A.Nəbiyev rayon təşkilatının həyata keçirdiyi tədbirlərdən, partiya üzvlərinin rayonun ictimai – siyasi həyatındakı rolundan, partiyanın VII Qurultayından irəli gələn vəzifələrdən də ətraflı danışdı.

Partiya veteranlarından Çingiz Pənahov, Bəsti Ələkbərova, Kazım Kazımlı, ərazi partiya təşkilatının sədri Aynurə Abbasova çıxış edərək Yeni Azərbaycan Partiyası Qazax rayon təşkilatının 29 il ərzində keçdiyi şərəfli yoldan və qazandığı uğurlardan geniş bəhs etdilər.

Tədbirdə YAP Qazax rayon təşkilatının yaradılmasında, təşkilatlanmasında və inkişafında göstərdikləri xidmətlərə görə bir qrup partiya veteranı fəxri fərmanla təltif olundu, partiya sıralarına yeni qəbul olunmuş gənclərə partiya üzvlük vəsiqələri təqdim edildi.

Tədbir Qazax Uşaq Gənclər İnkişaf Mərkəzinin dərnək üzvlərinin rəngarəng çıxışları ilə yekunlaşdı.

Paylaş:

Baxılıb: 546 dəfə