İranın anti-humanist mahiyyəti

Bakı:

29 °C

51 %

4 m/s

Əlaqə

AZ RU EN

Ana səhifə / YAP xəbərləri / İranın anti-humanist mahiyyəti

İranın anti-humanist mahiyyəti

18.11.2022 [10:52]

Həbib Misirov

YAP Kəlbəcər rayon təşkilatının sədri

Özünü dünyaya islam respublikası kimi tanıdan İran cəmiyyətində və dövləti idarəetmə sistemində əslində islamın mahiyyətinə zidd olan sonsuz sayda qüsurlar mövcuddur. İslamda insanların hüquq və azadlıqlarına verilən dəyərlərə, islam əxlaqında qonşu ilə, xüsusən dini bir qonşu ilə münasibətlərə olduqca böyük önəm verilsə də, dərin humanizm özünü göstərsə də indiki İran hakimiyyətinin qurduğu cəmiyyətdə bu halların tam əksini müşahidə edirik.

Tarixə nəzər salsaq, görərik ki, İranda seçkilər vasitəsilə kimin hakimiyyətə gəlməsində asılı olmayaraq yürüdülən siyasətin mahiyyəti dəyişməz olaraq qalmaqdadır. Yenə də qanla, müharibə ilə, terrorla təhdidlər, insanların hüquqlarına qarşı çıxmalar, ölkə ərazisində yaşayan müxtəlif xalqların dil və mədəniyyətinə basqılar və s. anti-humanist aktlar bu gün də İran dövlətinin siyasətində özünü göstərir

On il bundan əvvəl, 2012-ci ildə İran İslam Respublikasının bir sıra dairələri, hətta dövlət rəsmiləri ölkəmizə qarşı müxtəlif təhdid və təxribat xarakterli bəyanatlar səsləndirmişdir. O zaman da İran tərəfindən səslənən bu bəyanatlara ölkə ictimaiyyəti tərəfindən etiraz olunub və hətta bununla bağlı müəyyən aksiyalar da reallaşıb. Maraqlıdır ki, İranın Azərbaycanın daxili işlərinə qarışmaq cəhdləri, o zaman Azərbaycanda reallaşan “Eurovision” yarışmasını hədəfə alan açıqlamalar da təhdid xarakteri daşımışdır. Amma Azərbaycan xalqı tərəfindən sərt şəkildə qınanmışdır.

Bu gün baş verən hadisələrə də Azərbaycan cəmiyyətinin münasibəti birmənalıdır. İran Azərbaycanı hansısa dillə təhdid etməkdən daha çox, öz daxilində olan problemlərlə məşğul olmalıdır. İranda kütləvi aksiyaların davam etdiyi bir şəraitdə oktyabrın 17- də İran İslam İnqilabının Keşikçiləri Korpusunun, yəni Sepahın quru qoşunları Azərbaycan Respublikası ilə həmsərhəd Şərqi Azərbaycan və Ərdəbil əyalətlərində üç günlük hərbi təlimlərə başlaması isə Azərbaycana qarşı hərbi güc nümayişindən başqa bir şey deyildir.

Müzəffər Ali Baş Komandan, Prezident İlham Əliyevin siyasi iradəsi, Azərbaycan Ordusunun rəşadəti və qəhrəman Azərbaycan xalqının milli birliyi ilə Vətən müharibəsində qazanılan Zəfər və bu qələbənin ölkəmizə gətirdiyi böyük imkanları İran dövləti həzm edə bilmir. Məsələyə münasibətindən də görünür ki, İran tarixi torpaqlarımız olan Qarabağın Azərbaycanın tərkibində olmasında heç zaman maraqlı olmayıb. Əksinə o bizim torpaqlarımızın sonsuzadək işğalda qalmasına tərəfdar olub. Bu isə İran hakimiyyətinin cinayətkar və riyakar mahiyyətindən xəbər verir.

Azərbaycan dövləti də, Azərbaycan xalqı da İranın ölkəmizə olan münasibətini görür və bunu lazımınca dəyərləndirir. İnanırıq ki, İran məkrli niyyətindən əl çəkəcək. Çünki bütün dünyanın tərəqqipərvər insanları və sülhsevər dövlətləri İran riyakarlığına qarşıdır və buna sərt şəkildə öz təpkisini göstərməkdədir.

Paylaş:

Baxılıb: 655 dəfə