Şuşa-Laçın yolunda keçirilən etiraz aksiyasının məqsədi ekoloji terrora, təbiətin təcavüzünə son qoyulmasıdır

Bakı:

25 °C

56 %

1 m/s

AZ RU EN

Ana səhifə / YAP xəbərləri / Şuşa-Laçın yolunda keçirilən etiraz aksiyasının məqsədi ekoloji terrora, təbiətin təcavüzünə son qoyulmasıdır

Şuşa-Laçın yolunda keçirilən etiraz aksiyasının məqsədi ekoloji terrora, təbiətin təcavüzünə son qoyulmasıdır

21.12.2022 [11:15]

“Dekabrın 12-dən bu günədək Azərbaycan vətəndaş cəmiyyətinin nümayəndələrinin, ekologiya fəallarının və gənc könüllülərin Şuşa-Laçın yolunda həyata keçirdiyi etiraz aksiyasının səbəbləri və məqsədləri bütün dünyaya bəllidir. Təəssüflə qeyd edirik ki, Azərbaycanın Vətən müharibəsində qazandığı qələbədən sonra Azərbaycan, Rusiya və Ermənistan liderlərinin imzaladığı 10 noyabr 2020-ci il tarixli bəyanatın müddəaları Ermənistan tərəfindən yerinə yetirilmir. Ermənistan tərəfi 30 ilə yaxın işğal altında saxladığı, qəsb etdiyi torpaqlarımızda təbii sərvətlərimizin talanlanması, ekologiyamızın və təbiətimizin məhv edilməsi kimi bəşəri cinayətlərdən çəkinməyib. Bu gün də Ermənistanın və onun bu cinayətkar əməllərinə şərik olan bir sıra xarici şirkətlərin əli ilə sərvətlərimiz, faydalı qazıntı yataqlarımız vəhşicəsinə istismar edilir, talanır, dağıdılır”.

Bu sözləri açıqlamasında Yeni Azərbaycan Partiyası Binəqədi rayon təşkilatının sədri Vüsar İsmayılov bildirib. Onun sözlərinə görə Ermənistan və onun havadarları, onun əməllərinə ortaq olan xarici şirkətlər və dövlətlər öz qeyri-qanuni iqtisadi fəaliyyəti ilə beynəlxalq konvensiyaların tələblərini kobud şəkildə pozur. Azərbaycan tərəfinin erməni işğalının davam etdiyi 30 il ərzində, eləcə də post-münaqişə dövründə təbii sərvətlərinin talanması ilə əlaqədar haqlı etirazlarına və tələblərinə baxmayaraq, bu qanunsuzluğun və beynəlxalq konvensiyaların tələblərinin pozulmasının qarşısının alınması istiqamətində heç bir addım atılmayıb, Ermənistan tərəfinə heç bir təzyiq göstərilməyib. Nəticədə Ermənistanın təkcə Azərbaycana qarşı deyil, bütün dünyaya qarşı ekoloji terroru davam edir. Çünki təbiətin dili yoxdur və təbiət sərhəd tanımır. Hansısa ərazidə təbiətin məhvi bütün dünyadakı təbiətin məhvi deməkdir. Ona görə bu ekoloji terrora bütün dünya dur deməli və mübarizə aparmalıdır. Cinayətin qarşısı mütləq alınmalıdır: “Şuşa-Laçın yolunda günlərdir etiraz edən ekolfəalların və vətəndaş cəmiyyətinin nümayəndələrinin haqlı tələbləri və etirqazları da məhz təbii sərvətlərimizin talanmasına və ekoloji terrora qarşıdır. Biz azərbaycanlılar olaraq faydalı qazıntı yataqlarımızda aidiyyatı dövlət qurumlarının nümayəndələrinin iştirakı ilə monitorinq aparılmasını və bu vəhşi talançılığa son qoyulmasını tələb edirik. Ancaq təəssüflə qeyd edirik ki, həmin ərazilərə müvəqqəti nəzarət edən Rusiya sülhməramlıları da mövcud vəziyyətə göz yumur. Onlarla danışıqlar nəticəsində əldə olunmuş razılığa baxmayaraq monitorinqin keçirilməsinə maneçilik törədilir və biz hüquqlarımızdan məhrum edilirik”.

Rayon təşkilatının sədrinin fikrincə, Şuşa-Laçın yolu azərbaycanlı etirazçılar tərəfindən deyil, Rusiya Federasiyasının sülhməramlı kontingenti tərəfindən bağlanıb və bizim etirazçılar humanitar məqsədli yüklərin daşınması üçün hər cür şərait yaradır. Son bir neçə gündə baş verənlər deyilənləri sübut edir. Bizim məqsədimiz ekoloji terrora, təbiətin təcavüzünə son qoyulmasıdır. Biz mülki insanlarla mübarizə aparmırıq, onlarla heç bir problemimiz yoxdur. Rəsmi İrəvanın bu istiqamətdə səsləndirdiyi qərəzli iddiaları isə tam əsassızdır.

Paylaş:

Baxılıb: 463 dəfə