Tarixin dönüş mərhələsində ən düzgün yolu seçən böyük azərbaycanlı

Bakı:

22 °C

78 %

2 m/s

Əlaqə

AZ RU EN

Ana səhifə / YAP xəbərləri / Tarixin dönüş mərhələsində ən düzgün yolu seçən böyük azərbaycanlı

Tarixin dönüş mərhələsində ən düzgün yolu seçən böyük azərbaycanlı

03.03.2023 [14:07]

3 mart 2023-cü il tarixdə YAP Samux rayon təşkilatında “Heydər Əliyev İli” çərçivəsində “Tarixin dönüş mərhələsində ən düzgün yol seçən böyük azərbaycanlı” mövzusunda tədbir keçirildi. Tədbirdə YAP Samux rayon təşkilatı aparat üzvləri, ərazi partiya təşkilat sədrləri və partiya fəalları iştirak edirdilər.

Əvvəlcə Ulu Öndərimizin və Vətən uğrunda canından keçən qəhrəman şəhidlərimizin əziz xatirəsi bir dəqiqəlik sükutla yad edildi.

Tədbiri açıq elan edən YAP Samux rayon təşkilatının sədri Gündüz Bayramov Ümummilli Lider Heydər Əliyevin 100 illik yubileyi çərçivəsində təşkil olunan tədbirlərin müstəqil Azərbaycanın qurucusu olan dahi şəxsiyyətin zəngin irsinin öyrənilməsi və gənc nəsil arasında təbliği məqsədi daşıdığını vurğuladı.

Ümummilli lider Heydər Əliyevin həyatı, zəngin və çoxşaxəli fəaliyyətindən, eləcə də müstəqil Azərbaycan dövlətinin inkişafı naminə həyata keçirdiyi müstəsna xidmətlərindən bəhs etdi. Bildirdi ki, tarixdə elə şəxsiyyətlər var ki, adı və əməlləri dünya durduqca yaşayır və gələcək nəsillərə örnək olmaqla, onların yolunda əbədi məşəl yandırır. Adı müasir bəşər tarixinə qızıl hərflərlə həkk olunmuş xalqımızın böyük oğlu, ümummilli lider Heydər Əliyev də məhz belə şəxsiyyətlərdəndir. Gündüz Bayramov qeyd etdi ki, Ulu Öndərin mənalı və şərəfli ömür yolunun hər bir səhifəsi xalqımızın yaxın tarixi keçmişi ilə ayrılmaz vəhdət təşkil edir.

Tədbirə qonaq qismində dəvət olunmuş Samux rayon Ağsaqqallar Şurasının sədri Gəray Bayramov çıxış edərək Azərbaycan xalqının ümummilli lideri Heydər Əliyevin həyatı və siyasi fəaliyyətinin müasir tariximizdə müstəsna yer tutduğunu vurğuladı. Qeyd etdi ki, istənilən sahənin inkişaf tarixinə nəzər saldıqda Heydər Əliyevin uğurlu siyasətinin, onun misilsiz xidmətlərinin şahidi oluruq.

Daha sonra tədbirdə iştirak edən ərazi partiya təşkilat sədrlərindən Mirzəmməd Orucov, Aytən Məmmədova, Ramin Bayramov və partiya fəallarından Şəlalə Tağıyeva, Gülvin Babayeva çıxış edərək bildirdilər ki, bu gün ümummilli lider Heydər Əliyev ideyaları əsasında dinamik inkişaf edən, qüdrəti və beynəlxalq nüfuzu getdikcə artan Azərbaycan yeni zirvələr fəth edir. Qazanılan bütün nailiyyətlərin əsasında ulu öndər Heydər Əliyevin siyasi kursunun Prezident İlham Əliyev tərəfindən uğurla davam etdirilməsi dayanır.

Paylaş:

Baxılıb: 583 dəfə