Heydər Əliyev azərbaycançılıq ideologiyasının banisidir

Bakı:

22 °C

78 %

4 m/s

Əlaqə

AZ RU EN

Ana səhifə / YAP xəbərləri / Heydər Əliyev azərbaycançılıq ideologiyasının banisidir

Heydər Əliyev azərbaycançılıq ideologiyasının banisidir

04.05.2023 [13:39]

Müasir dünyada böyük rola malik ideoloji cərəyanlardan biri milli ideologiyadır. Milli ideologiya milli dəyərlərin bu və ya digər səviyyədə başa düşülməsini özündə ehtiva edir. Ölkəmizdə azərbaycançılıq ideologiyasının əsası Ümummilli Liderimiz Heydər Əliyev tərəfindən qoyulmuşdur.Bu idealogiya Azərbaycanda yaşayan, onu Vətən bilən bütün fərdləri birləşdirən ideologiyadır. Azərbaycançılıq bizim həm dövlət, həm də milli ideologiyamızdır. Təsadüfən deyilməyib ki, ideologiya Vətən haqqında vahid elmi sistemdir. Ona görə də bizim bugünkü dövlətçiliyimizin atributları – bayrağımız, gerbimiz, himnimiz, milli valyuta və Konstitusiyamız məhz Azərbaycançılığa əsaslanır.
Azərbaycançılıq ideologiyasının mahiyyətini təşkil edən milli-mənəvi dəyərlərin, ana dilinin və mədəniyyətin qorunub saxlanmasına və inkişaf etdirilməsinə məhz görkəmli dövlət xadimi Heydər Əliyevin siyasi fəaliyyəti ilə nail olunmuşdu. Ulu Öndər bununla bağlı qeyd edirdi ki, milli ideologiyamızın konsepsiyası tarixi keçmişimizi, milli adət-ənənələrimizi, dilimizi, dinimizi və mədəniyyətimizi əks etdirməli, bu dəyərlərin qorunub saxlanılmasına və inkişafına xidmət etməlidir. “Milli mənsubiyyət hər bir insan üçün onun qürur mənbəyidir. Mən həmişə fəxr etmişəm və bu gün də fəxr edirəm ki, mən azərbaycanlıyam!”. Bu müdrik kəlam Ümummilli Liderimizin milli-mənəvi dünyasını, vətəndaş mövqeyini və varlığını göstərən, öz milli köklərinə bağlılığını sübut edən tarixi bir bəyanatdır.
Müstəqil Azərbaycan dövlətinin memarı Heydər Əliyevin azərbaycançılıq ideoligiyası əsl fəaliyyət strategiyası və proqramı kimi xüsusilə qiymətləndirilir. Heydər Əliyev zamanında Azərbaycan dövlətini xilas etməsəydi, indi nə dövlətimiz vardı, nə də xalqımız həmrəyliyə, fikir birliyinə nail olardı. Uzun illər öz dövlətçiliyindən və milli-mənəvi köklərindən zorla ayrı salınan, Sovet imperiyasının buxovları altında əzilən Azərbaycan xalqı milli və dövlətçilik maraqlarına, soykökünə, tarixinə Heydər Əliyevin böyük və yorulmaz fəaliyyəti nəticəsində qayıda bilib.

Dahi rəhbərin yaratdığı Azərbaycançılıq ideologiyası və onun məzmununa daxil edilmiş əsas prinsiplər Azərbaycan Respublikasının Konstitusiyasında da öz əksini tapmışdır. Ümummilli Lider dövlətçilik maraqlarının qorunması deyəndə, ilk növbədə, hamılıqla qəbul etdiyimiz ölkənin Ali Qanununun – Konstitusiyanın müddəalarına əməl olunmasını nəzərdə tuturdu.
Bu gün Azərbaycançılıq ideologiyası milli birliyin təməlinə çevrilib. Ölkəmizdəki bugünkü sabitliyin, cəmiyyətdaxili və dövlət-cəmiyyət münasibətlərindəki harmoniyanın təməlində milli-mənəvi birlik dayanır. Azərbaycançılıq ideologiyası vətəndaş-dövlət birliyinn daha da möhkəmlənməsinə yol açır. Hər bir vətəndaşın fəaliyyətinin mərkəzində Azərbaycan dövləti, dövlətin maraqları dayanır. Bu məqam isə ölkənin möhkəm ideoloji əsaslara dayanaraq inkişaf etməsini şərtləndirir. Məhz bu ideoloji əsasla hər bir çətinliyin öhdəsindən gələrək Azərbaycanın davamlı inkişafını və daha böyük uğurlar əldə etməsini təmin edirik. Biz bununla da kifayətlənmirik, Heydər Əliyevin banisi olduğu azərbaycançılıq ideologiyasını ən müxtəlif sferalarda və fasiləsiz olaraq təbliğ edirik.

YAP Samux rayon təşkilatının sədri Gündüz Bayramov

Paylaş:

Baxılıb: 760 dəfə