Şuşa Bəyannaməsi yeni inkişaf mərhələsi yaratdı…

Bakı:

22 °C

65 %

4 m/s

Əlaqə

AZ RU EN

Ana səhifə / YAP xəbərləri / Şuşa Bəyannaməsi yeni inkişaf mərhələsi yaratdı…

Şuşa Bəyannaməsi yeni inkişaf mərhələsi yaratdı…

09.06.2023 [11:32]

Azərbaycan ilə Türkiyə arasındakı dostluq, qardaşlıq nümunəsi bütün dünya üçün örnəkdir. Münasibətlərini "Bir millət, iki dövlət" tezisi üzərində quran Azərbaycan və Türkiyənin yaratdığı birlik regionda əsl güc mərkəzi formalaşdırdı. 2021-ci ilin iyunun 15-də Şuşa şəhərində Azərbaycan Respublikasının Prezidenti İlham Əliyev və Türkiyə Cümhuriyyətinin Prezidenti Rəcəb Tayyib Ərdoğan arasında imzalanan tarixi Şuşa Bəyənnaməsi isə iki ölkənin gələcək inkişafnda yeni mərhələnin başlanğıcını qoydu. Bu sənəd post-müharibə dövründə demək olar ki, bütün sahələrdə əməkdaşlığın və münasibətlərin ən yüksək formaya daşınmasına imkan yaratdı.
Şuşa Bəyənnaməsi Azərbaycan-Türkiyə münasibətlərində yeni eranın başlanğıcıdır. Qardaş münasibətdə olan iki dövlət arasında imzalanmış bu sənəd qarşıdakı dövrdə istər əlaqələrin genişləndirilməsində, istərsə də təhlükəsizlik məsələlərində mühüm rol oynayır - hər iki ölkənin ümumi maraqlarının qorunmasında imkanların birləşdirilməsi, eləcə də müştərək maraq kəsb edən regional və beynəlxalq strateji məsələlərdə fəaliyyətlərin qarşılıqlı şəkildə əlaqələndirilməsi hər iki ölkənin regional və beynəlxalq rolunu və çəkisini artırır. Bu sənəd nəinki regionda, ümumən Avroasiya məkanında yeni bir siyasi mənzərə formalaşdırdı. Bu mənzərə isə növbəti mərhələdə Türk Dövlətləri Təşkilatının daha da güclənməsini, türkdilli ölkələrin arasında inteqrasiyanın sıxlaşması ilə nəticələndi. Bu uğurları isə son olaraq iyunun 3-də Türkiyə Prezidenti cənab Rəcəb Tayyib Ərdoğanın prezident seçkilərində qələbəsindən sonra səlahiyyətlərinin icrasına başlaması münasibətilə keçirilmiş təntənəli mərasimdə əyani şəkildə müşahidə etdik. Bütün dünya Türk Dövlətləri Təşkilatına üzv ölkələr arasındakı bağlılığı, qarşılıqlı əməkdaşlığı və qardaşlığı gördü.
Şuşa Bəyannaməsində Azərbaycan ilə Türkiyəni birləşdirəcək Zəngəzur dəhlizinin açılması, regionda nəqliyyat-kommunikasiya əlaqələrinin bərpası, beynəlxalq nəqliyyat dəhlizlərinin inkişafının təşviqi kimi aktual məsələlər, həmçinin diaspor fəaliyyətinin əlaqələndirilməsi təşəbbüsləri, bir sözlə çoxşaxəli inkişaf trayektoriyası yer alır. Bu Bəyannaməni Azərbaycan ilə Türkiyə münasibətlərinin yeni dövr üçün yol xəritəsi də adlandırmaq olar.
Bəyannamə iki ölkə arasında mövcud olan yüksək starteji əlaqələrin daha da genişləndirilməsinə zəmin yaratdı - Bəyannamənin məhz Şuşa şəhərində imzalanması isə simvolik bir xarakter daşıyırdı. Bu, hətta "İkinci Qarabağ Zəfəri" də adlandırıldı. 2021-ci ilin 15 iyununda təkcə Azərbaycan və Türkiyənin deyil, dostlarımız və düşmənlərimiz də daxil olmaqla, bütün dünyanın nəzərləri Şuşaya yönəldi. Şuşada imzalanmış Bəyannamə hər iki ölkənin ümumi maraqlarının qorunmasında imkanların birləşdirilməsi, region dövlətləri arasında bütün iqtisadi və nəqliyyat əlaqələrinin bərpası və uzunmüddətli sülhün təmin edilməsi istiqamətində birgə səylərin artırılması, beynəlxalq məsələlər üzrə həmrəylik və qarşılıqlı dəstək nümayiş etdirilməsinin vacibliyi və bir sıra digər olduqca mühüm müddəaları özündə ehtiva edir. Bu isə qarşıdakı dövrdə Türkiyə və Azərbaycan üçün əlaqələrin inkişafında yeni bir mərhələ yaradır.

YAP Hacıqabul rayon təşkilatının sədri

İsmayıl İbrahimov

Paylaş:

Baxılıb: 648 dəfə