YAP Binəqədi rayontəşkilatında “Son 20 il - Azərbaycan gənclərinin inkişaf dövrü” adlı tədbir keçirilib

Bakı:

24 °C

88 %

2 m/s

AZ RU EN

Ana səhifə / YAP xəbərləri / YAP Binəqədi rayontəşkilatında “Son 20 il - Azərbaycan gənclərinin inkişaf dövrü” adlı tədbir keçirilib

YAP Binəqədi rayontəşkilatında “Son 20 il - Azərbaycan gənclərinin inkişaf dövrü” adlı tədbir keçirilib

16.10.2023 [11:39]

13 oktyabr 2023-cü il tarixində Yeni Azərbaycan Partiyası Binəqədi rayon təşkilatı tərəfindən cənab İlham Əliyevin Azərbaycan Respublikasının Prezidenti seçilməsinin 20 illiyinə həsr olunmuş “Son 20 il - Azərbaycan gənclərinin inkişaf dövrü” adlı tədbir keçirildi. Tədbirdə YAP Binəqədi rayon təşkilatının sədri Vüsar İsmayılov, millət vəkili Şahin İsmayılov, YAP Binəqədi rayon təşkilatının ərazi partiya təşkilatlarının fəalları iştirak etdilər.

Tədbiri YAP Binəqədi rayon təşkilatının sədri Vüsar İsmayılov giriş nitqi ilə açaraq bildirdi ki, ulu öndər Heydər Əliyevin möhkəm təməllər üzərində əsasını qoyduğu və Azərbaycan Prezidenti İlham Əliyevin rəhbərliyi ilə son 20 ildə uğurla davam etdirdiyi siyasi strategiya nəticəsində Azərbaycan regionun ən qüdrətli və inkişaf etmiş dövlətinə çevrilib. Respublikamızda bütün sahələrdə - siyasi, iqtisadi, sosial, mədəni və s. həyata keçirilən islahatlar Azərbaycan vətəndaşının bugünkü və gələcək rifahının əsas qayəsini təşkil edir. Xalqın firavanlığına, yüksək sosial rifahına çalışan dövlət başçısı ən çətin günlərdə vətəndaşların yanında olub, onların problemlərinin həll edilməsində təxirəsalınmaz işlər görüb. Prezident cənab İlham Əliyevin uğurla yürütdüyü daxili və xarici siyasət nəticəsində ölkəmiz sürətlə inkişaf edərək siyasi nüfuzu, iqtisadi qüdrəti, hərbi gücü ilə nəinki regionda, bütün dünyada söz sahibinə çevrilib. Ulu Öndər Heydər Əliyevin başlatdığı və Ali Baş Komandan İlham Əliyevin həyata keçirdiyi məqsədyönlü islahatlar nəticəsində güclənmiş müzəffər Azərbaycan ordusu tarix yazmış, işğal altında olan müqəddəs torpaqlarımızı düşməndən azad etmişdir. Bu gün Azərbaycan xalqının varlığı, mənliyi, qüruru olan üçrəngli bayrağımız əzəli yurd yerlərimizdə dalğalanmaqdadır.

Millət vəkili Şahin İsmayılovun sözlərinə görə bu gün beynəlxalq aləmdə güclü dövlət, etibarlı tərəfdaş kimi tanınan müstəqil Azərbaycanın gənclər siyasəti bütün dövlətlər üçün nümunədir. Hər bir ölkədə dövlətçiliyin, müstəqilliyin daha da möhkəmləndirilməsi, gələcəyin etibarlı təminatı intellektual səviyyəli potensial kadrların yetişdirilməsindən, onların aparıcı qüvvəyə çevrilməsindən çox asılıdır. Ölkəmizdə gənclərlə iş sahəsində görülən tədbirlər Azərbaycan gəncliyinin inkişafına təkan verir, onların cəmiyyətdə özlərini təsdiq etməsində böyük rol oynayır. Xüsusi vurğulamaq lazımdır ki, dövlət başçısı İlham Əliyevin müdrik, uzaqgörən və praqmatik siyasətinin nəticəsində gənclər siyasəti ilə yanaşı, Azərbaycanın siyasi, iqtisadi imkanları da genişləndirilib. Artıq Azərbaycan çoxsaylı beynəlxalq təsisatlarda uğurla təmsil olunur, region və qeyri-region ölkələri ilə əməkdaşlıq, tərəfdaşlıq münasibətlərini davam etdirir.

Tədbir gənclərin suallarının cavablandırılması və birgə fikir mübadiləsinin aparılması ilə davam etdirildi. Sonda bədii hissə ilə sona çatdı.

Paylaş:

Baxılıb: 545 dəfə