Milli maraqları satanlar

Bakı:

24 °C

61 %

3 m/s

Əlaqə

AZ RU EN

Ana səhifə / Xəbər lenti / Milli maraqları satanlar

Milli maraqları satanlar

07.09.2023 [10:55]

Erməni təbliğatının “sınıq təkəri”nə çevrilən müxalifət

Azərbaycan müxalifətinin, o cümlədən, anti-azərbaycançı qüvvələrin sifarişləri və maddi dəstəyi ilə yaradılan qondarma “milli şura” kimi “təşkilatlar”ın fəaliyyətinin hər bir epizodu Azərbaycan cəmiyyətinə yaxından tanışdır. Milli maraqların əksinə mövqe tutmaq, xalqın və dövlətin mənafeyinə zidd hərəkət etmək bu “qüvvə”lərin “proqramlaşdırılmış konsepsiyalarıdır”. Bu baxımdan həmin antimilli ünsürlər fəslə uyğun şəkildə aktivləşmə və passivləşmə fazalarına daxil olurlar ki, bu da əldə edəcəkləri maddiyyatla tam bağlılıq təşkil edir.

Sifarişçilər bəllidir...

“Milli şura” adlanan qurum istənilən hadisədən, mövzudan istifadə edərək Azərbaycanı hədəfə götürür, hakimiyyətə və ölkədə həyata keçirilən tədbirlərə ləkə yaxmağa çalışır. Onlar Azərbaycanın nüfuzunu zədələmək üçün xarici anti-Azərbaycan qüvvələrin pozucu fəaliyyətinə, ermənilərə və terrorçulara da bəraət qazandırmağa hazır olduqlarını hər an ortaya qoyurlar - məsələn, bu oyuncaq və antimilli qurum, az qala, iki gündən bir Azərbaycanda “insan hüquqlarının vəziyyəti”, siyasi proseslər və digər məsələlər ilə bağlı “bəyanat”lar yayır, beynəlxalq ictimaiyyətə çağırışlar edir. Son zamanlar isə Qubad İbadoğlu ilə əlaqədar hazır mətnləri “bəyanat” adı ilə ictimai rəyə sırımağa çalışırlar. Bu hazır mətnləri sifariş edənlərin kimlərdən ibarət olması da hər kəsə bəllidir - qondarma şuranın əsas dəstəkçilərindən sayılan ermənipərəst “siyasətçilər”, erməni soyqırımını dəstəkləyən əcnəbi “deputatlar”, eyni zamanda Ermənistanla bağlı əsassız kampaniyaların “müəllifləri... Onlar qondarma şuranın işbirlikçiləridir.

Qondarma şura, Əli Kərimli niyə bəyanat vermir?

Amma gəlin görək, başda AXCP sədri Əli Kərimli olmaqla qondarma şura və başqaları son günlərdə Ermənistanın Azərbaycana qarşı apardığı kampaniya ilə bağlı bir kəlmə də olsun danışıbmı? Və ya özünə “vətənpərvər” yarlığı yapışdırmağa çalışan ermənipərəst Sevinc Osmanqızının kanalında danışan “ekspertlər” ölkəmizə qarşı aparılan mənfur kampaniyadan bəhs açıbmı? Hər kəs üçün maraqlıdır - qondarma “milli şura”, Əli Kərimli, Tofiq Yaqublu, Gültəkin Hacıyeva və onlar kimiləri Ermənistanın sülh prosesini sabotaj etməsi, hərbi təxribatlara əl atması, separatçıların qeyri-qanuni fəaliyyəti, Ağdam-Xankəndi yolunda törədilən təxribatlar, BMT TŞ müstəvisindəki qələbəmiz, dünyanın aparıcı dövlətlərinin Azərbaycana dəstəyi və bu kimi məsələlərlə bağlı niyə bəyanat yaymırlar? Hətta bəyanat bir tərəfə, niyə bir kəlmə də danişmırlar. Nə üçün?!

Verilən pulun qarşılığında...

Bu, bir daha onu göstərir ki, özünə “müxalifət” deyən azlıq bu xalqın nümayəndəsi deyil, onlar yalnız Azərbaycanın əleyhinə kampaniya aparmaq üçün “kodlaşdırılıblar” və ya “maliyyələşdirilirlər”. Özünü cəmiyyətə, ictimai rəyə sırımağa niyyətlənən bu “kəsim”in əsl məqsədi xalqımızın və dövlətimizin dünyadakı müsbət imicinə kölgə salmaqdır. Onlara verilən pulun qarşılığında bir tələb var - milli maraqları, dövləti və xalqı satmaq...

SADİQ

Paylaş:

Baxılıb: 633 dəfə