Humanizmə qarşı düşmənçilik

Bakı:

26 °C

89 %

3 m/s

Əlaqə

AZ RU EN

Ana səhifə / Xəbər lenti / Humanizmə qarşı düşmənçilik

Humanizmə qarşı düşmənçilik

12.12.2023 [10:37]

Ermənilərin “Spitak xainliyi”

Günel ABBASOVA

7 dekabr 1988-ci il tarixində Spitak şəhərində baş verən zəlzələ Ermənistanda “Spitak zəlzələsi” kimi tarixə düşən dəhşətli zəlzələ idi. 30 saniyənin içərisində ermənilərin gəlmə olduğu qədim türk şəhəri olan Hamamlı yer üzündən silinir. Bəli, bu ərazi məhz qədim türklərin yaşadığı tarixi mənbələrdə adı Hamamlı kimi qeyd edilən türk şəhəri idi. Daim saxta tarix və dövlət yaratmağı adət edən ermənilər bu ərazini sonralar Spitak adlandırıblar...

Rəsmi rəqəmlərə görə, 10 bal gücündə dəhşətli zəlzələ 25 min erməninin məhvinə, bir şəhərin, 58 kəndin yer üzündən silinməsinə, 140 min adamın şikəst qalmasına, 514 min ailənin evsiz qalmasına gətirib çıxardı. Alimlərin hesablamalarına görə, zəlzələ zamanı Xirosimaya atılmış on atom bombasına bərabər enerji yaranıb.

Ermənilər ilk anda nə baş verdiyini anlamırdılar. Onlar elə zənn edirdilər ki, müharibə başladı və Spitak bombalanır. Çünki həmin ərəfədə ermənilər azərbaycanlıların yaşadıqları tarixi türk torpaqlarına iddia qaldırmışdılar. Azərbaycanlılar Qərbi Azərbaycandan qovulurdu”.

Xainliklə cavablandırılan qonşu yardımı

BBC-nin rus xidmətinin rəhbəri Mark Qriqoryan Spitak zəlzələsi ilə bağlı xatirələrində yazır:

“Mixail Qorbaçov zəlzələdən üç gün sonra təbii fəlakət bölgəsindəki situasiya ilə tanış olmaq üçün Leninakana gələndə yaxınlarını itirmiş, evsiz-eşiksiz qalmış şəhər sakinləri ona evlərinin nə vaxt bərpa ediləcəyi barədə suallardan çox, Qarabağ məsələsi haqda sual verirdilər.

Göründüyü kimi, başlarına göydən daş yağdığı bir vaxtda ermənilər bu dəfə də Qarabağın işğalı planını unutmurdu. Burada da planın baş “mühəndisi”ndən kömək gözləyirdilər.

Belə bir ağır günlərdə Azərbaycan qonşu dövlətə yardım etmək qərarına gəlir. İlk yardım qrupu zəlzələdən bir gün sonra yola düşür. 11923 saylı hərbi hissənin heyətindən ibarət xilasedici dəstə hərbi hissənin komandiri Vaqif Əhmədovun rəhbərliyi ilə Spitaka çatır. Yüzlərlə yaralı erməni dağıntılar altından xilas edilir. Dekabrın 11-də Azərbaycandan ikinci qrup Spitaka yardım məqsədi ilə 78 nəfər könüllü yığılır. Səhəri gün könüllüləri Spitaka aparan “İl 76” təyyarəsi Ermənistan ərazisində vurulur. 69 nəfər xilasedici, ehtiyatda olan hərbçi və 9 ekipaj üzvü həlak olur. Tək bir nəfər Fəxrəddin Balayev sağ qalır. O da 2011-ci ildə dünyasını dəyişir. Bu günə qədər həmin təyyarənin hansı şəraitdə və necə partlaması sirr olaraq qalır. Bircə bilinən odur ki, təyyarə erməni səmasında partladılıb. Qeyd edək ki, qəzada ölən 78 nəfərə 1994-cü ildə Heydər Əliyevin sərəncamı ilə şəhid statusu verilib.

Paylaş:

Baxılıb: 603 dəfə