AYİB-in prezidenti: Kollektiv kəmiyyət hədəfi COP29-dan gözlənilən əsas nəticədir

Bakı:

11 °C

93 %

5 m/s

Əlaqə

AZ RU EN

Ana səhifə / COP29 / AYİB-in prezidenti: Kollektiv kəmiyyət hədəfi COP29-dan gözlənilən əsas nəticədir

AYİB-in prezidenti: Kollektiv kəmiyyət hədəfi COP29-dan gözlənilən əsas nəticədir

14.11.2024 [15:31]

Beynəlxalq maliyyə institutları (BMİ) maliyyələşdirmə, texniki yardım və digər mənbələrdən qrantların səfərbər edilməsi və güzəştli maliyyələşdirmə yolu ilə fəaliyyət göstərdikləri ölkələrə maksimum dəstək verir. Bu kontekstdə qeyd etmək lazımdır ki, biz təsirimizi ölçmək və maksimum dərəcədə artırmaq üçün əsas meyarları müəyyən etmək üzrə fəal işləyirik. Bu işin bir hissəsi olaraq, ölkə və layihə səviyyəli indikatorların təfərrüatlı kompleksini ehtiva edən iqlim nəticələrinin ölçülməsinə dair ümumi yanaşmamızı dərc edirik. Gələcəyə baxarkən, biz təcrübəmizdən iqlim sərmayəsini artırmaq, davamlı və ölçülə bilən nəticələri gücləndirmək, transformativ dəyişikliklərə təkan verən, işçi qüvvəsini yüksəldən və həssas icmaları dəstəkləyən layihə və ölkə səviyyəsində platformalar yaratmaq və onları həyata keçirmək öhdəliyimizə sadiqik.

AZƏRTAC xəbər verir ki, bu fikirləri Avropa Yenidənqurma və İnkişaf Bankının (AYİB) prezidenti Odil Reno-Basso Bakıda keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyasının dördüncü günündə təşkil olunan növbəti sessiyada deyib.

O, əlavə edib ki, bank, həmçinin innovativ maliyyə alətlərini genişləndirir və daha çox kapital cəlb etmək üçün siyasət yanaşmalarını təkmilləşdirir.

AYİB prezidenti qeyd edib ki, beynəlxalq maliyyə institutları artıq Misir, Şimali Makedoniya, Banqladeş və Kolumbiyada belə platformaları dəstəkləyir. “Məqsədimiz bu yanaşmanı daha çox ölkə və sektorda genişləndirməkdir. Dövlət borcunun mövcudluğu kimi məhdudiyyətləri nəzərə alaraq, biz infrastrukturu və əlaqədar tədbirləri həyata keçirmək, həmçinin özəl kapitalın cəlb edilməsini əlaqələndirmək üçün qrantlara və güzəştli maliyyələşdirməyə etibar edirik”, -deyə O.Reno-Basso vurğulayıb.

Bankın iddialı iqlim maliyyəsi hədəfləri ilə üzləşdiyini deyən Reno-Basso COP29-da gözlənilən əsas nəticənin yeni kollektiv kəmiyyətlə ölçülə bilən hədəf olduğunu bildirib: “Biz bütün tərəfləri NCQG ilə bağlı iddialı və güclü razılaşma əldə etməyə çağırırıq. Bu məqsəd beynəlxalq maliyyə institutlarına daha çox iqlim maliyyəsi təmin etmək və onun effektivliyini yüksəltmək, özəl kapitalı səfərbər etmək və ictimai təşəbbüslərin təsirini artırmaq üçün çox vacibdir. Gəlin bu məqsədin reallaşması üçün daha da çox çalışaq”.

İqlimlə bağlı fəaliyyət və davamlı inkişaf üçün ölkənin rəhbərlik etdiyi platformanın əhəmiyyətindən danışan O.Reno-Basso qeyd edib ki, o, səylərin miqyasında və iqlimlə bağlı fəaliyyət üçün özəl kapitalın səfərbər edilməsində mühüm rol oynayır. Bu platformalar üç əsas sahə daxil olmaqla yaşıl keçidə kompleks yanaşmanı təşviq edir. Birincisi, milli iqlim ambisiyasının və planlaşdırma səviyyəsinin yüksəldilməsidir. İkincisi, riskləri azaldan və özəl investisiya və kreditləşmə üçün əlverişli şərait yaradan tənzimləyici və hüquqi tədbirlərin dəstəklənməsidir. Buraya, həmçinin mədən ehtiyatlarından imtina etmək, işçilərin yenidən hazırlanması və ictimai infrastrukturun yaxşılaşdırılması üçün qrantlar və güzəştli maliyyə daxildir. Üçüncüsü, layihələrin icraya hazırlanması üçün texniki yardımın göstərilməsidir”, -deyə AYİB prezidenti sözlərini yekunlaşdırıb.

Paylaş:

Baxılıb: 480 dəfə