Cənubi Qafqazın forpost dövləti siyasi xaosdan qurtula bilmir

Bakı:

24 °C

62 %

0 m/s

Əlaqə

AZ RU EN

Ana səhifə / Dünya / Cənubi Qafqazın forpost dövləti siyasi xaosdan qurtula bilmir

Cənubi Qafqazın forpost dövləti siyasi xaosdan qurtula bilmir

29.10.2016 [10:47]

İşğalçı ölkədə hökm sürən total böhran nəticəsində hakimiyyətdəki hərbi xunta çıxılmaz vəziyyətdədir
Ermənistan yeni siyasi kataklizmlərlə qarşı-qarşıyadır. Hakimiyyətdə olan hərbi xuntanın həyata keçirdiyi tədbirlər işğalçı ölkədə ictimai-siyasi narazılıqları artırıb. Ümumiyyətlə, regional və beynəlxalq miqyasda təcrid vəziyyətinə düşən, daxili və xarici siyasətdə ciddi uğursuzluqlara düçar olan Ermənistan siyasi xaosdan qurtula bilmir. Hakimiyyət manevrləri davam etdirməyə çalışsa da, ölkə faktiki olaraq iflasın astanasındadır. Ekspertlərin proqnozları Sarkisyan hakimiyyəti üçün yalnız bədbin gələcək mənzərəsi yaradır. Siyasi şərhçilər vətəndaş müharibəsi ilə qarşı-qarşıya olan işğalçı ölkənin gələcək taleyinə dair optimist proqnozlar vermirlər. Birmənalı şəkildə ifadə olunur ki, hakimiyyətdə olan hərbi xuntanın qəbul etdiyi qərarlar vətəndaşların dərin etirazına səbəb olmaqla yanaşı, xaos və qarşıdurmaya rəvac verir.
Yeri gəlmişkən, Ermənistanda ictimai-siyasi vəziyyət yenidən gərginləşib. “Armenia today” yazır ki, ölkədə vətəndaş hərəkatı qüvvələri hökumət əleyhinə mitinq keçiriblər. Etirazçılar iyulun 17-də post-patrul alayının binasına hücumla bağlı həbs olunan Sarı Tax məhəlləsinin sakinlərinin sərbəst buraxılmasını tələb edirlər. Bundan başqa, prezident administrasiyası binası qarşına yürüşlə başlayan mitinqin iştirakçıları ölkədəki ağır sosial vəziyyətdən şikayətləniblər. Bildirilir ki, İrəvanın Sarı Tax məhəlləsində keçirilən mitinqlər zamanı dünya Ermənistandakı özbaşınalıqların bir daha şahidi oldu. Polis sadə vətəndaşlara güc tətbiq edib, dinc nümayişçilərə qarşı çoxsaylı zorakılıq hərəkətləri müşahidə olunub. Mənbənin məlumatına görə, post-patrul alayının binasına hücum zamanı yaranmış qarşıdurmada xeyli sayda vətəndaş həbs olunub. Qeyd edilib ki, 3 aydır həbsdə saxlanılan Sarı Tax sakinlərini 5 ildən 10 ilədək azadlıqdan məhrumetmə gözləyir.
“Tert.am” isə yazır ki, ictimai-siyasi gərginliyin azaldılmasının yeganə yolu iqtisadi tənəzzülün qarşısını almaqdır ki, bunu da hökumətin gücsüzlüyü istisna edir. Çünki Sarkisyan hakimiyyəti hər hansı bir islahat aparmaq əzmində deyil. Mənbədə o da qeyd olunub ki, ölkədə böyük əksəriyyət yoxsulluqdan əziyyət çəkir. Erməni Milli Konqresinin parlament frasksiyasının rəhbəri Levon Zurabyan bildirib ki, böhranın bir nömrəli səbəbkarı hökumətdir. Onun sözlərinə görə, artıq gələcəyə heç bir ümid qalmayıb.
Ermənistan KİV-i diqqəti əsas etibarilə iki neqativ tendensiyaya cəlb edir. Birincisi, ölkədə hökm sürən ictimai-siyasi gərginlik sabitlik və təhlükəsizlik mühitinin mövcud olmamasından, insan hüquqlarının kütləvi şəkildə pozulmasından irəli gəlir. İkincisi isə, sosial-iqtisadi tənəzzül, bütün sahələrdə total böhranın müşahidə olunması Ermənistan dövləti və cəmiyyətini bədbinliyə düçar edir. “Tert.am” saytının məlumatına görə, Ermənistan iqtisadiyyatı defolt təhlükəsi qarşısındadır, hökumət isə yaranan problemi həll edə bilmir. Məlumata görə, Ermənistanın xarici borcları 5,5 milyarda yaxınlaşıb ki, bu, rekord göstəricidir. İlin birinci rübünün yekunlarına görə, dövlət borcu ÜDM-in 57 faizini üstələyir. Artıq ölkə iqtisadiyyatı defolt təhlükəsi ilə qarşı-qarşıyadır. Büdcədə lazımi qədər vəsaitin olmaması isə götürülən borcları qaytarmağa imkan vermir.
Beləliklə, işğalçı ölkədə hökm sürən total böhran nəticəsində hakimiyyətdəki hərbi xunta çıxılmaz vəziyyətdədir. Sarkisyan hakimiyyətinin və bu ölkənin gələcək taleyinə dair nikbin proqnozlar vermək isə mümkünsüzdür.
Nurlan

Paylaş:

Baxılıb: 1136 dəfə