Ciddi sosial-iqtisadi böhranla üzləşən Ermənistanda vəziyyət kritik həddə çatıb

Bakı:

16 °C

72 %

7 m/s

Əlaqə

AZ RU EN

Ana səhifə / Dünya / Ciddi sosial-iqtisadi böhranla üzləşən Ermənistanda vəziyyət kritik həddə çatıb

Ciddi sosial-iqtisadi böhranla üzləşən Ermənistanda vəziyyət kritik həddə çatıb

09.09.2021 [08:50]

Ermənistanda bütün sahələrdə hökm sürən böhran vəziyyəti hakimiyyəti çıxılmaz vəziyyətə salıb. Erməni mediası yazır ki, məğlub ölkədə sosial-iqtisadi tənəzzül, mənəvi-psixoloji və siyasi gərginlik yeni vətəndaş itaətsizliyi aksiyaları ilə müşayiət olunur. Mövcud hökumətin verdiyi vədlərin müqabilində heç bir iş görməməsi daxildəki narazılıqları daha da artır.
Qeyd edək ki, hakimiyyətdən narazılıq fonunda yeni hökumətdə də bir sıra kadr dəyişiklikləri aparmaqla və “korrupsiyaya qarşı mübarizə” adı altında yeni həbslərə rəvac verməklə Paşinyan iqtidarı vəziyyətdən çıxmaq istəyir. Məsələn, “Hraparak” qəzeti yazır ki, hazırda hökumətdə əsas fiqurlardan biri olan baş nazirin müavini Suren Papikyanın qərarı ilə Ermənistan Ədliyyə Nazirliyi Cinayət-icra xidmətinin rəisi vəzifəsini icra edən Artur Qoyunyan vəzifəsindən uzaqlaşdırılıb. Həmin gün Su Komitəsi sədrinin səlahiyyətlərini icra edən Karen Sarkisyan da vəzifəsindən azad edilib: “Lakin əldə etdiyimiz məlumata görə, onlar başqa vəzifəyə təyin ediləcəklər. Bir neçə gün əvvəl parlamentdə müxalifətə hücum edən və alovlu nitq söyləyən K.Sarkisyan Qeqarkunik (Göyçə) vilayətinin qubernatoru təyin ediləcək. Digər məlumata görə, A.Qoyunyan Dövlət gəlirləri komitəsinin (DGK) sədri Rüstəm Badasyana yaxın olduğu üçün sözügedən komitədə vəzifə alacaq”.
Yeri gəlmişkən, ölkədə sensasiyalı həbslər də qeydə alınır. Belə ki, Ermənistanın keçmiş baş prokuroru, istintaq komitəsinin sabiq sədri Ağvan Hovsepyan dələduzluq və xüsusilə böyük məbləğdə çirkli pulların yuyulması ittihamı ilə saxlanılıb. “News.am” Xüsusi istintaq xidmətinin (XİX) mətbuat xidmətinə istinadən yazır ki, 2004-2013-cü illərdə Ermənistanın baş prokuroru və 2014-2018-ci illərdə isə İstintaq komitəsinin sədri vəzifələrini tutan A.Hovsepyan həmin müddət ərzində sahibkarlıq fəaliyyəti ilə məşğul olan bir sıra şirkətlərin idarə edilməsində iştirak edib, əlavə olaraq 190 milyon dram məbləğində rüşvət alıb, fırıldaqçılıq yolu ilə 800 milyon dram məbləğində əmlakı mənimsəyib. Ümumiyyətlə, A.Hovsepyan 1 milyard 299 milyon 404 min dram məbləğində əmlakı qanunsuz yolla ələ keçirməkdə ittiham olunur. “FactInfo” yazır ki, sentyabrın 8-də İrəvanın ümumi yurisdiksiya məhkəməsi A.Hovsepyanın həbsinə dair XİX-in vəsatətini təmin edib.
Bu arada, Paşinyan hökuməti üçün son vaxtlar başağrısına çevrilən kəndlilərin üzümlərinin alışında yaranan problemlə bağlı regionlarda keçirilən etiraz aksiyaları da davam edir.
Göründüyü kimi, ciddi sosial-iqtisadi böhranla üzləşən Ermənistanda vəziyyət kritik həddə çatıb. Ölkədəki siyasi durumdan asılı olmayaraq əhalinin problemlərini həll edə bilməyən yeni hökumət yersiz kadr dəyişiklikləri ilə işini bitmiş hesab edir.
Qaşqay ZİYƏDDİNOĞLU

Paylaş:

Baxılıb: 702 dəfə