Fransanın məşhur idman saytında birinci Avropa Oyunlarına həsr olunan fotosərgi haqqında məlumat yerləşdirilib

Bakı:

23 °C

53 %

4 m/s

AZ RU EN

Ana səhifə / İdman / Fransanın məşhur idman saytında birinci Avropa Oyunlarına həsr olunan fotosərgi haqqında məlumat yerləşdirilib

Fransanın məşhur idman saytında birinci Avropa Oyunlarına həsr olunan fotosərgi haqqında məlumat yerləşdirilib

21.06.2015 [13:53]

Fransanın məşhur idman saytında /http://www.francsjeux.com/2015/06/08/lazerbaidjan-sexpose-a-paris/20175/ Parisdə keçirilən, “Bakı-2015” birinci Avropa Oyunlarına həsr olunan fotosərgi haqqında məlumat yerləşdirilib. Məlumatda deyilir: “Azərbaycanı tanımaq, onun idman mədəniyyətinə və buradakı insanların fiziki aktivlik sevgisinə yaxından bələd olmaq imkanı yalnız Bakıya Avropa Oyunları üçün gələn qonaqlara verilməyəcək.
Bu ölkə ilə yaxından tanış olmaq üçün heç də uzaq məsafə qət etmək lazım deyil. Belə ki, “Azərbaycan: idman diqqət mərkəzindədir” adlı fotosərgi artıq bir neçə aydır Avropanı gəzib-dolaşmaqdadır. O, hazırda Parisdəki “Charlety” stadionunun yaxınlığında, CNOF qərargahının geniş dəhlizində sərgilənir.
Sərgiyə çıxarılan 65 fotoşəkil Azərbaycanda idmanın nə dərəcədə geniş əhatəli və çoxşaxəli olduğunu nümayiş etdirir. Bu fotoşəkillər Avropa Azərbaycan Cəmiyyətinin (TEAS) təşkil etdiyi beynəlxalq müsabiqədən sonra seçilib.
Müsabiqədə peşəkar və həvəskar fotoqrafların iştirakı nəzərdə tutulmuşdu. Ümumilikdə 50 fotoqrafın çəkdiyi 300-dən artıq fotoşəkil daxil olmuşdu. Münsiflər heyəti fotoqrafiyanın məşhur simalarından ibarət idi: VII Fotoqrafiya Agentliyinin həmtəsisçisi, amerikalı Ed Kaşi, portret mütəxəssisi, almaniyalı Filip Ratmer və təbiət və portret fotoşəkilləri ilə bir çox mükafatlara layiq görülmüş azərbaycanlı Ağdəs Bağırzadə.
Seçim geniş və çətin idi. Münsiflər heyəti qızğın müzakirələrdən sonra üç qalibi müəyyən etdi. Onların adları fevralın 27-də Londondakı “OXO” qalereyasında keçirilən sərginin açılışında elan edilib. Azərbaycanlı peşəkar fotoqraf Dilavər Nəcəfovun çəkdiyi “Zirvəyə doğru” fotoşəkil müsabiqənin qalibi seçilib. Bu fotoşəkildə 2008-ci il Pekin Olimpiadasında bədii gimnastika üzrə mütəxəssis əks olunur.
İkinci yerə fransız fotoqrafı Pol Robion layiq görülüb. O, Rio-de-Janeyronun “Inapema Beach” çimərliyində çəkdiyi futbolçuların şəklini təqdim etmişdi.
Üçüncü mükafat isə azərbaycanlı Rüfət Abbasa verilmişdi. Onun təqdim etdiyi işdə yürüşdən bir neçə dəqiqə qabaq çəkilmiş avtomobil sürücüsü əks olunub. Fotoşəkil “Yekun təlimatlar” adlanır”.
Fotomüsabiqənin, onun qaliblərinin və sərginin video təqdimatlarına Avropa Azərbaycan Cəmiyyətinin saytında (www.teas.eu) “Bakı-2015” I Avropa Oyunlarına həsr edilən bölmədə baxmaq olar.

Paylaş:

Baxılıb: 1156 dəfə