“Zəfər günləri”nin növbəti qonaqları medal qazanan idmançılarımızın valideynləri olublar

Bakı:

26 °C

42 %

1 m/s

Əlaqə

AZ RU EN

Ana səhifə / İdman / “Zəfər günləri”nin növbəti qonaqları medal qazanan idmançılarımızın valideynləri olublar

“Zəfər günləri”nin növbəti qonaqları medal qazanan idmançılarımızın valideynləri olublar

26.06.2015 [10:20]

İyunun 25-də Milli Olimpiya Komitəsinin (MOK) təşkil etdiyi “Zəfər günləri” adlı xüsusi tədbirin qonaqları birinci Avropa Oyunlarında medal qazanan idmançılarımızın valideynləri olublar.
AZƏRTAC xəbər verir ki, görüşdə MOK-un İcraiyyə Komitəsinin üzvü Zərifə Salahova, Olimpiya çempionu Zemfira Meftahətdinova və idman ictimaiyyətinin nümayəndələri iştirak ediblər.
Tədbirdə əvvəlcə Azərbaycan idmançılarının birinci Avropa Oyunlarında əldə etdikləri nailiyyətlərdən söhbət açılıb. Məlumat verilib ki, birinci Avropa Oyunlarının 13-cü günündə 11 dəst medalın sahibi müəyyənləşib. Hesabına bir mükafat əlavə edən Azərbaycan yığmasının aktivindəki medalların sayı 40-a çatıb. Azərbaycan 14 qızıl, 11 gümüş, 15 bürünc medalla komanda hesabında ikinci pillədəki mövqeyini qoruyub.
Diqqətə çatdırılıb ki, idmançılarımızın bu qələbələri heç də təsadüfi deyil. Ulu öndər Heydər Əliyevin əsasını qoyduğu idman siyasəti bu gün bəhrəsini verir. Bu siyasəti uğurla davam etdirən Prezident İlham Əliyev Azərbaycanda idmanın inkişaf etdirilməsinə və onun kütləviliyinin artırılmasına xüsusi diqqət yetirir. Azərbaycan Prezidentinin mətin iradəsi və böyük səyləri nəticəsində istər paytaxtda, istərsə də bölgələrdə istifadəyə verilən Olimpiya İdman kompleksləri idmançılarımızın birinci Avropa Oyunlarında parlaq qələbələr qazanmalarında mühüm rol oynayır. Vurğulanıb ki, beynəlxalq idman yarışlarında qələbə qazanan gənc idmançılarımızın layiqincə qiymətləndirilməsi, eləcə də birinci Avropa Oyunlarında yarışların dövlətimizin başçısı tərəfindən izlənilməsi onların uğurlarında mühüm rol oynayır.
Sonra birinci Avropa Oyunlarında medal qazanan idmançılarımızın valideynlərinə MOK-un hədiyyələri təqdim olunub və onlar iştirakçılarla sevinclərini bölüşüblər.
Yunan-Roma güləşi üzrə qızıl medalçı Rəsul Çunayevin atası Həmzət Çunayev deyib: “Çox sevinirəm və fəxr edirəm ki, oğlum birinci Avropa Oyunlarında qızıl medal qazanaraq Azərbaycanın dövlət himnini səsləndirdi. Onun çempion olacağına inanırdım. Çünki Rəsul bu yarışlara çox yaxşı hazırlaşmışdı”.
Həmzət Çunayev idmançılarımıza göstərdiyi yüksək diqqət və qayğıya görə dövlətimizin başçına minnətdarlığını bildirib.
Digər mükafatçı Elman Muxtarovun atası Coşqun Muxtarov da oğlunun qələbəsindən duyduğu sevinci bölüşərək idmançımızın ermənistanlı rəqibinə qalib gəlməsində xalqımızın dəstəyini xüsusi vurğulayıb.
Karate yarışlarında birinci Avropa Oyunlarının çempionu olan Firdovsi Fərzəliyevin atası Rəfi Fərzəliyev sevincini belə ifadə edib: “Övladımın birinci Avropa Oyunlarında Azərbaycan bayrağını yüksəyə qaldırması hər bir azərbaycanlı kimi, məni də fərəhləndirdi. İnanıram ki, Firdovsi dövlətimizin qayğısı sayəsində gələcəkdə də beynəlxalq yarışlarda bayrağımızı dalğalandıracaq və böyük uğurlar əldə edəcək”.
Karate üzrə yığmamızın baş məşqçisi Rəhman Hətəmov birinci Avropa Oyunlarının yüksək səviyyədə təşkil olunduğunu vurğulayaraq, buna görə Azərbaycanın birinci xanımı Mehriban Əliyevaya, MOK-un, Gənclər və İdman Nazirliyinin rəhbərliyinə minnətdarlığını çatdırıb. O, həmçinin deyib: “Mən buradakı valideynlərə təşəkkür edirəm ki, ölkəmizə qələbə sevinci yaşadan belə övladlar yetişdiriblər. Bunun özü də qəhrəmanlıqdır. Biz məşqçilər çalışacağıq ki, bundan sonra da güclü idmançılar yetişdirək və daim Azərbaycan xalqını sevindirək”.

Paylaş:

Baxılıb: 1049 dəfə