Avrasiya Bankı Azərbaycana investisiya yatırmağa hazırdır

Bakı:

23 °C

78 %

4 m/s

Əlaqə

AZ RU EN

Ana səhifə / İqtisadiyyat / Avrasiya Bankı Azərbaycana investisiya yatırmağa hazırdır

Avrasiya Bankı Azərbaycana investisiya yatırmağa hazırdır

14.03.2025 [10:13]

Avrasiya İnkişaf Bankı Azərbaycanda müxtəlif sahələr üzrə layihələrin maliyyələşdirməsinə hazır olduğunu bəyan edib. Bu barədə Avrasiya İnkişaf Bankının (AİB) İdarə Heyətinin sədri Nikolay Podquzov bildirib. Bankın nümayəndə heyəti ilə Azərbaycanın maliyyə naziri Sahil Babayev arasında keçirilən görüşdə N.Podquzov Bankın yaradılması, fəaliyyəti, hazırkı üzvləri, eləcə də üzv ölkələrdə maliyyələşdirilən layihələr barədə ətraflı məlumat verib. O, Bankla Azərbaycan arasında əməkdaşlıq üçün böyük imkanların olduğunu diqqətə çatdırıb.

S.Babayev Azərbaycanın beynəlxalq maliyyə institutları ilə əməkdaşlığın daha da genişləndirilməsində maraqlı olduğunu və Avrasiya İnkişaf Bankı ilə də əməkdaşlıq məsələsinin nəzərdən keçiriləcəyini qeyd edib. AİB-in fəaliyyəti, layihələri maliyyəşdirmə prosedurları və bu sahədə qarşılıqlı maraq doğuran məsələlərə dair fikir mübadiləsi aparılıb.

AİB Azərbaycanın səhmdar olmasında maraqlıdır

Avrasiya İnkişaf Bankı Azərbaycanın bu maliyyə institutnda yer almasında maraqlıdır. Bankın rəhbərliyi ölkıəmizin bu qurumun səhmdarlarının sırasına qoşulmasına ümid etdiyini bəyan edib. Bir müddət əvvəl AİB-in idarə heyətinin sədri Nikolay Podquzov bildirib ki, bank öz sıralarına yeni iştirakçıların cəlb edilməsi yolu ilə səhmdarların sırasının genişlənməsinə çalışır. Onların sırasında Azərbaycan xüsusi etimad göstərilir. “Biz banka yeni iştirakçıların cəlb edilməsi üzrə fəaliyyətimizi gücləndirmək istəyirik. Avrasiya regionunda fəaliyyət göstərən bank olaraq görürük ki, ilk növbədə regiondakı qonşu ölkələr namizəd ola bilər. Aydındır ki, Türkmənistan, Monqolustan və ya Azərbaycan kimi ölkələr bankın həqiqi tərəfdaşları ola bilərdi. Yaxın Şərq ölkələri Mərkəzi Asiya regionuna investisiya yatırmaqda maraqlıdırlar” - deyə Podquzov vurğulayıb.

AİB rəhbəri qeyd edib ki, danışıqlar prosesinin hər hansı konkret nəticələri ilə bağlı məlumat verilməsə də, 2025-ci ildə banka yeni səhmarların daxil olacağına əminik. Nəticədə bu maliyyə institunun coğrafi fəaliyyəti daha da genişlənəcək.

Yeni üzvlər investorlar klubunu genişləndirə bilər

Avrasiya İnkişaf Bankı Avrasiya ölkələrində iqtisadiyyatların, ticarət və digər iqtisadi əlaqələrin inkişafına və inteqrasiyaya sərmayə qoyan beynəlxalq maliyyə institutudur. Bankın əsas missiyası üzv dövlətlərdə bazar iqtisadiyyatlarını və iqtisadi artımı təşviq etmək və investisiyalar vasitəsilə onlar arasında ticarət və digər iqtisadi əlaqələrin genişləndirilməsinə kömək etməkdir. 2006-cı ildə yaradılmış təsisatın Baş ofisi Qazaxıstanın Almatı şəhərində yerləşir. 7 milyard dollardan çox nizamnamə kapitalına malik olan Avrasiya İnkişaf Bankı regionda iri maliyyə institutlarından biri kimi nəhəng layihələrin, regional proqramların maliyyələşdirilməsində aktiv investor kimi çıxış edir.

Bankın səhmdarları 6 ölkədir. Özbəkistan hazırda banka qoşulma ərəfəsindədir.

Misir, İsrail, Hindistan, İndoneziya, İran, Yaponiya, Monqolustan, Sinqapur, Tailand, Koreya Respublikası və Vyetnam bu təşkilata üzv olmaq niyyətindədir. Bankın Sankt-Peterburqda filialı və Astana, Bişkek, Düşənbə, Minsk Moskvada isə nümayəndəlikləri var.

E.CƏFƏRLİ

Paylaş:

Baxılıb: 622 dəfə