Bakıda Azərbaycan-Kamboca biznes forumu keçirilib

Bakı:

25 °C

53 %

6 m/s

Əlaqə

AZ RU EN

Ana səhifə / İqtisadiyyat / Bakıda Azərbaycan-Kamboca biznes forumu keçirilib

Bakıda Azərbaycan-Kamboca biznes forumu keçirilib

23.04.2014 [09:13]

Aprelin 22-də Bakı Biznes Mərkəzində Azərbaycan-Kamboca biznes forumu keçirilib.
AzərTAc xəbər verir ki, İqtisadiyyat və Sənaye Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə keçirilən tədbirdə hər iki tərəfdən rəsmi şəxslərlə yanaşı, sənaye, kənd təsərrüfatı, konsaltinq, tikinti, logistika sahələrində fəaliyyət göstərən 50-dən çox iş adamı iştirak edib.
Tədbirdə iqtisadiyyat və sənaye nazirinin müavini Sahil Babayev çıxış edərək, Azərbaycanın beynəlxalq əməkdaşlığın genişləndirilməsinə böyük önəm verdiyini diqqətə çatdırıb, biznes forumların, işgüzar görüşlərin və sahibkarların iştirakı ilə keçirilən digər görüşlərin iqtisadi münasibətlərin inkişafında əhəmiyyətli rol oynadığını söyləyib. Nazir müavini Azərbaycan-Kamboca biznes forumunun ölkələrimiz arasında iqtisadi əlaqələrin inkişafına müsbət töhfə verəcəyinə əmin olduğunu bildirib.
Sahil Babayev, həmçinin Azərbaycan iqtisadiyyatı barədə də geniş məlumat verib. Qeyd edilib ki, uğurla davam etdirilən sosial-iqtisadi siyasət nəticəsində ölkəmizdə davamlı və dayanıqlı iqtisadi inkişaf, makroiqtisadi sabitlik təmin edilib, əlverişli biznes və investisiya mühiti yaradılıb. Qazanılmış sosial-iqtisadi nailiyyətlər nüfuzlu beynəlxalq reytinq agentliklərinin hesabatlarında da öz əksini tapıb. Bütün bunlar Azərbaycanın iqtisadi uğurlarına verilən yüksək qiymətin, ölkəmizin beynəlxalq aləmdə artan nüfuzunun göstəricisidir.
Artıq Azərbaycanın investisiya ixrac edən ölkəyə çevrildiyini vurğulayan Sahil Babayev kambocalı iş adamlarını ölkəmizdə yaradılmış əlverişli biznes mühiti və investisiya imkanlarından yararlanmağa, azərbaycanlı iş adamları ilə fəal əməkdaşlığa dəvət edib.
Kamboca Krallığının ticarət naziri və İnkişaf Şurasının sədr müavini Sun Çanthol ölkəsi ilə Azərbaycan arasında iqtisadi əlaqələrin inkişafı üçün mövcud potensialdan səmərəli istifadənin, iş adamları arasında əlaqələrin genişləndirilməsinin ölkələrimizin iqtisadi-ticarət əməkdaşlığının inkişafında əhəmiyyətini vurğulayıb.
Kambocalı qonaq iqtisadi əlaqələrin inkişaf istiqamətləri barədə də məlumat verib. Sun Çanthol ölkəsinin əlverişli təbii coğrafi mövqedə yerləşdiyini, Azərbaycan ilə əlaqələrin inkişafında maraqlı olduğunu diqqətə çatdırıb, azərbaycanlı iş adamlarını kambocalı iş adamları ilə əlaqələri genişləndirməyə və Kamboca iqtisadiyyatının müxtəlif sahələrinə investisiya yatırmağa dəvət edib.
AZPROMO-nun rəhbəri Rüfət Məmmədov Azərbaycanın investisiya mühiti və biznes imkanlarına, Kambocanın İnkişaf Şurasının baş katibi Sok Çenda Sofean bu ölkənin investisiya mühitinə dair təqdimatlarla çıxış ediblər.
Biznes forum iş adamları arasında ikitərəfli görüşlərlə davam edib.

Paylaş:

Baxılıb: 1301 dəfə