Müharibədən sonrakı reallıqlar və media

Bakı:

13 °C

94 %

6 m/s

Əlaqə

AZ RU EN

Ana səhifə / MEDİA / Müharibədən sonrakı reallıqlar və media

Müharibədən sonrakı reallıqlar və media

24.01.2022 [18:03]

Jurnalistlər üçün üç günlük təlimə start verilib

Beynəlxalq Münasibətlərin Təhlili Mərkəzi, Medianın İnkişafı Agentliyi, Xarici İşlər Nazirliyi və Müdafiə Nazirliyinin birgə təşkilatçılığı ilə “Müharibədən sonrakı reallıqlar və media” mövzusunda üç günlük təlimə start verilib.

Medianın üzərinə böyük məsuliyyət düşür

Təlimlərin açılış mərasimində çıxış edən Medianın İnkişafı Agentliyinin İcraçı direktoru Əhməd İsmayılov qeyd edib ki, müharibədən sonrakı reallıqların beynəlxalq ictimaiyyətə çatdırılmasında medianın üzərinə böyük məsuliyyət düşür. Postmünaqişə və postmüharibə dövründə bu mövzuda təlimlərin təşkili mühüm əhəmiyyət kəsb edir. Beynəlxalq sahədə ixtisaslaşmış jurnalistlərə böyük ehtiyac duyulur. Jurnalistlər peşəkarlıqlarını daim artırmalıdırlar. Media nümayəndələrinin peşəkarlığı ölkə daxilində qalmamalı, sərhədləri aşmalıdır”.

“Bu platformanı öz üzərimizə götürəcəyik və bu proses davam etdiriləcək. Bu platforma həm jurnalistlərin peşəkarlığının artırılmasına, həm də ümumi işimizə fayda verəcək. Təlimlərə xarici mütəxəssislər də cəlb olunacaq. Düşünürəm ki, təlimlərdən sonra yazıların keyfiyyəti daha da yaxşılaşacaq və daha səmərəli olacaq”, - deyə icraçı direktor bildirib.

Məqsəd jurnalistlərin peşəkarlığının artırılmasıdır

Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev isə qeyd edib ki, əsas məqsəd milli media məkanında çalışan, beynəlxalq münasibətlər istiqamətində xəbərlər hazırlayan, münaqişə və postmünaqişə barədə materiallar hazırlayan jurnalistlərin peşəkarlığının artırılmasıdır: “Media nümayəndələri beynəlxalq qurumlarla, səfirliklərlə sıx işləməli, həqiqətlərin dünyaya çatdırılmasında daha fəal olmalıdırlar. Jurnalistlər məzmun yaratmalıdırlar. Məqsədimiz odur ki, Azərbaycanın səsi beynəlxalq aləmdə daha yaxşı eşidilsin. Bu mənada araşdırma xarakterli yazıların sayı artırılmalıdır”.

Daha sonra təlimdə Xarici İşlər Nazirliyinin Mətbuat Xidməti İdarəsinin rəisi Leyla Abdullayeva, Müdafiə Nazirliyinin Mətbuat Xidmətinin rəisi, polkovnik-leytenant Anar Eyvazov və başqaları çıxış ediblər.

Təlimlər Azərbaycanın müharibədən sonrakı dövrdə mövqeyinin beynəlxalq mediaya düzgün çatdırılması dili, müharibədən sonra terminalogiyanın dəyişməsi, media nümayəndələrinin işğaldan azad olunmuş bölgələrdə davranışı və materialların hazırlanmasında nəzərə alınmalı həssas məqamlar və digər məsələləri əhatə edəcək.

Paylaş:

Baxılıb: 915 dəfə