Günəşə yaxınlığına görə 7-ci planet!

Bakı:

1 °C

75 %

11 m/s

Əlaqə

AZ RU EN

Ana səhifə / Maraqlı / Günəşə yaxınlığına görə 7-ci planet!

Günəşə yaxınlığına görə 7-ci planet!

13.03.2024 [11:18]

Uran necə kəşf olundu?

Planetlər barədə olan məlumatlar hər zaman insanların diqqətini cəlb edib. Bir sözlə, planetlər insanlar üçün maraqlı, bir o qədər də sirrli olub. Elmi-texniki tərəqqi inkişaf etdikcə səma cismləri, xüsusilə planetlər haqqında maraqlı məlumatlar üzə çıxıb. Qeyd edək ki, planet bir ulduzun ətrafında fırlanan göy cismidir. Günəş sistemində 8 planet var, onlardan yalnız beşini adi gözlə görmək olur. İndiyə qədər Günəş və ətrafında fırlanan planetlər haqqında çox məlumatlar əldə etmişik. Ancaq bu məlumatların tam doğru olduğunu kimsə təsdiqləyə bilməz.

Bu gün Günəşə yaxınlığına görə 7-ci planet olan Uranın kəşf edilməsindən 243 il ötür. Uran Günəşdən uzaqda yerləşdiyi üçün onun haqqında elə də çox məlumat öyrənilməyib.

Ən soyuq planetlərdən biri...

Uran Neptundan bir qədər qabaqda yerləşən Günəş sistemindəki ən uzaq planetlərdən biridir. Bu baxımdan ən soyuq planetlərdən biri kimi də seçilir. Günəş ətrafında bir dövrəni düz 84 ildə tamamlayan planet peyk baxımından da çox zəngin bir quruluşa malikdir. Hətta peyk sayına görə 3-cü planet olduğunu söyləmək mümkündür. Bu günə qədər kəşf edilmiş 27 ayrı peyki var.

Uran parlaq səmada çılpaq gözlə görünə bilər. Ancaq bu vəziyyət daha çox kiçik və zəif bir ulduz kimi görünür. Heç bir istilik mənbəyi olmasa da, bu formaya malik nadir planetlərdən biridir. Eyni zamanda oxun əyilməsi ilə səthdə heç bir fəaliyyət yoxdur.

Yerdən 14 dəfə ağır...

Planetin kütləsi təqribən 86.810-dur. Təxminən 300.000.000.000 milyard kiloqramdır. Uran Yerdən təxminən 14 dəfə ağırdır və cazibə qüvvəsi çox güclüdür. Planetin orbital sürət də kifayət qədər yüksəkdir. Səthin temperaturu isə təxminən - 176 °C-dir.

Uranın teleskopla müşahidəsi

Qədim Yunan astronomları tərəfindən ulduz kateqoriyasına salınan Uran zaman- zaman alimlərin diqqətini çəkməyi bacarıb. Günəş tutulmalarını böyük müvəffəqiyyətlə proqnozlaşdıran ingilis astronom Con Flamsteed 1690-cı ildə Uranı 6 dəfə müşahidə edib və bu müşahidələrlə Uranı ilk dəfə insanlar daha aydın görüblər. Daha sonra 1750-1769-cu illər arasında fransız astronomu Şarl Le Monye Uranı 14 dəfə müşahidə edib. Tutması çətin olan bu göy cisminin sirrini nəhayət həll edən Uilyam Herşel 1781-ci il martın 13-də teleskopla Uranı çox daha detallı şəkildə müşahidə etməyi bacardı. Uilyam Herşel ilk dəfə müşahidələri nəticəsində Uranın kometa olduğunu düşünsə də, əldə etdiyi məlumatları digər məşhur astronomların müşahidələri ilə müqayisə etdikdə Uranın planet olduğu qənaətinə gəlib. Herşel bu müşahidəyə görə o zamanlar İngiltərə kralı III George tərəfindən mükafatlandırılmışdı.

Yeganə BAYRAMOVA

Paylaş:

Baxılıb: 579 dəfə