II Vətən müharibəsi fotojurnalda

Bakı:

15 °C

72 %

9 m/s

Əlaqə

AZ RU EN

Ana səhifə / Mədəniyyət / II Vətən müharibəsi fotojurnalda

II Vətən müharibəsi fotojurnalda

18.11.2021 [11:09]

Azərbaycanın 44 günlük Vətən müharibəsinə həsr edilən ilk fotojurnalın təqdimat mərasimi keçirilib. Fotomüxbirlər Əziz Kərimov, Ehtiram Cəbi və Roman İsmayılovun İkinci Vətən müharibəsində lentə aldığı fotolardan ibarət olan jurnal “JPEG” adlanır.

Mərasimdə Medianın İnkişafı Agentliyinin İcraçı direktoru Əhməd İsmayılov, “YAŞAT” Fondunun rəhbəri, Qarabağ müharibəsi qazisi Elvin Hüseynov, “Azərbaycan” nəşriyyatının baş direktoru Leyla Güləliyeva, Mətbuat Şurası sədrinin müavini Müşfiq Ələsgərli, AzTV-nin sədr müavini Rüfət Həmzəyev, din xadimi Hacı Şahin, eləcə də dövlət qurumlarının mətbuat katibləri, KİV rəhbərləri və nümayəndələri, qazilər və başqaları iştirak ediblər.

Mərasim şəhidlərin əziz xatirəsinin bir dəqiqəlik sükutla yad edilməsi ilə başlayıb.

Vision tv.az-ın təşkilatçılığı ilə baş tutan təqdimat mərasimini giriş sözü ilə açan sözügedən xəbər portalının baş redaktoru Şöhrət El-Dəniz bildirib ki, bu gün təqdim olunan jurnalda müəlliflər həyəcan, emosiya, sevgi və nifrəti çəkdikləri fotolarla çatdırıblar. Bildirilib ki, rəşadətli ordumuzun əldə etdiyi şanlı zəfərdə jurnalistlərimizin, eləcə də fotoqraflarımızın böyük əməyi olub. Onlar 44 günlük Vətən müharibəsində ən ekstremal şəraitdə düşmən gülləsi ilə üzbəüz dayanaraq o anları əbədiləşdiriblər.

Sonra çıxış edən Medianın İnkişafı Agentliyinin İcraçı direktoru Əhməd İsmayılov qeyd edib ki, Ali Baş Komandan İlham Əliyevin müdrik və qətiyyətli siyasəti nəticəsində müzəffər ordumuz işğal altında olan torpaqları azad edərək qələbəni bizə bəxş edib: “Ümummilli Lider Heydər Əliyevin siyasi xəttinin davamçısı Müzəffər Ali Baş Komandan Prezident İlham Əliyevin “Dəmir yumruğu”nun ətrafında Azərbaycan xalqı sıx birləşərək düşmənə qarşı böyük fəxarətlə vuruşdu. 44 günlük Vətən müharibəsində jurnalistlərin də əməyi qiymətləndirilir. Məhz jurnalistlərin düzgünlüyü və operativliyi nəticəsində cəmiyyətə dolğun və vaxtında informasiyalar çatdırıldı. Fotoqrafların cəbhədə çəkdiyi şəkillər həm ölkəmizin, həm də xarici medianın gündəmində oldu. Bu gün təqdim edilən jurnal böyük əhəmiyyətə malikdir. Jurnalın, həmçinin ingilis dilində olması Azərbaycan həqiqətlərinin dünya ictimaiyyətinə çatdırılmasında vacib rol oynayacaq”.

“YAŞAT” Fondunun rəhbəri, Qarabağ müharibəsi qazisi Elvin Hüseynov da fotojurnalın əhəmiyyətindən bəhs edib. Onun sözlərinə görə, gənclərin ərsəyə gətirdiyi bu nəşr gələcək nəsillərə miras qalacaq.

Daha sonra çıxış edən fotoqraflar müharibə ilə bağlı xatirələrini bölüşüblər. Qeyd olunub ki, nəşrdəki fotolar həm müharibə, həm də postmüharibə dövrünə aid olmaqla, Azərbaycan Ordusunun düşmənə qarşı apardığı haqq mübarizəsindəki qəhrəmanlığını əks etdirməklə yanaşı, Ermənistan tərəfindən mülki əhalimizə və infrastruktur obyektlərimizə yönəlmiş cinayətləri də göstərir. Vurğulanıb ki, dərc edilən materialların unikallığı baxımından ilk belə nəşr olan fotojurnal “Azərbaycan” nəşriyyatı tərəfindən təmənnasız şəkildə tərtib olunaraq çap edilib.

Tədbirin sonunda fotoqraflar MEDIA Agentliyi tərəfindən “Fəxri Fərman”la təltif olunublar.

MÜŞFİQƏ

Paylaş:

Baxılıb: 1107 dəfə