Respublikamızın cənub bölgəsində də infrastruktur layihələri uğurla həyata keçirilir

Bakı:

12 °C

82 %

3 m/s

Əlaqə

AZ RU EN

Ana səhifə / Siyasət / Respublikamızın cənub bölgəsində də infrastruktur layihələri uğurla həyata keçirilir

Respublikamızın cənub bölgəsində də infrastruktur layihələri uğurla həyata keçirilir

03.08.2012 [21:18]

Prezident İlham Əliyev: ölkə qarşısında duran əsas vəzifələr icra edilibdir. Ancaq həyat yerində durmur, yeni vəzifələr ortaya çıxır. Elə etməliyik ki, növbəti 10 il ərzində iqtisadi gücümüzü iki dəfə artıra bilək
Məlum olduğu kimi, Azərbaycanda regionların sosial-iqtisadi inkişafı dövlət siyasətinin prioritet istiqamətlərindəndir. Bu yöndə aparılan siyasət inkişafın Azərbaycan modelinin əsas tərkib hissələrindən biridir. Yəni, çoxkomponentli olmaqla bütün makroiqtisadi və makrososial sferaların əsas seqmentlərini əhatə edən regionların inkişafı ilə bağlı olan dövlət proqramları məhz Azərbaycanın modernləşmə və tərəqqisinə xidmət edir. Bir sözlə, regionların inkişafı Azərbaycanın iqtisadi diversifikasiya siyasətinin əsas komponenti olmaqla yanaşı, yeniləşmə, davamlı inkişaf, sosial-iqtisadi tarazlıq, modern reformalar və digər sistemli hədəflərin reallaşmasında mühüm rola malikdir. Prezident İlham Əliyevin birbaşa nəzarəti altında davam etdirilən bu siyasi-iqtisadi regional inkişaf formulu ölkənin iqtisadi inkişafında yeni dinamizm elementlərinin yaranmasına, respublikanın hərtərəfli sosial-iqtisadi tərəqqisinə səbəb olub.
İyulun 31-də Lənkərana səfəri çərçivəsində Prezident İlham Əliyev yenidən qurulan Heydər Əliyev Mərkəzində rayon ictimaiyyətinin nümayəndələri ilə görüşündə bildirib ki, 2014-2023-cü illəri əhatə edəcək yeni Dövlət Proqramı artıq hazırlanır: “Ancaq birinci proqramların icra edilməsi nəticəsində əsas infrastruktur, sosial məsələlər öz həllini tapacaqdır. Növbəti onillik Proqram gələcəyə baxışlarımızı əks etdirəcəkdir. çünki biz növbəti 10 il ərzində Azərbaycanı daha da sürətlə inkişaf etdirməliyik. ölkə qarşısında duran əsas vəzifələr icra edilibdir. Ancaq həyat yerində durmur, yeni vəzifələr ortaya çıxır. Elə etməliyik ki, növbəti 10 il ərzində iqtisadi gücümüzü iki dəfə artıra bilək. Son səkkiz il ərzində iqtisadiyyatımız üç dəfə artıbdır. Növbəti on il ərzində daha iki dəfə artmalıdır. Bu Proqramın reallaşdırılması nəticəsində Azərbaycan dünya miqyasında yüksək gəlirli ölkəyə çevriləcəkdir. Beləliklə, insanların rifah halı daha da yaxşılaşacaq, ölkəmiz daha da güclü olacaq, bizim dünyadakı mövqeyimiz daha da möhkəmlənəcəkdir”.
Beləliklə, dövlət başçısının birbaşa nəzarəti altında davam etdirilən regional sosial-iqtisadi inkişaf formulu respublikanın cənub bölgəsinin də hərtərəfli tərəqqisinə səbəb olub. İstehsal müəssisələrinin fəaliyyətinin bərpası, yeni istehsal müəssisələrinin yaradılması, yerli resurslardan istifadənin səmərəsinin artırılması, regionun inkişafı üçün zəruri infrastrukturun yaradılması, aqrar sektorda islahatların ikinci mərhələsinin sürətləndirilməsi, fermerlərə və digər kənd təsərrüfatı işçilərinə kömək məqsədilə müxtəlif servis mərkəzlərinin yaradılması, yeni iş yerlərinin açılması, əhalinin kommunal xidmətlərlə təminatının yaxşılaşdırılması regionun sosial-iqtisadi inkişafında həlledici rol oynayıb. Bir sözlə, mövcud olan iqtisadi potensialdan səmərəli istifadə edilməsi nəticəsində ötən dövr ərzində infrastruktur sahələrinin bərpası və genişləndirilməsinə, yeni istehsal və emal müəssisələrinin, təhsil (təkcə Lənkəranda 2 mindən çox məktəb), səhiyyə, idman-sağlamlıq, mədəniyyət obyektlərinin istifadəyə verilməsi mümkün olub. Bundan əlavə bölgənin turizm potensialı nəzərə alınaraq infrastruktur layihələrinin həyata keçirilməsi də prioritetdə olan məsələlərdəndir.
Qeyd edək ki, cari il iyulun 31-də Prezident İlham Əliyev cənub bölgəsində - Cəlilabad və Lənkəran rayonlarında həyata keçirilən tədbirlərlə yerində tanış olub, bir sıra müəssisə, mədəni-istirahət yerlərinin açılışında iştirak edib. Belə obyektlər arasında Cəlilabadda “Avanqard” MMC-nin un fabriki də var. Qeyd edək ki, 100 tonluq un dəyirmanı və 10 min tonluq taxıl məhsullarının təmizlənməsi və satışı üçün anbar kompleksini özündə birləşdirən müəssisə ən müasir avadanlıqla təchiz olunub. Müəssisənin beşmərtəbəli binadan ibarət dəyirman kompleksi ekoloji baxımdan bütün gigiyenik normalara cavab verir. Taxıl məhsullarının qəbulu, çeşidlənməsi və təmizlənməsi, o cümlədən, un istehsalı tam avtomatlaşdırılmış şəkildə həyata keçirilir. Fabrikdə “İpək” və “Ocaqlı” adı ilə un məhsullarının istehsalı nəzərdə tutulub. Fabrikin taxıl anbarı və dəyirman kompleksində Cəlilabadda və ətraf rayonlarda fəaliyyət göstərən fermerlərin istehsal etdikləri taxıl məhsullarının uzun müddət itkisiz saxlanması və istehsalı nəzərdə tutulur. Layihənin həyata keçirilməsi respublikada taxılçılığın inkişafına təkan verməklə il boyu əhalinin keyfiyyətli ərzaq buğdası ilə təmin olunmasına şərait yaradacaq.
Bundan əlavə, dövlət başçısı istifadəyə verilən Cəlilabad-Hamarqışlaq-Sadatlı kəndlərarası avtomobil yolu, “Cəlilabad Broyler” ASC-nin quş əti istehsalı müəssisəsi, yeni Cəlilabad Olimpiya İdman Kompleksinin, Gənclər Parkı və Bayraq Meydanı, Cəlilabadda Heydər Əliyev adına Yaradıcılıq Mərkəzinin açılışında, Lənkəranda hotel kompleksi, Lənkəran Gənclər Mərkəzinin təməlqoyma mərasimində iştirak edib.
SEVİNC

Paylaş:

Baxılıb: 944 dəfə