Müxalifətin “avtoritar” üzü...

Bakı:

14 °C

88 %

8 m/s

Əlaqə

AZ RU EN

Ana səhifə / Siyasət / Müxalifətin “avtoritar” üzü...

Müxalifətin “avtoritar” üzü...

13.09.2024 [12:43]

Kreslosunu təhvil verməkdən qorxanların “çat” verən dözümsüzlüyü

Müxalifət özünün uğursuzluğunu, zəifliyini ört-basdır etmək müxtəlif yollara əl atır. Xalq, seçici qarşısında “siyasi imtahan” sayılan seçki prosesində ağır məğlubiyyətlə üzləşən bu kimi siyasi partiyalar fərqli addımlarla özlərinə bəraət qazandırmağa, məğlubiyyətin əsl səbəblərini pərdə arxasına keçirməyə çalışırlar. Bunun üçün isə ən real addım siyasi prosesə qara yaxmaq, kölgə salmağa çalışmaqdır.

Məğlubiyyətin etirafı...

Ölkəmizdə siyasi partiyaların fəaliyyəti üçün bütün şərait formalaşıb. Yeni siyasi münasibətlər kontestində yeni siyasi konfiqurasiyanın inkişaf etdirilməsi mövcud reallığın yaranmasına yol açıb. Qəbul olunan yeni siyasi partiyalar haqqında qanunvericilik siyasi partiyaların müasir standartlar çərçivəsində inkişafını təmin etməklə yanaşı, həm də proseslərdə fəal iştirakı üçün formalaşmış mühüm zəmini daha da şaxələndirir, genişləndirir. Təbii ki, Azərbaycanda mövcud qanunvericilik azad və demokratik fəaliyyət üçün hər zaman əsaslı rol oynayıb, indiki halda isə bu rol daha da artırılıb.

Siyasi palitrada heç bir yeni konsepsiya, yeni fikirlə yadda qalmayanların “imtahandan kəsilməsi” isə təbii haldır - hətta bəzi rediküllər qorxudan özlərini siyasi prosesdən kənarda saxlayırlar. Düşünürlər ki, bu yolla özlərinin siyasi varlıqlarını qoruya biləcək. Onlar hətta istefa mədəniyyətindən də bixəbərdirlər, siyasi palitradan çəkilmə, məğlubiyyətin ardından öz kreslosunu təhvil vermək kimi hissdən də uzaqdırlar. Məsələn, REAL Partiyasının sədri İlqar Məmmədovun sədrlikdən istefası kimi... Düzdür, istefasını məğlubiyyəti ilə əsaslandırmaqla İ.Məmmədov özünün və partiyasının cəmiyyətdə dəstək qazana bilməməsini pərdələməyə çalışır. Bununla belə bu istefa ilə həmin şəxs partiyasının siyasi misssiyasına rəhbərlik edə bilmədiyini etiraf edir - geri çəkilir, əvəz olunması üçün şərait yaradır.

Amma başda Əli Kərimli olmaqla illərdir rəhbərlik etdiyi partiyanı şəxsi mülkiyyəti sayan rediküllər kreslodan qalxmağa belə qorxurlar. Onlar anlayırlar ki, kreslolarını tərk etdikləri an onların siyasi ömrü də son çatacaq. Çünki xalq belələrini heç bir zaman dəstəkləməyib.

Novella Cəfəroğlu nümunəsi...

Adını “müxalifət” qoymuş siyasi azlığın təmsilçisi olan Müsavat Partiyasının daha bir qeyri-demokratik hərəkəti isə fərqli fikir, fərqli mövqe nümayiş etdirən üzvlərinə qarşı reppressiv davranışı, yanaşmasıdır. Məsələn, tanınmış hüquq müdafiəçisi Novella Cəfəroğlunun ötən günlərdə Müsavat Partiyasının üzvlüyündən istefa verməsi birmənalı qarşılana bilməz. Qeyd edək ki, Novella Cəfəroğlunun rəhbərlik etdiyi “Mənim səsim” seçki Monitorinq Koalisiyasının növbədənkənar parlament seçkiləri günü ilə bağlı hazırlayıb yaydığı hesabatda seçkilərin heç bir problem yaşanmadan, qanunauyğun və düzgün keçirildiyinin bildirilməsi Müsavat Partiyasının rəhbərliyini narazı salıb. Onlar bu hesabatdakı fikirlərlə Müsavat Partiyasının seçkilərlə bağlı mövqeyinin bir-birinə zidd olduğunu, hesabatın reallığı əks etdirmədiyini əsas göstərərək Novella Cəfəroğlundan izahat tələb ediblər. Hətta bəzi Müsavat rəsmiləri buna görə Novella xanımın məsələsinin partiyada müzakirəyə çıxarıla biləcəyini belə açıqlamışdılar.

Beləliklə, adını demokrat qoymuşların fərqli fikrə qarşı dözümsüzlüyü birinci andaca “çat” verdi - Bu bir daha onu göstərir ki, korporativ maraqların əsirinə çevrilmiş partiyalarda diktatura hökm sürür.

MƏNSUR

Paylaş:

Baxılıb: 495 dəfə