Heydər Əliyev
yeni azerbaycan logo

Ana səhifə / Siyasət / Naxçıvan Muxtar Respublikası Ali Məclisində görüş keçirilib

Naxçıvan Muxtar Respublikası Ali Məclisində görüş keçirilib

09.10.2014 [10:00]

Oktyabrın 4-də Naxçıvan Muxtar Respublikası Ali Məclisinin sədri Vasif Talıbov Gürcüstanın Acarıstan Muxtar Respublikası Ali Sovetinin sədri Avtandil Beridze ilə görüşüb.
Ali Məclisin mətbuat xidmətindən AzərTAc-a bildiriblər ki, Vasif Talıbov Gürcüstanın Acarıstan Muxtar Respublikasına səfərini və keçirilən görüşləri xatırladıb, belə səfərlərin münasibətlərin inkişafı üçün əhəmiyyətli olduğunu bildirib. Ali Məclisin sədri hər iki muxtar respublika arasında səhiyyə və təhsil sahələrində əməkdaşlığın genişləndirilməsini qarşılıqlı münasibətlərin nəticəsi kimi dəyərləndirib, əlaqələrin gələcək inkişafı üçün yaxşı potensialın olduğunu vurğulayıb.
Acarıstan Muxtar Respublikası Ali Sovetinin sədri Avtandil Beridze Ali Məclisin Sədri Vasif Talıbovu müqəddəs Qurban bayramı münasibətilə təbrik edib, bu il acarıstanlı uşaqların Duzdağ Fizioterapiya Mərkəzində müalicəsinin yüksək səviyyədə təşkilinə görə minnətdarlığını bildirib. Naxçıvan Muxtar Respublikası ilə Acarıstan Muxtar Respublikası arasındakı münasibətlərin tarixindən danışan qonaq dostluq və qarşılıqlı əməkdaşlıq səviyyəsində inkişaf edən əlaqələrin bundan sonra daha da genişlənəcəyinə əminliyini ifadə edib.
Görüşdə əməkdaşlığın inkişafında qarşılıqlı marağın əhəmiyyəti qeyd olunub, münasibətlərin perspektivlərinə dair fikir mübadiləsi aparılıb.

Paylaş:
Baxılıb: 634 dəfə

Xəbər lenti

Hamısına bax

YAP xəbərləri

Arxiv
B Be Ça Ç Ca C Ş
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31