Azərbaycanın son on ildə əldə etdiyi uğurlar inkişaf dinamikasının qorunacağına əminlik yaradır

Bakı:

24 °C

43 %

3 m/s

Əlaqə

AZ RU EN

Ana səhifə / Siyasət / Azərbaycanın son on ildə əldə etdiyi uğurlar inkişaf dinamikasının qorunacağına əminlik yaradır

Azərbaycanın son on ildə əldə etdiyi uğurlar inkişaf dinamikasının qorunacağına əminlik yaradır

28.11.2014 [09:49]

Azərbaycanın son on ildə əldə etdiyi uğurlar inkişaf dinamikasının qorunacağına əminlik yaradır.
AzərTAc xəbər verir ki, bu sözləri noyabrın 27-də Koreya Respublikasının Baş naziri Çanq Honqvon Azərbaycan Respublikası Baş nazirinin birinci müavini Yaqub Eyyubov ilə görüşdə deyib.
Görüşdə ölkələrimiz arasında siyasi, iqtisadi münasibətlərin dinamik inkişaf etdiyi vurğulanıb. Bu əlaqələrin dostluq münasibətlərinə söykəndiyi qeyd edilib.
Yaqub Eyyubov bildirib ki, Azərbaycan dünyanın əksər dövlətləri ilə əməkdaşlığa önəm verir. Suveren ölkə kimi Azərbaycan öz müstəqil siyasətini yürüdür.
Azərbaycanın iqtisadi nailiyyətlərindən danışan Baş nazirinin birinci müavini bildirib ki, ölkə iqtisadiyyatının neft-qaz amilindən asılılığının aradan qaldırılması istiqamətində mühüm işlər görülür. Hazırda ölkəmizdə iqtisadiyyatın qeyri-neft sektoru da sürətlə inkişaf edir.
Azərbaycan Respublikası ilə Koreya Respublikası arasında müxtəlif sahələrdə əlaqələrin daha da inkişaf etdirilməsinin vacibliyini vurğulayan Y.Eyyubov bunun üçün yaxşı potensialın olduğunu qeyd edib. Bildirilib ki, Azərbaycanda müxtəlif sahələrdə Koreya şirkətləri çalışır. Onların səmərəli fəaliyyəti üçün bütün lazımi şərait yaradılıb.
Ermənistan-Azərbaycan, Dağlıq Qarabağ münaqişəsi barədə məlumat verən Baş nazirin birinci müavini Azərbaycan torpaqlarının 20 faizinin işğal olunduğunu, 1 milyondan çox azərbaycanlının qaçqın və məcburi köçkünə çevrildiyini bildirib. Qeyd edilib ki, işğal olunmuş ərazilərdən hazırda terrorizm və banditizm məqsədləri üçün istifadə olunur.
Koreya Respublikasının Baş naziri Çanq Honqvon Azərbaycana səfərinə böyük önəm verdiyini deyib. O, ölkələrimiz və xalqlarımız arasında dostluq əlaqələrinin olduğunu bildirib.
Azərbaycanda sürətli inkişafın şahidi olduğunu deyən Baş nazir bildirib ki, ölkə son on ildə Prezident İlham Əliyevin rəhbərliyi ilə sürətli, dinamik iqtisadi inkişafa və möhkəm sabitliyə nail olub. Əldə edilmiş iqtisadi uğurlar gələcəkdə də inkişaf dinamikasının qorunmasına əminlik yaradır.
Ölkələrimiz arasında da münasibətlərin son illərdə sürətlə inkişaf etdiyini deyən Çanq Honqvon bildirib ki, əməkdaşlığın genişləndirilməsi üçün yaxşı imkanlar var.
Görüşdə qarşılıqlı maraq doğuran məsələlər müzakirə edilib.

Paylaş:

Baxılıb: 715 dəfə