Milli Məclisin deputatı Rauf Əliyev Brüsseldə səfərdə olub

Bakı:

26 °C

60 %

5 m/s

Əlaqə

AZ RU EN

Ana səhifə / Siyasət / Milli Məclisin deputatı Rauf Əliyev Brüsseldə səfərdə olub

Milli Məclisin deputatı Rauf Əliyev Brüsseldə səfərdə olub

11.04.2015 [11:53]

Belçikanın Brüssel şəhərində Avropa Şurasının İdman üzrə Genişləndirilmiş Hissəvi Sazişi (EPAS) tərəfindən beynəlxalq yarışlarda iştirak edən idmançılara vizaların verilməsi ilə bağlı seminar keçirilib. Seminarda Milli Məclisin deputatı Rauf Əliyev və Gənclər və İdman Nazirliyinin beynəlxalq əlaqələr şöbəsinin müdiri İlham Mədətov iştirak ediblər. Seminarın əsas məqsədi müxtəlif ölkələrdə beynəlxalq yarışlarda iştirak edən idmançılara vizaların verilməsi barədə qabaqcıl təcrübələrin toplanacağı məlumat kitabçasının hazırlanmasıdır.
Tədbiri EPAS-ın icraçı katibi Stanislas Frossard açaraq qurumun fəaliyyəti barədə geniş məlumat verib. İlk olaraq seminarda “Avropa Şurası Nazirlər Komitəsinin kişi və qadın idmançılara viza verilməsi ilə bağlı üzv dövlətlərə Tövsiyəsi N(99)10” və “Beynəlxalq yarışlarda iştirak edəcək idmançılara vizaların verilməsi ilə bağlı N2.1 Qətnaməsinin müzakirələri olub.
Daha sonra EPAS-ın beynəlxalq yarışlarda iştirak edən idmançılara vizaların verilməsi ilə bağlı araşdırmaların nəticəsi və hazırlanacaq məlumat kitabçası layihəsinin geniş müzakirəsi olub. Müzakirələrdə Macarıstan Xarici İşlər Nazirliyinin nümayəndəsi Katalin Vizi və Avstriya Xarici İşlər Nazirliyinin nümayəndəsi Edwin Ferner Şengen qaydalarının tətbiqi barədə təqdimatlar ediblər.
İclasda Beynəlxalq Güləş Federasiyası, Beynəlxalq Voleybol Federasiyası, Beynəlxalq Paralimpiya Komitəsi və Serbiya Avarçəkmə Federasiyasının rəhbərləri beynəlxalq yarışların təşkili zamanı vizaların verilməsi ilə bağlı rastlaşdıqları problemlər və görülməsi vacib işlər barəsində məlumat veriblər.
Seminarda Rusiya Federasiyasının, Fransa və Azərbaycanın idman nazirliklərinin nümayəndələri öz ölkələrinin bu sahədə olan ən qabaqcıl təcrübələri və ölkədə keçirilən irimiqyaslı beynəlxalq idman tədbirlərində iştirak edən idmançı və rəsmi nümayəndə heyətlərinə viza verilməsi işinin asanlaşdırılması üçün görülən tədbirlər barədə geniş məlumat veriblər. İclasda xüsusi ilə qeyd edilib ki, son illər hər üç ölkədə irimiqyaslı idman tədbirlərinin sayı xeyli artıb və buna müvafiq olaraq həmin ölkələrdə viza rejiminin asanlaşdırılması üçün dövlət səviyyəsində xeyli müsbət addımlar atılıb.
Seminar çərçivəsində Milli Məclisin deputatı Rauf Əliyev və Gənclər və İdman Nazirliyinin nümayəndəsi İlham Mədətov EPAS-ın icraçı direktoru Stanislas Frossard ilə Avropa Şurası və ölkəmiz arasında idman əlaqələri və gələcək perspektivləri müzakirə ediblər.

Paylaş:

Baxılıb: 676 dəfə