BAMF-ın sədri BMT tribunasından Dağlıq Qarabağ problemi ilə bağlı beynəlxalq ictimaiyyətə səslənib

Bakı:

16 °C

88 %

5 m/s

AZ RU EN

Ana səhifə / Siyasət / BAMF-ın sədri BMT tribunasından Dağlıq Qarabağ problemi ilə bağlı beynəlxalq ictimaiyyətə səslənib

BAMF-ın sədri BMT tribunasından Dağlıq Qarabağ problemi ilə bağlı beynəlxalq ictimaiyyətə səslənib

28.04.2015 [10:12]

Beynəlxalq Avrasiya Mətbuat Fondunun (BAMF) sədri Umud Mirzəyev BMT İqtisadi və Sosial Şurasının dövlət idarəçiliyi komitəsi ekspertlərinin 14-cü sessiyasında iştirak etmək üçün ABŞ-ın Nyu-York şəhərində səfərdədir. Aprelin 20-24-də BMT-nin Nyu-Yorkdakı baş qərargahında keçirilən sessiya çərçivəsində Umud Mirzəyev, BAMF-ın Nyu-York təmsilçisi Sergey Matsko və “Ümid” Sosial İnkişafa Dəstək İctimai Birliyinin sədri İsrayıl İsgəndərov bir sıra rəsmilərlə görüşlər keçiriblər.
Səfər çərçivəsində Azərbaycanın BMT-dəki daimi nümayəndəsi Yaşar Əliyevlə görüş olub. Azərbaycanın vətəndaş cəmiyyəti təmsilçiləri BMT-nin Demokratiya Fondunda, o cümlədən nüfuzlu Kolumbiya Universitetində BMT-nin Uşaq Fondunun (UNICEF), Qaçqınlar üzrə Ali Komissarlığının (UNHCR) və Avropa İttifaqının təmsilçilərinin də iştirakı ilə Ukraynadakı humanitar böhranla bağlı dinləmələrə qatılıblar. Daha bir görüş isə BMT-nin İqtisadi və Sosial Şurasının QHT bölməsinin rəhbəri Alberto Padova ilə keçirilib.
Aprelin 23-də BAMF sədri əsas müzakirə mövzusu “Davamlı inkişaf məqsədlərinə nail olmaq üçün hökumətin etibarını qazanmaq, bunun üçün nə etməli?” sualı olan sessiyaya qatılıb. Bu tədbirdə BMT-yə üzv olan 193 ölkədən ekspertlər, vətəndaş cəmiyyəti nümayəndələri və rəsmilər iştirak ediblər. Xatırladaq ki, bu il BMT üçün xüsusi ildir. Çünki Minilliyin İnkişaf Məqsədləri artıq başa çatır və 2015-ci ildən sonrakı Dayanıqlı İnkişaf Məqsədləri müəyyənləşdirilir. Dayanıqlı İnkişaf Məqsədlərinə növbəti 15 il ərzində nail olunması hədəf kimi götürülür. Sessiyada məhz bu mövzuya uyğun çıxış edən BAMF sədri Umud Mirzəyev Azərbaycanın Minilliyin İnkişaf Məqsədləri çərçivəsində 15 il ərzində qazanmış olduğu uğurlardan danışıb. Həmin uğurlar sırasında “elektron hökumət”in qurulması istiqamətində görülən işlər, “ASAN xidmət”in işə düşməsi və s. qeyd edilib. U.Mirzəyev bildirib ki, rəhbərlik etdiyi BAMF vətəndaş cəmiyyəti təşkilatı olaraq artıq bir neçə ildir 2015-ci ildən sonrakı dayanıqlı inkişaf məqsədləri istiqamətində həyata keçirilən fəaliyyət proqramları üzrə dövlət və icma əsaslı qurumların etibarlı tərəfdaşıdır. BAMF-ın sədri BMT tribunasından Dağlıq Qarabağ problemi ilə bağlı beynəlxalq ictimaiyyətə səslənib.
Tədbirdə çıxış edən “Ümid” Sosial İnkişafa Dəstək İctimai Birliyinin sədri İsrayıl İsgəndərov ictimai iştirakçılıq və QHT menecmentinin tədris olunması ilə bağlı maraqlı təkliflərlə çıxış edib.
Azərbaycan vətəndaş cəmiyyəti təmsilçilərinin BMT-nin İqtisadi və Sosial Şurasının dövlət idarəçiliyi komitəsinin ekspertlərinin 14-cü sessiyasına qatılması Azərbaycan Respublikasının Prezidenti yanında QHT-lərə Dövlət Dəstəyi Şurasının dəstəyi ilə reallaşıb.

Paylaş:

Baxılıb: 574 dəfə