Gəncədə MSK-nın Avropa İttifaqı ilə birgə layihəsi çərçivəsində regional seminar keçirilir

Bakı:

28 °C

50 %

11 m/s

Əlaqə

AZ RU EN

Ana səhifə / Siyasət / Gəncədə MSK-nın Avropa İttifaqı ilə birgə layihəsi çərçivəsində regional seminar keçirilir

Gəncədə MSK-nın Avropa İttifaqı ilə birgə layihəsi çərçivəsində regional seminar keçirilir

10.09.2015 [10:11]

Sentyabrın 9-da Gəncədəki “RAMADA” plaza otelində Azərbaycan Respublikası Mərkəzi Seçki Komissiyasının (MSK) Avropa İttifaqı ilə birgə layihəsi çərçivəsində seçkilərlə bağlı müraciətlərə baxılmasına həsr olunmuş ikigünlük seminar öz işinə başlayıb.
AZƏRTAC xəbər verir ki, Azərbaycan Respublikasının Milli Məclisinə 2015-ci il noyabrın 1-nə təyin olunmuş seçkilərlə əlaqədar dairə seçki komissiyalarında yaradılmış ekspert qrupu üzvləri üçün keçirilən regional seminarda MSK-nın üzvləri, Avropa İttifaqının rəsmiləri, MSK Katibliyinin təmsilçiləri, həmçinin qərb bölgəsində fəaliyyət göstərən 15 dairə seçki komissiyasının ekspert qrupu üzvləri iştirak edirlər.
Seminar dairə seçki komissiyalarının ekspert qrupu üzvlərinin müraciət və şikayətlərə baxılması ilə bağlı məlumatının artırılması, praktiki vərdişlərinin gücləndirilməsi və vətəndaşların seçki hüquqlarının daha səmərəli təmin olunması üçün onların fəaliyyətinin təkmilləşdirilməsi məqsədi daşıyır. Tədbirin birinci günü Avropa İttifaqının seçki məsələləri üzrə eksperti Sergey Kalçenkonun “Seçkilərlə bağlı müraciətlərə dairə seçki komissiyaları tərəfindən baxılması: Avropa standartları və Azərbaycan Respublikasının qanunvericiliyi”, Mərkəzi Seçki Komissiyasının üzvü Tofiq Həsənovun və MSK Katibliyinin əməkdaşı Rafiq Abbasovun “Seçki hüquqlarının pozulması ilə əlaqədar müraciət və şikayətlərə baxılması üzrə Seçki Məcəlləsinin tələbləri və şikayətlərin araşdırılması prinsipləri” mövzularında təqdimatları olub. Təqdimatlarda seçki prosesi zamanı ekspert qrupu üzvlərinin vəzifələri, eləcə də bu sahədə beynəlxalq təcrübənin əhəmiyyəti barədə ətraflı məlumat verilib.
Daha sonra Azərbaycan Respublikası Seçki Məcəlləsinin 12-ci bəndi - “Vətəndaşların seçki hüququnu pozan hərəkətlərdən (hərəkətsizlikdən) və qərarlardan şikayət edilməsi” ətrafında müzakirələr aparılıb. Diqqətə çatdırılıb ki, ölkəmizdə demokratik seçkilər keçirmək üçün möhkəm qanunvericilik bazası mövcuddur və ciddi seçki institutu formalaşıb. Azərbaycan Respublikasının Seçki Məcəlləsi mükəmməl sənəd olaraq hər bir vətəndaşın aktiv hüquqlarına təminat yaradıb.
Mərkəzi Seçki Komissiyasının Avropa İttifaqı ilə birgə layihəsi çərçivəsində keçirilən seminarda vətəndaşların seçki hüquqlarını pozan hərəkətlərdən (hərəkətsizlikdən) və qərarlardan şikayətlərinin araşdırılması ilə bağlı ekspert qrupu üzvlərini maraqlandıra məqamlara aydınlıq gətirilib, iştirakçıların sualları cavablandırılıb.
Seminar öz işini bu gün davam etdirəcək.

Paylaş:

Baxılıb: 618 dəfə