YUNESKO üzrə Azərbaycan Respublikasının Milli Komissiyası "dəyirmi masa" görüşü keçirib

Bakı:

31 °C

42 %

6 m/s

Əlaqə

AZ RU EN

Ana səhifə / Siyasət / YUNESKO üzrə Azərbaycan Respublikasının Milli Komissiyası "dəyirmi masa" görüşü keçirib

YUNESKO üzrə Azərbaycan Respublikasının Milli Komissiyası "dəyirmi masa" görüşü keçirib

20.03.2009 [17:59]

Dünən YUNESKO üzrə Azərbaycan Respublikasının Milli Komissiyası “dəyirmi masa” görüşü keçirib. Görüşdə “Muğam aləmi” Beynəlxalq festivalının rəsmi açılışında iştirak etmək üçün Azərbaycana gələn YUNESKO-nun baş direktoru Kouşiro Matsuura da qatılıb. Komissiyanın sədri, xarici işlər naziri Elmar Məmmədyarov görüşü açaraq, Azərbaycanda YUNESKO ilə birgə həyata keçirilən layihələrin əhəmiyyətindən danışıb. Nazir YUNESKO ilə Azərbaycan arasında əməkdaşlığın inkişafında Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban Əliyevanın xidmətlərini xüsusi vurğulayıb. Bildirilib ki, məhz bu uğurlu əməkdaşlığın sayəsində mədəni irsin mühafizəsi istiqamətində bir neçə mühüm layihə həyata keçirilib.
Mədəniyyət və turizm naziri Əbülfəz Qarayev Bakıda keçirilən “Muğam aləmi” Beynəlxalq festivalının əhəmiyyətindən danışaraq, bu tədbirin dünya mədəniyyətinə yaxşı töhfə olacağını bildirib. Nazir ermənilərin işğal etdiyi ərazilərimizdəki abidələrin qorunması istiqamətində birgə komissiyanın yaradılmasının vacibliyini vurğulayıb.
Görüşdə çıxış edən təhsil naziri Misir Mərdanov, rabitə və informasiya texnologiyaları naziri Əli Abbasov, Ailə, Qadın və Uşaq Problemləri üzrə Dövlət Komitəsinin sədri Hicran Hüseynova da Azərbaycan ilə YUNESKO arasındakı əməkdaşlığın əhəmiyyətindən, həyata keçirilən layihələrdən danışıblar.
İlk dəfə 2000-ci ildə ümummilli lider Heydər Əliyevin dəvəti ilə Türkdilli ölkələrin dövlət başçılarının sammitində iştirak etmək üçün ölkəmizə gəldiyini xatırlayan YUNESKO-nun baş direktoru Koişiro Matsuura Azərbaycanla rəhbərlik etdiyi təşkilat arasındakı əməkdaşlığı yüksək dəyərləndirib. Azərbaycan mədəni irsinin təbliğ olunmasında, inkişafında Heydər Əliyev Fondunun prezidenti, YUNESKO və İSESKO-nun xoşməramlı səfiri Mehriban Əliyevanın xidmətlərindən danışan baş direktor deyib ki, birgə fəaliyyyətin nəticəsində mədəni irsin qorunması istiqamətində mühüm uğurlar əldə olunub.
YUNESKO-nun baş direktoru dünya mədəni irsinə verdiyi töhfələrə görə məşhur fırça ustası, Azərbaycanın xalq rəssamı Tahir Salahova təşkilatın adından “Pikasso” medalını təqdim edib. Bildirilib ki, bu medal 1981-ci ildə dünya şöhrətli rəssam Pablo Pikassonun 100 illiyi münasibətilə təsis olunub.
Tahir Salahov böyük rəssamın adını daşıyan bu mükafatın bütünlükdə Azərbaycan incəsənətinə və rəssamlarına verilən qiymət olduğunu deyib. O, Heydər Əliyev Fondunun prezidenti Mehriban xanım Əliyevanın Azərbaycan incəsənətinin, mədəniyyətinin, musiqisinin təbliğindəki xidmətlərindən, bu sahədə çalışan insanlara göstərdiyi diqqətdən danışıb.
Azərbaycan Respublikasının Milli Komissiyası adından Koişiro Matsuuraya hədiyyə olunub.

Paylaş:

Baxılıb: 1628 dəfə