Milli Məclisdə Rusiyanın insan hüquqları üzrə müvəkkili ilə görüş keçirilib

Bakı:

31 °C

41 %

4 m/s

Əlaqə

AZ RU EN

Ana səhifə / Siyasət / Milli Məclisdə Rusiyanın insan hüquqları üzrə müvəkkili ilə görüş keçirilib

Milli Məclisdə Rusiyanın insan hüquqları üzrə müvəkkili ilə görüş keçirilib

30.12.2016 [09:41]

Dekabrın 29-da Azərbaycan Respublikası Milli Məclisinin sədri Oqtay Əsədov ölkəmizdə səfərdə olan Rusiya Federasiyasının insan hüquqları üzrə müvəkkili Tatyana Moskalkova ilə görüşüb.
Milli Məclisin mətbuat xidmətindən AZƏRTAC-a bildiriblər ki, sədr qonağı yeni vəzifəyə təyin olunması münasibətilə təbrik edərək gələcək fəaliyyətində ona uğurlar arzulayıb. Bildirilib ki, Azərbaycan-Rusiya münasibətləri həmişə özünəməxsus xarakterik xüsusiyyətləri ilə fərqlənib. Azərbaycan və Rusiya strateji tərəfdaşlar kimi əlaqələrin daha da dərinləşməsində maraqlıdır. İkitərəfli münasibətlərimizin yüksək səviyyədə inkişafında dövlət başçılarımızın qarşılıqlı səfərləri mühüm rol oynayıb. Tarixi yaxınlıq və sıx dostluq münasibətləri Azərbaycanla Rusiya arasında həyatın bütün sahələrində məsələlərin uğurlu həlli üçün möhkəm zəmin yaradır. Bu günədək ölkələrimiz arasında 200-dən çox sənəd imzalanıb. Azərbaycanda Rusiya kapitalı ilə 600-dən çox müəssisə səmərəli fəaliyyət göstərir. Azərbaycanlı iş adamları da Rusiya iqtisadiyyatına öz layiqli töhfələrini verməkdədirlər.
Oqtay Əsədov deyib ki, ikitərəfli əlaqələrin inkişafında parlamentlərimiz əhəmiyyətli rol oynayır. Təqdirəlayiq haldır ki, Milli Məclislə Federal Şura arasında ikitərəfli daimi parlamentlərarası komissiya fəaliyyət göstərir. Parlament rəhbərləri səviyyəsində qarşılıqlı səfərlər həyata keçirilir. Nüfuzlu beynəlxalq qurumlarda deputatlarımızın mütəmadi görüşləri və onları maraqlandıran məsələlər ətrafında aparılan fikir mübadilələri ümumi məqsədlərə xidmət edir.
Qeyd edilib ki, bu gün Azərbaycanda 300-dən çox məktəbdə rus dilində dərslər tədris olunur. Bakıda Slavyan Universiteti, M.V.Lomonosov adına Moskva Dövlət Universitetinin filialı, İ.M.Seçenov adına I Moskva Dövlət Tibb Universitetinin filialı səmərəli fəaliyyət göstərir. Ölkədə rus dilində qəzet və jurnallar dərc olunur.
Sədr deyib: “Biz Azərbaycanın və Rusiyanın insan hüquqları üzrə müvəkkilləri arasında əməkdaşlıq haqqında Bakıda imzalanmış müqaviləni yüksək dəyərləndiririk. Heç də təsadüfi deyil ki, başa çatmaqda olan il Azərbaycanda “Multikulturalizm ili” elan olunub. Bu gün beynəlxalq ictimaiyyət Azərbaycanı bu sahəyə böyük diqqət ayıran dövlət kimi tanıyır. Kataklizmlərlə müşahidə olunan müasir dünyamızda, Avropada miqrant böhranı fonunda bu məsələ xüsusi önəm daşıyır. Azərbaycan insan hüquq və azadlıqlarının qorunmasına həmişə böyük diqqət yetirib və multikultural dəyərlərin təkcə Azərbaycan cəmiyyətində deyil, regionda da bərqərar olunmasını əhəmiyyətli hesab edir”.
Rusiyanın insan hüquqları üzrə müvəkkili Tatyana Moskalkova ölkəmizə səfərindən və burada keçirdiyi görüşlərdən məmnunluğunu bildirib.
Qonaq Bakıda Azərbaycan Ombudsman təsisatının yaradılmasının 15 illiyi ilə əlaqədar “Multikulturalizm və insan hüquqları: bərabərlik, əməkdaşlıq, inkişaf” mövzusunda keçirilən konfransda müzakirə olunan məsələlərin önəmini vurğulayıb. Qeyd edilib ki, Azərbaycanın multikulturalizmin inkişafında əldə etdiyi nailiyyətlər həqiqətən heyrətamizdir.
Görüşdə tərəfləri maraqlandıran məsələlər ətrafında fikir mübadiləsi aparılıb.

Paylaş:

Baxılıb: 612 dəfə