YAP bir qrup jurnalisti mükafatlandırdı

Bakı:

14 °C

77 %

10 m/s

Əlaqə

AZ RU EN

Ana səhifə / Siyasət / YAP bir qrup jurnalisti mükafatlandırdı

YAP bir qrup jurnalisti mükafatlandırdı

22.07.2009 [09:47]

Mübariz Qurbanlı: Azərbaycanda söz və mətbuat azadlığı yüksək səviyyədədir
Dünən Yeni Azərbaycan Partiyasının mərkəzi qərargahında 22 İyul - Milli Mətbuat Günü münasibətilə ölkənin aparıcı kütləvi informasiya vasitələrinin nümayəndələri ilə görüş keçirilib. YAP İcra katibinin müavini, millət vəkili Mübariz Qurbanlı jurnalistləri peşə bayramı münasibətilə təbrik edərək onlara fəaliyyətlərində uğurlar arzulayıb. 134 il ərzində milli mətbuatımızın şərəfli yol keçdiyini deyən M.Qurbanlı bildirib ki, hazırda Azərbaycanda söz və mətbuat azadlığı yüksək səviyyədədir. “YAP ənənəvi olaraq hər il jurnalistlərlə görüşür. Eyni zamanda müəyyən vaxtlarda mətbuatla əlaqədar konfranslar keçirilib. Həmin konfranslarda mətbuatla bağlı məsələlər ətrafında fikir mübadilələri, müzakirələr aparılıb” - deyən M.Qurbanlı 22 iyul ərəfəsində YAP-ın ölkənin qabaqcıl jurnalistlərini mükafatlandırdığını bildirib.
YAP İcra katibinin müavini qeyd edib ki, Azərbaycan mətbuatı böyük yol keçərək özünü cəmiyyətdə təsdiq edib. Onun sözlərinə görə, indi mətbuatımız dünya səviyyəsində də özünəməxsus yer tutur: “Hazırda bəzi ölkələrin KİV-ləri məlumat yayarkən Azərbaycan mətbuatına istinad edirlər. Əvvəllər mətbuatımız bu və ya digər xəbərləri kənardan alırdısa, indi onun özü informasiya mərkəzinə çevrilib. Azərbaycan inkişafı baxımından Cənubi Qafqazda lider dövlət olduğu kimi, mətbuatımız da bu bölgədə liderdir. Azərbaycan jurnalistləri öz peşəkarlığına görə, digər ölkələrin jurnalistlərindən geri qalmır. ölkəmizin televiziya kanalları da böyük inkişaf yolu keçib və peyk vasitəsilə dünyada yayımlanır. Bu uğurlar jurnalistlərin əməyinin nəticəsidir. Eyni zamanda, dövlətin qayğısı nəticəsində ölkə KİV-i ciddi uğurlara imza atır”.
M.Qurbanlı bildirib ki, ümummilli liderimiz Heydər Əliyev təkcə müstəqillik dövründə yox, sovetlər dönəmində də mətbuata xüsusi qayğı göstərib. Bu gün Prezident İlham Əliyev də bu qayğını ön planda saxlayır. Mətbuatın inkişafı haqqında konsepsiyanın qəbul olunması və KİV-in İnkişafına Dövlət Dəstəyi Fondunun yaradılması bu qayğının əyani göstəricisidir.
Mətbuatın dördüncü hakimiyyət sayıldığını deyən YAP İcra katibinin müavini vurğulayıb ki, hazırda KİV-lərin ictimai fikrə təsiri artır. Onun sözlərinə görə, mətbuat cəmiyyətin güzgüsüdür. Ancaq müxalifətin nəzarətində olan qəzetlər qeyri-obyektiv mövqe tutur, cəmiyyətdə baş verən prosesləri düzgün əks etdirmir. Belə qəzetlərdə sensasiya xətrinə yayılan yalan məlumatlar isə ciddi mətbuatın da nüfuzuna xələl gətirir. “Əkinçi” qəzetinin ənənələri davam etdirilməlidir.
“Mətbuatımız dövlətçiliyimiz və milli maraqlarımız baxımından çıxış etməlidir” deyən M.Qurbanlı vurğulayıb ki, YAP daim ölkə mətbuatı ilə əməkdaşlıq etməkdə maraqlıdır. Millət vəkilinin sözlərinə görə, partiyanın qapıları həmişə KİV-lərin üzünə açıq olub və bu əməkdaşlıq gələcəkdə də davam etdiriləcək.
Sonda YAP tərəfindən bir qrup KİV nümayəndəsi mükafatlandırılıb.
Nardar BAYRAMLI

Paylaş:

Baxılıb: 1213 dəfə