Eldar İbrahimov: Azərbaycan xalqı Prezident İlham Əliyevin ətrafında sıx birləşib və həyata keçirilən siyasəti birmənalı şəkildə dəstəkləyir

Bakı:

25 °C

58 %

3 m/s

AZ RU EN

Ana səhifə / Siyasət / Eldar İbrahimov: Azərbaycan xalqı Prezident İlham Əliyevin ətrafında sıx birləşib və həyata keçirilən siyasəti birmənalı şəkildə dəstəkləyir

Eldar İbrahimov: Azərbaycan xalqı Prezident İlham Əliyevin ətrafında sıx birləşib və həyata keçirilən siyasəti birmənalı şəkildə dəstəkləyir

28.11.2019 [09:48]

“Azərbaycanda son 16 ildə Prezident İlham Əliyevin rəhbərliyi ilə həyata keçirilən uğurlu siyasət nəticəsində bütün sahələrdə tarixi əhəmiyyətə malik olan möhtəşəm nailiyyətlər əldə olunub. Bu hərtərəfli inkişaf ölkəmizin milli gücünün artmasını təmin edib. Ölkəmizin davamlı inkişafından, iqtisadi potensialın mütəmadi surətdə genişlənməsindən bütün respublika boyu sosial infrastruktur yaradılması, insanların həyat şəraitinin daha da yaxşılaşdırılması, maddi təminatlarının möhkəmləndirilməsi məqsədilə səmərəli şəkildə istifadə olunur. Bunun nəticəsidir ki, regionun lider dövləti olan Azərbaycan istər daxili sabitliyinə, istərsə də beynəlxalq nüfuzuna görə seçilir”. Bu fikirləri Milli Məclisin Aqrar siyasət komitəsinin sədri, YAP İdarə Heyətinin üzvü Eldar İbrahimov deyib.
E.İbrahimov bildirib ki, Prezident İlham Əliyev Bakı Dövlət Universitetinin 100 illik yubileyi münasibətilə keçirilən mərasimdə Azərbaycanın keçdiyi inkişaf yolu, bu yolda qarşıya çıxan maneələr və onların dəf edilməsi, eləcə də gələcək inkişaf perspektivləri haqqında dərinməzmunlu çıxış etdi. Onun sözlərinə görə, dövlətimizin başçısının qeyd etdiyi kimi, “bu gün əsl müstəqillik dövrüdür. Çünki bu gün biz özümüz öz gələcəyimizi müəyyən edirik. Bu gün biz özümüz qərarları qəbul edirik. Bu gün Azərbaycanda xalqın iradəsi hökm sürür. Bu gün Azərbaycan dünya miqyasında müasir, öz tarixinə, ənənələrinə sadiq, sürətlə inkişaf edən dinamik ölkədir. Heç kimdən asılı deyilik və elə etməliyik ki, heç vaxt heç kimdən asılı olmayaq”.
YAP İdarə Heyətinin üzvü qeyd edib ki, hər bir ölkə məhz sabitlik və təhlükəsizlik şəraitində iqtisadi potensialından səmərəli şəkildə istifadə edə və insanların rifah halının yaxşılaşması üçün davamlı tədbirlər həyata keçirə bilər. Bu mənada, müstəqil Azərbaycan özünün dinamik inkişafını məhz sabitlik və təhlükəsizlik şəraitində təmin edir. E.İbrahimov söyləyib ki, Azərbaycanın qazandığı uğurların fonunda müəyyən beynəlxalq dairələr, anti-azərbaycançı mərkəzlər və erməni lobbisi çox ciddi narahatlıq keçirir. Ona görə də vaxtaşırı olaraq bəzi qurumlar tərəfindən qərəzli qətnamələr qəbul olunur, erməni lobbisinin təsirində olan siyasətçilər ölkəmizin əleyhinə bəyanat, eləcə də ölkəmizdəki radikal müxalifət yalan məlumatlar verməklə insanları çaşdırmağa çalışırlar.
“Bütün bunlar məqsədli şəkildə həyata keçirilir ki, ölkəmizin artan beynəlxalq nüfuzuna zərbə vurulsun, dünya dövlətləri Azərbaycana etimad etməsinlər. Amma hər zaman belə planlar iflasa uğrayıb. Son vaxtlar yenə də həmin qüvvələr fəallaşmağa başlayıblar. Amma hər zaman olduğu kimi, bu dəfə də məqsədlərinə çata bilməyəcəklər. Prezident İlham Əliyev çıxışında qeyd etdi ki, buna görə güclü olmalıyıq, vətənpərvər olmalıyıq, iqtisadiyyatımız daha da güclü olmalıdır və siyasi iradəmiz yerində olmalıdır: “Bugünkü hakimiyyətdə bütün bunlar var və hər kəs görür ki, heç kim bizim işimizə müdaxilə edə bilməz”. Şübhəsiz ki, Azərbaycan xalqı Prezident İlham Əliyevin ətrafında sıx birləşib və həyata keçirilən siyasəti birmənalı şəkildə dəstəkləyir”, - deyə E.İbrahimov vurğulayıb.

Paylaş:

Baxılıb: 456 dəfə