Demokratiyadan dəm vuran Qərb təşkilatlarının Ermənistandakı repressiv proseslərə səssizliyi heyrət doğurur

Bakı:

24 °C

62 %

1 m/s

AZ RU EN

Ana səhifə / Siyasət / Demokratiyadan dəm vuran Qərb təşkilatlarının Ermənistandakı repressiv proseslərə səssizliyi heyrət doğurur

Demokratiyadan dəm vuran Qərb təşkilatlarının Ermənistandakı repressiv proseslərə səssizliyi heyrət doğurur

18.06.2020 [09:11]

Bu gün işğalçı Ermənistanda cərəyan edən proseslər, müxalifət təmsilçilərinin təqib və təhdid olunması heç də təəccüblü görünməməlidir. Çünki Ermənistanın mayası, necə deyərlər, terror, diktatura, irqi, milli, dini və siyasi azadlıqların təqib olunması prinsipləri ilə yoğurulub. Ona görə də hakimiyyətdə kimin, yəni, Sarkisyanın, Köçəryanın, yaxud da “demokrat” olduğunu bəyan etsə də, əksinə, yeni diktatura rejimi yaradan Paşınyanın olması işğalçı ölkənin idarəetmə mahiyyətini dəyişmir.
Bu fikirləri AZƏRTAC-a açıqlamasında Milli Məclisin deputatı Vüqar İskəndərov deyib. Deputat bildirib ki, iyunun 16-da müxalifətdəki “Çiçəklənən Ermənistan” partiyasının sədri, Ermənistan parlamentindəki “Sarukyan” fraksiyasının lideri, milyonçu Qaqik Sarukyanın deputat toxunulmazlığının parlament tərəfindən ləğv edilməsi, onun ölkənin təhlükəsizlik qüvvələri tərəfindən ifadə vermək üçün istintaqa cəlb edilməsi də deyilənləri təsdiqləyir. Q.Sarukyanın həbs ediləcəyi istisna olunmur. Onun məhz Paşinyan hakimiyyətini tənqid etməsindən sonra təzyiqlərə məruz qalması baş verənlərin siyasi təqib olduğunu sübut edir. Yəni budəfəki təqiblərin guya “demokrat” olan, guya xalqın içindən hakimiyyətə gəlmiş Nikol Paşınyanın birbaşa göstərişi ilə həyata keçirildiyi heç kimə sirr deyil. Populist çıxışları ilə tanınan Nikol Paşinyan hakimiyyətə gəldikdən sonra “demokratiya” adı altında ölkənin tanınmış siyasi və ictimai xadimlərinə qarşı repressiv vasitələrdən geniş şəkildə istifadə etməsi və onları bir-bir sıradan çıxararaq zərərsizləşdirməsi hər kəsə məlumdur. Ermənistanın baş naziri öz siyasi rəqiblərini bir-bir həbsə atır, onları “asfalta uzatmaqla” hədələyir. Paşinyan tərəfindən indiyədək Ermənistanın keçmiş rəhbərliyinə qarşı silsilə cinayət işləri açılıb və hazırda istintaq davam edir. Hazırda Ermənistanda təkcə pandemiya böhranı deyil, həm də siyasi böhran yaşanır. Ölkədə siyasi repressiyalar həyata keçirilir. N.Paşinyanın yeganə məqsədi öz hakimiyyətinin müddətini uzatmaqdır. Ermənistanda totalitar inqilabi diktatura qurulub.
Baş verənlərin, eyni zamanda, “Ermənistan demokratiyası”nın iç üzünü bütün dünyaya nümayiş etdirdiyini deyən deputat əlavə edib ki, əslində bu gün Ermənistanda baş qaldıran “Paşınyan diktaturası”nın səbəbkarları da hər zaman demokratiyadan dəm vuran bəzi Qərb dövlətləri və beynəlxalq təşkilatlardır. Sarukyanla bağlı son hadisələr fonunda “azadlıq carçısı” olan bəzi beynəlxalq təşkilatların, beynəlxalq QHT-lərin, ümumən bir sıra Qərb təşkilatlarının səssizliyi heyrət doğurur. Sarukyanın tərəfdarları Ermənistan parlamentinin önündə etiraz aksiyası keçirməyə cəhd göstərsə də, ölkənin təhlükəsizlik qüvvələri tərəfindən onun qarşısı kobudluqla alınıb və yüzlərlə adam saxlanılıb. Polis aksiyanı işıqlandıran jurnalistlərə qarşı güc tətbiq edib. Bu hadisələr zamanı insanların ifadə azadlığı, azad toplaşma hüququ, hüquq-mühafizə orqanları tərəfindən lüzumsuz yerə güc tətbiq olunmaması, KİV-in sərbəst fəaliyyətinə imkan yaradılması və s. kimi Qərbin “önəm verdiyi” bütün dəyərlər ayaq altına salınıb. Amma nədənsə Qərb bu hadisələri görməzdən gəlir. Konkret olaraq ABŞ Dövlət Departamenti, Avropa Şurasının Parlament Assambleyası, ATƏT-in Media Azadlığı üzrə nümayəndəsi, ABŞ-ın Ermənistandakı səfiri, Qərb ölkələrinin Ermənistandakı səfirlikləri özlərini elə aparırlar ki, sanki heç nə baş verməyib. Bu işğalçı ölkədə cərəyan edən heç də ilk belə hadisə deyil ki, Qərb özünü görməzliyə vurub. Ermənistanda müxalif siyasətçi və jurnalist Mher Yeqizaryan həbsxanada etdiyi aclığın ardından vəfat etdikdə də Qərb ölkələri və beynəlxalq təşkilatlar müəmmalı susqunluq nümayiş etdirdilər.
Paşınyana qarşı sərgilənən bu sevginin arxasında onun amerikalı iş adamı Corc Sorosun təsis etdiyi Soros Açıq Cəmiyyəti tərəfindən dəstəklənməsinin dayandığını bildirən deputat bildirib ki, azərbaycanafobiyadan ilhamlanan bəzi təşkilatlar ölkəmizdə ən xırda məsələyə reaksiya verdikləri halda, Ermənistanda baş verən qanunsuzluğa qarşı bir dəfə də olsun hansısa ittiham səsləndirməyiblər. Görünür, onların demokratiyasının fəlsəfəsi də budur: “Əgər mənim adamımsansa və mənə işləyirsənsə, deməli demokratsan”.

Paylaş:

Baxılıb: 312 dəfə