Deputat: Qəbul olunan qərarlara və qoyulan qaydalara riayət etmək bizim vətəndaşlıq borcumuz və vəzifəmizdir

Bakı:

26 °C

53 %

1 m/s

AZ RU EN

Ana səhifə / Siyasət / Deputat: Qəbul olunan qərarlara və qoyulan qaydalara riayət etmək bizim vətəndaşlıq borcumuz və vəzifəmizdir

Deputat: Qəbul olunan qərarlara və qoyulan qaydalara riayət etmək bizim vətəndaşlıq borcumuz və vəzifəmizdir

25.08.2020 [08:50]

Bütün dünyanı bürüyən koronavirus pandemiyasının qarşısının alınması istiqamətində ölkəmizdə də son 6 ayda çox ciddi addımlar atılıb. Xüsusilə Prezident İlham Əliyevin bu məsələyə vaxtında çevik reaksiya göstərərək təxirəsalınmaz təbirlər görməsi ilə ölkəmizdə “gizli düşmən”lə mübarizədə böyük uğurlar əldə edilib. Məmnunluq hissi ilə qeyd etmək istəyirəm ki, bu məsələdə də Azərbaycan dünyada nümunə kimi göstərildi. Səhiyyə sistemi Azərbaycandan güclü olan inkişaf etmiş ölkələrlə müqayisədə respublikamızda istər yoluxma, istərsə də ölüm sayında göstəricilər qat-qat aşağı oldu və minimum itki qeydə alındı. Təbii, istərdik ki, mövcud statistikada əksini tapan mənfi rəqəmlər də olmasın, amma bunlar bizim imkanlarımız və arzularımız xaricində olan məqamlardır. Ancaq sevindirici məqam odur ki, artıq yoluxma və ölüm sayında daha müsbət dinamika yaşanır, həm yoluxma, həm də ölüm hallarının sayı aşağı düşməkdədir. Dediyim kimi, bunlar görülən işlərin, çəkilən zəhmətin, edilən çağırışların və tətbiq olunan qadağaların hesabınadır. Əgər Nazirlər Kabineti yanında Operativ Qərargah tərəfindən vaxtında sərtləşdirilmiş və xüsusi karantin rejimi, qadağalar, məhdudiyyətlər tətbiq edilməsəydi, həmçinin görülən saysız-hesabsız işlər, atılan addımlar olmasaydı, bu gün tamamilə arzulamadığımız, qətiyyən görmək istəmədiyimiz bir mənzərə ilə üz-üzə qalardıq. Çox şükürlər ki, biz görülmüş qabaqlayıcı və uzaqgörən tədbirlər nəticəsində pandemiyanın ağır fəsadlarından, itkilərdən maksimum şəkildə yayına bildik.
Bu sözləri AZƏRTAC-a açıqlamasında Milli Məclisin deputatı Jalə Əliyeva söyləyib.
Deputat qeyd edib ki, görülən bu qədər işlərin, çəkilən zəhmətlərin, əldə edilən uğurların fonunda bəzi vəzifəli şəxslərin qoyulan qadağalara, tətbiq olunan karantin qaydalarına və şərtlərinə əməl etməməsi, bundan müxtəlif yollarla yayınması hamımızı dərindən üzür və narahat edir. Çünki bu, yolverilməz və qəbuledilməzdir. Əgər qaydalar qəbul olunubsa, qadağalar müəyyənləşdirilibsə, kimliyindən, tutduğu mövqedən, sosial durumundan asılı olmayaraq, hər kəs onlara birmənalı şəkildə əməl etməlidir. Bu, bizim vətəndaşlıq borcumuz və vəzifəmizdir. Hamımız qaydalara, qadağalara, qanunlara əməl etməyə borcluyuq. Hamı qanun qarşısında bərabər, eyni hüquqlara malikdir.
Allahdan hər bir ailəyə övlad toyu, gözəl günlər qismət etməsini diləyən J.Əliyeva bildirib ki, indiki çətin şəraitdə qaydalara, şərtlərə riayət etmək zəruridir. Əgər qərar verilibsə ki, pandemiya dövründə toy şənlikləri keçirmək olmaz, deməli, hamı buna əməl etməlidir. Burada ikinci bir fikir, mövqe, yanaşma olmamalıdır. Hər zaman dediyimiz kimi, biz yalnız qaydalara, qanunlara əməl etməklə, həmrəylik və məsuliyyət nümayiş etdirməklə birlikdə bu bəladan qurtula və xilas ola bilərik.

Paylaş:

Baxılıb: 353 dəfə