Sahib Alıyev: Azərbaycan xalqı hər gün Ali Baş Komandandan müzəffər ordumuzun zəfər xəbərlərini gözləyir

Bakı:

26 °C

51 %

2 m/s

AZ RU EN

Ana səhifə / Siyasət / Sahib Alıyev: Azərbaycan xalqı hər gün Ali Baş Komandandan müzəffər ordumuzun zəfər xəbərlərini gözləyir

Sahib Alıyev: Azərbaycan xalqı hər gün Ali Baş Komandandan müzəffər ordumuzun zəfər xəbərlərini gözləyir

24.10.2020 [08:45]

“Məlum olduğu kimi, Azərbaycan artıq 30 ildir ki, terrorçuluğu dövlət siyasətinə çevirən işğalçı Ermənistanın təcavüzü ilə qarşı-qarşıya qalıb. Düşmənin növbəti təxribatına cavab olaraq Ali Baş Komandanın əmri ilə həyata keçirilən əks-hücum əməliyyatlarının uğurla davam etməsi terrorçu Ermənistanın mənfur simasını bir daha ortaya çıxarıb. İşğalçı Ermənistan öz faşist və təcavüzkar mahiyyətinə uyğun olaraq Azərbaycanın cəbhəyanı ərazilərdə yerləşən rayon və kəndlərini, həm də cəbhədən uzaqda yerləşən şəhərlərini ağır artilleriya və raket atəşinə tutur. Bu təəccüblü deyil. Biz hələ 1990-cı illərdə düşmənin buna bənzər terrorçuluq əməllərinin şahidi olmuşuq. Təbii ki, ölkəmizin dinc əhalisinə ciddi təhlükə yarandığı üçün dövlətimiz terrorçuların cavabını verir, raketlərin atıldığı legitim hədəflər məhv edilir və bundan sonra da məhv ediləcək”.

Bu fikirləri qəzetimizə açıqlamasında Milli Məclisin üzvü Sahib Alıyev deyib.

Deputatın sözlərinə görə, bir həftədə iki dəfə humanitar atəşkəs elan olunsa da, Ermənistan tərəfi bu atəşkəsin prinsiplərinə riayət etməyib, əksinə yenidən işğal və təcavüz siyasətini davam etdirib: “Humanitar atəşkəs elan olunmasına baxmayaraq, təxribatlarını davam etdirən, Azərbaycanın azad etdiyi yaşayış məntəqələrini geri qaytarmaq istəyən Ermənistan silahlı qüvvələrinin bölmələri Azərbaycan Ordusu tərəfindən darmadağın edilib. Döyüşdə məğlub olan Ermənistan tərəfi yenə də cəbhəboyu kəndlərimizi ağır artilleriya və raket atəşinə tutur, evləri və infrastrukturu dağıdır. Düşmənin terrorçuluq fəaliyyəti o həddə çatıb ki, onlar Gəncənin yuxuda olan, Tərtərin dəfn mərasimində iştirak edən dinc sakinlərini qətlə yetirməklə məşğuldur”.

S.Alıyev deyib ki, Ermənistan işğal etdiyi əraziləri uzun müddətdir ki, terrorçuluq, qaçaqmalçılıq meydanına çevirdiyi üçün Azərbaycan Ordusunun əks-hücum əməliyyatlarının tam qələbə ilə başa çatması, ümumlikdə, regionun təhlükəsizliyi baxımından da əhəmiyyətli olacaq: “Eyni zamanda, günahsız uşaqları hədəfə alan, dinc əhalini qətlə yetirən işğalçı Ermənistan layiq olduğu cavabı alacaq. Çünki Azərbaycan Ordusunun Ermənistanın işğalçılıq siyasətinə son qoymaq üçün apardığı əks-hücum əməliyyatları uğurla davam edir. Cənab Prezident, Ali Baş Komandan İlham Əliyevin rəhbərliyi ilə Azərbaycan Ordusu hər gün yeni-yeni qələbələrə imza atır. Azərbaycanın ərazi bütövlüyünün bərpa olunması uğrunda həyata keçirilən hərbi əməliyyatlara, xilaskarlıq missiyasına rəhbərlik edən Ali Baş Komandana xalqımızın inamı da sonsuzdur. Təsadüfi deyil ki, Azərbaycan xalqı hər gün Ali Baş Komandandan müzəffər ordumuzun zəfər xəbərlərini gözləyir”.

Q.ZİYƏDDİNOĞLU

Paylaş:

Baxılıb: 379 dəfə