Sabir Hacıyev: Ali Baş Komandanın rəhbərliyi ilə Azərbaycan Ordusu ərazi bütövlüyümüzün təmin edilməsi yönündə öz vəzifəsini layiqincə yerinə yetirdi

Bakı:

24 °C

56 %

0 m/s

AZ RU EN

Ana səhifə / Siyasət / Sabir Hacıyev: Ali Baş Komandanın rəhbərliyi ilə Azərbaycan Ordusu ərazi bütövlüyümüzün təmin edilməsi yönündə öz vəzifəsini layiqincə yerinə yetirdi

Sabir Hacıyev: Ali Baş Komandanın rəhbərliyi ilə Azərbaycan Ordusu ərazi bütövlüyümüzün təmin edilməsi yönündə öz vəzifəsini layiqincə yerinə yetirdi

11.11.2020 [09:49]

Müzəffər Azərbaycan Ordusunun sentyabrın 27-dən davam edən sülhə məcburetmə əməliyyatı nəticəsini verdi. İşğalçı Ermənistanın silahlı qüvvələri Azərbaycan Ordusunun qarşısında tab gətirə bilmədi. Ali Baş Komandanın rəhbərliyi ilə Azərbaycan Ordusunun qətiyyəti düşməni işğal altındakı digər rayonların da boşaldılmasına məcbur etdi. Qəhrəman əsgərlərimizin şücaəti hesabına Şuşanın azad edilməsi ermənilərin müqavimətini tam aradan qaldırdı”.
Bunu “Yeni Azərbaycan”a açıqlamasında Vətəndaş Birliyi Partiyasının sədri, Milli Məclisin deputatı Sabir Hacıyev deyib.
S.Hacıyev qeyd edib ki, Azərbaycan Respublikasının Prezidenti İlham Əliyevin, Rusiya Federasiyasının Prezidenti Vladimir Putinin və Ermənistanın baş naziri Nikol Paşinyanın imzaladıqları bəyanat Azərbaycan üçün böyük qələbədir: “Hamımız bilirik ki, əks-hücum əməliyyatları başlayan gündən Azərbaycana müxtəlif təzyiq və təsir göstərmək cəhdləri olurdu. Amma dövlət başçısı heç vaxt Öz mövqeyindən geri çəkilmədi. Ali Baş Komandan xalqa müraciətlərində və xarici KİV-ə müsahibələrində dəfələrlə bəyan etdi ki, Azərbaycanın hərbi əməliyyatları dayandırmasının yeganə şərti var: Ermənistan işğal edilmiş rayonlardan qoşunlarını çəkəcəyi barədə təminat versin və qrafik təqdim etsin. Azərbaycan Prezidentinin tələbləri həmin sənəddə öz əksini tapdığı üçün bu bəyanatı mühüm qələbə hesab etmək olar”.
Partiya sədrinin sözlərinə görə, Ali Baş Komandanın rəhbərliyi ilə Azərbaycan Ordusu ərazi bütövlüyümüzün təmin edilməsi yönündə öz vəzifəsini layiqli şəkildə yerinə yetirdi. S.Hacıyev deyib ki, Azərbaycan Prezidentinin diplomatik sahədə də uğurlar əldə etməsi mühüm əhəmiyyətə malikdir: “Əks-hücum əməliyyatlarının başladığı ilk gündən bütün Azərbaycan xalqı kimi, ölkəmizdə fəaliyyət göstərən 50 siyasi partiyanın da Ali Baş Komandan İlham Əliyevin ətrafında sıx birləşdiyini bəyan etməsi milli birliyimizin, həmrəyliyimizin sarsılmazlığını bir daha sübuta yetirdi. Siyasi partiyaların Şuşanın işğaldan azad edilməsi münasibətilə dövlətimizin başçısına ünvanladıqları təbrik məktubunda deyildiyi kimi, torpaqlarımızın azad edilməsi uğrunda aparılan mübarizədə Azərbaycan xalqı ilə birlikdə Ali Baş Komandanın yanındayıq”.
Q.RAMAZANOV

Paylaş:

Baxılıb: 521 dəfə