Soros Fondunun ölkəmizə qarşı apardığı kampaniyalar həmişə iflasa uğrayıb

Bakı:

26 °C

44 %

5 m/s

Əlaqə

AZ RU EN

Ana səhifə / Siyasət / Soros Fondunun ölkəmizə qarşı apardığı kampaniyalar həmişə iflasa uğrayıb

Soros Fondunun ölkəmizə qarşı apardığı kampaniyalar həmişə iflasa uğrayıb

24.04.2021 [09:45]

Məlum olduğu kimi, Soros Fondu dünyada mənfi imici ilə tanınır. Hazırda dünyanın bir çox ölkəsi haqlı olaraq Soros Fondunu hakimiyyətlərə qarşı qeyri-qanuni aksiyaları, üsyanları, “rəngli inqilab”ları dəstəkləyən təşkilat, həmçinin qarşıdurmaların əsas maliyyə dəstəkçisi kimi tanıyır. “Soros”un hədəfə aldığı ölkələrdən biri də Azərbaycandır. Doğrudur, onun ölkəmizdə iğtişaş törədəcək qədər gücü və uzun əli olmasa da, fürsət düşən hər məqamda Azərbaycana qarşı öz çirkin kampaniyasını, təxribatçı fəaliyyətini aparmaqda davam edir.

Məsələ ilə bağlı Milli Məclisin deputatı Kamilə Əliyeva bildirib ki, Soros Fondunun erməni təəssübkeşliyi yeni məsələ deyil. Onun sözlərinə görə, Nikol Paşinyanın avtoritar idarəçiliyi, vətəndaş cəmiyyətinə, vətəndaşlara qarşı həyata keçirilən basqılar, aksiyaların dağıdılması, onun təşkilatçılarının həbs olunması və s. “Soros demokratiyası”nın iç üzüdür: “İkinci Qarabağ müharibəsində ağır məğlubiyyət bu “demokratiya”nı daha da dərinləşdirdi. Ermənistanın dörd bir tərəfini bürüyən etiraz aksiyalarında göz yaşlarına belə baxmadan insanlara qarşı həbslər, fiziki təzyiqlər və təhdidlər törədilir. Səsini çıxaran, başını qaldıran hər kəs polis tərəfindən susdurulur, həbsə atılır və yaxud döyülür”.

Millət vəkili qeyd edib ki, Soros Fondu postsovet ölkələrində də məxməri inqilab törətmək üçün səylər göstərib, lakin onun ən uğurlu olduğu ölkə məhz Ermənistandır: “Paşinyan layihəsinin fiaskoya uğramasını istəməyən Soros Fondu hazırda bütün cinayətlərə və iftiralara açıqdır. Ona görə də Azərbaycan hazırda sözügedən fondun hədəfində olan əsas ölkədir. Amma onun ölkəmizə qarşı apardığı kampaniyalar həmişə iflasa uğrayıb”.

Milli Məclisin deputatı Şahin İsmayılov isə bildirib ki, Soros Fondunun fəaliyyət trayektoriyası müxtəlif beynəlxalq təşkilatları da əhatə edir. Onun sözlərinə görə, Avropa Şurası Parlament Assambleyası (AŞPA) da bu sıradadır: “Çünki AŞPA-da Soros Fondunun maliyyələşdirdiyi deputatlar var ki, onlardan müəyyən vaxtlarda Azərbaycanı hədəfə almaq üçün istifadə olunur. Əlbəttə ki, bütün bunlar da təsadüfi deyil. Soros Fondunun Ermənistan hakimiyyəti ilə sıx əlaqələri var, erməni lobbisi və onun əlaltılarının anti-Azərbaycan və anti-Türkiyə fəaliyyəti fondun rəhbəri C.Sorosun maraqları ilə uzlaşır”.

Millət vəkilinin sözlərinə görə, Soros Fondu təxribatlarla məşğul olan ölkələrlə əməkdaşlıq edir ki, onlardan biri də Ermənistandır: “Soros Fondu Ermənistanda təkcə “medianın inkişafı” adı altında 5 milyon dollardan çox pul xərcləyib. Bu media orqanları da Paşinyanın hakimiyyətə gəlməsində, həmçinin Azərbaycan qarşısında aldığı ağır məğlubiyyətə baxmayaraq, hakimiyyətdə qalmasında müstəsna rol oynayır. Ona görə də bu gün Paşinyan hakimiyyəti bütün mənalarda Soros Fonduna bağlıdır. Təsadüfi deyil ki, onun hakimiyyətə gəlişindən sonra Corc Soros bu ölkəyə daha çox vəsait ayırmağa başladı. Təkcə 2019-cu ildə Soros Fondunun Ermənistana ayırdığı vəsait 3,6 milyon dollar təşkil edib. Bu kimi faktlar fondla Ermənistan hakimiyyətinin əlaqələrinin hansı məqsədlərə xidmət etdiyini təsdiqləyir”.

Nardar BAYRAMLI

Paylaş:

Baxılıb: 536 dəfə