Abutalıb Səmədov: Bu gün bütün dünya bilir ki, erməni ordusu yoxdur, tamamilə məhv edilib

Bakı:

28 °C

62 %

9 m/s

Əlaqə

AZ RU EN

Ana səhifə / Siyasət / Abutalıb Səmədov: Bu gün bütün dünya bilir ki, erməni ordusu yoxdur, tamamilə məhv edilib

Abutalıb Səmədov: Bu gün bütün dünya bilir ki, erməni ordusu yoxdur, tamamilə məhv edilib

20.08.2021 [10:08]

“İkinci Qarabağ müharibəsi təkcə Ermənistanın sarsıdıcı məğlubiyyəti və 30 ilə yaxın işğal altında qalan torpaqlarımızın azad edilməsi, ərazi bütövlüyümüzün təmin olunması ilə başa çatmadı. Bu müharibə, eyni zamanda, erməni uydurmalarının, erməni mifologiyasının tamamilə məhv olması, sıradan çıxması ilə də tarixə düşdü. Uzun illər ərzində “hərbi qələbə”ləri ilə öyünən ermənilərin uydurduqları “yenilməz ordu” mifini Ali Baş Komandan İlham Əliyevin rəhbərliyi ilə Azərbaycan Ordusu cəmi 44 gün ərzində darmadağın etdi”.

Bu fikirləri qəzetimizə açıqlamasın

da Azərbaycan Naminə Alyans Partiyasının sədri Abutalıb Səmədov bildirib.

Azərbaycan Prezidentinin Laçın və Kəlbəcər rayonlarına səfəri zamanı səsləndirdiyi fikirlərə münasibət bildirən A.Səmədov deyib ki, dövlət başçısı haqlı olaraq Azərbaycan Ordusunun “qəhrəman erməni əsgəri” barədə mifin puçluğunu qısa müddətdə bütün dünyaya sübut etdiyini vurğulayıb: “Bu gün bütün dünya bilir ki, erməni ordusu yoxdur, tamamilə məhv edilib. Ermənilərin özləri etiraf etmək məcburiyyətində qaldılar ki, müharibə dövründə Ermənistan ordusunda 10 min fərari olub. Azərbaycanlıların öz torpaqları uğrunda vuruşmayacaqları barədə absurd fikrə düşən və ətrafdakıları inandırmağa çalışan ermənilər gördülər ki, xalqımız işğal faktı ilə heç vaxt barışmayıb, torpaqlarımızı işğalçılardan azad etmək üçün hər cür fədakarlığa hazırdır”.

Partiya sədrinin sözlərinə görə, Vətən müharibəsindən sonra üzə çıxan daha bir dəhşətli erməni yalanının üzərində, xüsusilə dayanan Azərbaycan Prezidenti bildirdi ki, “ermənilərin uzun illər yaydıqları miflərdən biri də o idi ki, guya ermənilər qədim tarixə, mədəniyyətə malikdirlər və burada “vəhşi müsəlmanlar” arasında qalıblar. Onların mədəniyyəti, bax, budur. Bax, bu binalardır, qazılmış qəbirlərdir, dağıdılmış məscidlərdir. Bunu hansısa başqa planetdən gələn yadplanetli yox, erməni edib”.

A.Səmədov qeyd edib ki, yerlə-yeksan olunmuş şəhər və kəndlər, dağıdılmış qəbirlər, sökülmüş məscidlər düşmənin əsl simasını göstərir: “Digər tərəfdən, xarici ölkə diplomatları, jurnalistləri, beynəlxalq təşkilatların nümayəndələri işğaldan azad edilmiş ərazilərimizə səfər edərək erməni vəhşiliyini, erməni ləyaqətsizliyini öz gözləri ilə görmək və bu həqiqətləri dünya ictimaiyyətinə çatdırmaq imkanı əldə edirlər”.

Qaşqay RAMAZANOV

Paylaş:

Baxılıb: 646 dəfə