ABŞ Dövlət Departamenti Azərbaycan haqqında hesabat yaydı

Bakı:

22 °C

53 %

2 m/s

Əlaqə

AZ RU EN

Ana səhifə / Siyasət / ABŞ Dövlət Departamenti Azərbaycan haqqında hesabat yaydı

ABŞ Dövlət Departamenti Azərbaycan haqqında hesabat yaydı

30.07.2022 [09:50]

Ərazilərin minalardan təmizlənməsi Azərbaycan hökuməti üçün prioritet olaraq qalır

N.BAYRAMLI

ABŞ Dövlət Departamenti “2022 İnvestisiya Hesabatları: Azərbaycan” adlı sənəd yayıb. Sənəddə bildirilir ki, Azərbaycanda ümumi investisiya mühiti inkişaf etməkdə davam edir. Azərbaycan hökuməti iqtisadiyyatın şaxələndirilməsi istiqamətində islahatlarla və özəl sektora əsaslanan iqtisadi böyüməni təşviq etməklə ölkəyə xarici investisiyanın cəlb edilməsinə çalışır.

5,6 faiz böyümə

Sənəddə qeyd olunur ki, Azərbaycan iqtisadiyyatı 4,3 faiz kiçildiyi 2020-ci ildən fərqli olaraq 2021-ci ildə 5,6 faiz böyüyüb: “İqtisadiyyatın pandemiyadan “sağalması” dövründə neft və qaz sektoru 1,7 faiz, qeyri-neft sektoru isə 7,2 faiz böyüyüb. Neft və qaz sektoru xarici investisiyada ən böyük paya sahib olduğu bir vaxtda Azərbaycan hökuməti iqtisadiyyatın şaxələndirilməsi üçün 4 qeyri-neft sektoruna hədəflənib: kənd təsərrüfatı, turizm, informasiya və kommunikasiya texnologiyaları, nəqliyyat-logistika. Biznes mühitinin inkişaf etdirilməsi məqsədilə son illərdə həyata keçirilən tədbirlər və iqtisadiyyatdakı ümumi islahatlara lazımsız biznes lisenziyası kateqoriyalarının aradan qaldırılması, populyar olan “ASAN xidmət”in lisenziyalaşdırma səlahiyyətlərinin artırılması, gömrük prosedurlarının sadələşdirilməsi, müəyyən biznes təftişlərinin dayandırılması və vergi sistemində reformlar daxildir”.

Sənəddə vurğulanır ki, 2021-ci ildə COVID-19 pandemiyası ilə mübarizə çərçivəsində Azərbaycanda dövlət büdcəsindən 800.8 milyon manat (471 milyon dollar) ayrılaraq vaksinlərin alınmasına, səhiyyə işçilərinə bonusların ödənilməsinə və modul tipli xəstəxanaların fəaliyyət göstərməsinin dəstəklənməsinə sərf edilib.

Yeni investisiyalar axtarışında...

Dövlət Departamenti “2022 İnvestisiya Hesabatları: Azərbaycan” adlı sənəddə eləcə də, Azərbaycanın işğaldan azad edilmiş bölgələrə yeni investisiyalar axtarışında olduğu bildirilir. O da qeyd olunur ki, bu ərazilərin minalardan təmizlənməsi yenidənqurma səylərinin bir parçası olaraq Azərbaycan hökuməti üçün prioritet olaraq qalır. Bundan başqa, sənəddə Azərbaycanın 2022-ci il büdcəsində bu ərazilərin bərpası və yenidən qurulması üçün ayırdığı vəsait haqda məlumat verilir: “Bu vəsaitin yol, elektrik, qaz, su, kommunikasiya infrastrukturuna, təhsil və səhiyyə sektorlarına, həmçinin mədəni və tarixi abidələrin bərpasına istifadə ediləcəyi bildirilir. Hökumət, eyni zamanda, bu regionda “yaşıl enerji” layihələri həyata keçirməyi planlaşdırır. Bərpa işlərinin tikinti və əhalinin yenidən məskunlaşdırılması üçün sərf ediləcək xüsusi büdcə ayırmaları ilə qarşıdakı illərdə də davam edəcəyi gözlənilir. Yenidənqurma səylərinin bir parçası olaraq bu ərazilərin minalardan təmizlənməsi Azərbaycan hökuməti üçün prioritet olaraq qalır”.

Paylaş:

Baxılıb: 546 dəfə