Fuad Ələsgərov: Bəzi müxalifət rəhbərlərinin "Diplomatik sifariş: müxalifət "Eurovision"a hazır ol!" məqaləsi ilə bağlı bəyanatları ölkəmizdə bərqərar olmuş söz və məlumat azadlığı prinsipinə ziddir

Bakı:

23 °C

74 %

8 m/s

AZ RU EN

Ana səhifə / Siyasət / Fuad Ələsgərov: Bəzi müxalifət rəhbərlərinin "Diplomatik sifariş: müxalifət "Eurovision"a hazır ol!" məqaləsi ilə bağlı bəyanatları ölkəmizdə bərqərar olmuş söz və məlumat azadlığı prinsipinə ziddir

Fuad Ələsgərov: Bəzi müxalifət rəhbərlərinin "Diplomatik sifariş: müxalifət "Eurovision"a hazır ol!" məqaləsi ilə bağlı bəyanatları ölkəmizdə bərqərar olmuş söz və məlumat azadlığı prinsipinə ziddir

04.05.2012 [01:07]

“İctimai Palata” adlanan qurumda təmsil olunan bəzi müxalifət partiyaları rəhbərlərinin və funksionerlərinin “Yeni Azərbaycan” qəzetinin 27 aprel sayında verilmiş “Diplomatik sifariş: müxalifət “Eurovision”a hazır ol!” məqaləsi ilə bağlı bəyanatları ölkəmizdə bərqərar olmuş söz və məlumat azadlığı prinsipinə ziddir”. Bu açıqlamanı APA-ya Azərbaycan Respublikası Prezidenti Administrasiyasının Hüquq mühafizə orqanları ilə iş şöbəsinin müdiri Fuad Ələsgərov verib.
Onun sözlərinə görə, hər bir demokratik cəmiyyətdə olduğu kimi, Azərbaycanda da belə məqalələr ilk növbədə söz azadlığı kontekstində qiymətləndirilməlidir: “Göstərilən məqalədə siyasətin mənəvi aspektlərinə toxunulur, siyasi münasibətlər sistemində formalaşmış stereotiplərə demokratik dəyərlər kontekstində münasibət bildirilir. Misal kimi Otto Fon Bismarkın “siyasətdə məqsədə çatmaq üçün bütün imkanlardan istifadə oluna bilər” tezisinə qarşı Turgenevin “çirkli ayaqlarla məbədə girməzlər” antitezisi qoyulur. Adolf Hitlerin faşizmi kəskin tənqid edilir və onun doğurduğu mənəvi kollapsdan çıxmaq üçün Konrad Adenauerin göstərdiyi səylər yüksək qiymətləndirilir. Həmçinin, Almaniyanın bəzi siyasətçilərinin “Eurovision-2012” mahnı müsabiqəsi ərəfəsində məqsədyönlü anti-Azərbaycan kampaniyası ilə bağlı mövqeləri araşdırılır və şərh olunur”.
Fuad Ələsgərov qeyd edib ki, məqalədə adları çəkilən şəxslərin şəkillərinin qoyulması isə mətbuatda geniş istifadə olunan adi peşə priyomudur: “Bu fotoillyüstrasiyada məqalənin tarixi prosesləri əks etdirən məzmununa və şərhlərə uyğun olaraq, sadəcə adları çəkilmiş şəxslərin şəkilləri verilir. Buna görə də, özlərini hər zaman “azad sözün tərəfdarı” kimi göstərməyə çalışan bəzi müxalifət nümayəndələrinin həmin fotoillüstrasiyaya qeyri-adekvat reaksiyası, onların ikili standartları və siyasi dividendlər qazanmaq məqsədilə səsləndirdikləri əsassız bəyanatlar təəssüf hissi doğurur. Biz analitik məqalənin kontekstindən çıxarılmış fotoillüstrasiya ətrafında süni şəkildə yaradılmış ajiotajı pisləyirik. Qeyd etmək istərdim ki, bəzi müxalifət təmsilçilərinin siyasi möhtəkirliyi, eyni zamanda Azərbaycana qarşı qərəzli mövqeyi ilə seçilən Almaniyanın bəzi siyasi dairələrinin və KİV-lərinin anti-Azərbaycan kampaniyası ölkələrimiz və xalqlarımız arasında uzun illər ərzində formalaşmış ənənəvi xoş münasibətlərə xələl gətirə bilməz”.

Paylaş:

Baxılıb: 1009 dəfə