Heydər Əliyev
yeni azerbaycan logo

Ana səhifə / Sosial / Bakı–Şamaxı–Yevlax yolunda buzlaşma aradan qaldırılıb

Bakı–Şamaxı–Yevlax yolunda buzlaşma aradan qaldırılıb

02.03.2026 [10:28]

Gecə saatlarında Şamaxı və Qobustan rayonlarının ərazilərinə yağan qar və havanın temperaturunun aşağı düşməsi səbəbindən Bakı–Şamaxı–Yevlax avtomobil yolunun 120–143-cü kilometrlik hissəsində buzlaşma yaranıb.

AZƏRTAC-ın bölgə müxbiri xəbər verir ki, yolların qar və buzdan təmizlənməsi üçün Azərbaycan Avtomobil Yolları Dövlət Agentliyinin (AAYDA) 4 nömrəli Magistral Yolların İstismarı MMC-nin canlı qüvvəsi və texnikası ərazidə növbəli şəkildə fasiləsiz xidmət aparır.

İdarənin baş mühəndisi Həsən Məmmədli AZƏRTAC-ın bölgə müxbirinə bildirib ki, qar yağan andan qurumun xüsusi təyinatlı texnikaları yollarda fəaliyyət göstərir. Xüsusilə sərt döngəli, enişli-yoxuşlu və buz tutmuş hissələrə avtomobillər vasitəsilə duz-qum qarışığı səpilib, qar və buz örtüyündən təmizlənib.

Avtomobillərin yollarda hərəkətinin təhlükəsizliyini təmin etmək məqsədilə polis əməkdaşları da gücləndirilmiş rejimdə xidmət aparır.

Qeyd edək ki, yolun Şamaxıdan keçən hissəsində iki minik avtomobili qəzaya düşsə də, xoşbəxtlikdən ölən və xəsarət alan olmayıb.

Hazırda Bakı–Şamaxı–Yevlax avtomobil yolunun Qobustan, Şamaxı, eləcə də Ağsu dolaylarından keçən hissələrində hər hansı çətinlik yoxdur, sürücülər hər iki istiqamətdə maneəsiz hərəkət edirlər.

Xatırladaq ki, son üç gündə bölgələrdə qarlı, yağışlı və şaxtalı hava müşahidə olunsa da, bu gündən etibarən temperatur ötən günlərlə müqayisədə yüksəlib.

Paylaş:
Baxılıb: 284 dəfə

Xəbər lenti

Hamısına bax

Gündəm

İqtisadiyyat

İqtisadiyyat

Qarşıdakı 4 ildə...

17 Aprel 11:12  

Gündəm

Analitik

Sosial

Arxiv
B Be Ça Ç Ca C Ş
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30