“Tarix təkrarlanır” mövzusunda “dəyirmi masa” Azərbaycanlıların Soyqırımı Gününə həsr olunub

Bakı:

17 °C

77 %

9 m/s

Əlaqə

AZ RU EN

Ana səhifə / Sosial / “Tarix təkrarlanır” mövzusunda “dəyirmi masa” Azərbaycanlıların Soyqırımı Gününə həsr olunub

“Tarix təkrarlanır” mövzusunda “dəyirmi masa” Azərbaycanlıların Soyqırımı Gününə həsr olunub

29.03.2014 [12:05]

Martın 28-də Azərbaycan İstiqlal Muzeyində “Tarix təkrarlanır” mövzusunda “dəyirmi masa” keçirilib.
AzərTAc xəbər verir ki, 31 mart - Azərbaycanlıların Soyqırımı Gününə həsr olunmuş “dəyirmi masa”da Azərbaycan İstiqlal Muzeyinin direktoru Fəridə Şəmsi, Azərbaycan Milli Elmlər Akademiyasının Akademik Ziya Bünyadov adına Şərqşünaslıq İnstitutunun aparıcı elmi işçisi, tarix üzrə fəlsəfə doktoru, professor Solmaz Rüstəmova-Tohidi, Milli Məclisin deputatı, tarix elmləri doktoru, professor Musa Qasımlı, Azərbaycan Respublikasının Prezidenti yanında Dövlət İdarəçilik Akademiyasının tarix kafedrasının müəllimi, tarix elmləri doktoru, professor Həvva Məmmədova çıxış edərək erməni vandallarının zaman-zaman xalqımızın başına gətirdikləri müsibətlərdən danışıblar.
Bildirilib ki, 1918-ci ildə martın 30-dan aprelin 2-dək Bakıda, Şamaxıda, Qubada, ölkəmizin digər şəhər və rayonlarında törədilmiş qanlı hadisələrdə minlərlə insan qətlə yetirilib. Bu qanlı qırğın zamanı Şamaxı qəzasında 110 kəndin zərər çəkdiyi nəzərə çatdırılaraq bildirilib ki, bu yaşayış məntəqələrindən 96-sı tamamilə yandırılıb.
Qeyd olunub ki, bu qanlı hadisələrə ilk dəfə Ümummilli liderimiz Heydər Əliyev tərəfindən siyasi-hüquqi qiymət verilib və Ulu öndərin “31 mart Azərbaycanlıların Soyqırımı haqqında” 1998-ci il 26 mart tarixli Fərmanı ilə martın 31-i Azərbaycanlıların Soyqırımı Günü elan edilib.
Çıxış edənlər söyləyiblər ki, 1918-ci il mart qətliamları ermənilər tərəfindən xalqımıza qarşı törədilmiş ilk və son hadisə olmayıb. XX əsr boyu bu qətliamların davam etdiyi vurğulanaraq 1905-1907, 1918, 1920 və 1988-ci illərdə ermənilərin ölkəmizdə törətdikləri qırğınlar barədə məlumat verilib.
Erməni qəsbkarlarının “Böyük Ermənistan” yaratmaq xülyası ilə zaman-zaman işğalçılıq siyasəti apardıqlarını diqqətə çatdırılaraq qeyd edilib ki, tarixi düşmənlərimiz Azərbaycanın müxtəlif bölgələrində soyqırımı törədiblər.
Bildirilib ki, Azərbaycan Xalq Cümhuriyyəti dövründə yaradılmış komissiya tərəfindən bu hadisələr tədqiq edilib və faktlar sənədlərdə qeyd olunub. Tədqiqatlar nəticəsində soyqırımı qurbanlarının sayı haqqında yeni rəqəmlər aşkar edilib.
Tədbirdə azərbaycanlıların soyqırımından bəhs edən videoçarx nümayiş olunub.

Paylaş:

Baxılıb: 1149 dəfə