Ulu öndər Heydər Əliyev xalqımızın yaddaşına əbədi həkk olunmuş dahi şəxsiyyətdir

Bakı:

24 °C

66 %

3 m/s

Əlaqə

AZ RU EN

Ana səhifə / Sosial / Ulu öndər Heydər Əliyev xalqımızın yaddaşına əbədi həkk olunmuş dahi şəxsiyyətdir

Ulu öndər Heydər Əliyev xalqımızın yaddaşına əbədi həkk olunmuş dahi şəxsiyyətdir

02.05.2014 [08:54]

Mayın 1-də Səbail rayonunda fəaliyyət göstərən idarə və təşkilatların nümayəndələrinin, ali məktəblərin müəllim və tələbələrinin, ziyalıların, Milli Məclisin deputatlarının iştirakı ilə Azərbaycan Dövlət Musiqili Teatrında xalqımızın Ümummilli lideri Heydər Əliyevin anadan olmasının 91-ci ildönümünə həsr edilmiş təntənəli tədbir keçirilib.
AzərTAc xəbər verir ki, tədbir iştirakçıları əvvəlcə teatrın foyesində Azərbaycan İstiqlal muzeyi tərəfindən təşkil edilmiş sərgi ilə tanış olublar.
Səbail rayon İcra Hakimiyyətinin başçısı Asif Əsgərov Ulu öndər Heydər Əliyevin həyat və siyasi fəaliyyəti, Azərbaycan tarixindəki rolu barədə geniş məruzə edib.
Bildirilib ki, qeyri-adi şəxsiyyəti, siyasi və dövlət xadiminə xas olan böyük istedadı ilə fərqlənən Heydər Əliyev hələ sağlığında canlı əfsanəyə çevrilib, bütün həyatını Azərbaycana, mənalı ömrünü yalnız insanlığa xidmətə həsr edib. Ümummilli liderimiz şərəfli həyat və fəaliyyəti ilə tarixi min illərlə hesablanan, dünyanın zəfər salnaməsinə şanlı səhifələr yazmış qədim bir xalqın simvolu səviyyəsinə yüksəlib. Bu gün hər bir Azərbaycan vətəndaşı qəlbində Ulu öndərin işıqlı obrazını yaşadır. Ümummilli lider Heydər Əliyev həmişə ən möhkəm tellərlə xalqına bağlı olub, onun qüdrət mənbəyinə çevrilib.
XX əsrdə xalqımızın yetirdiyi fenomenal şəxsiyyət - Ümummilli lider Heydər Əliyev müasir Azərbaycan dövlətinin ideoloji-siyasi əsaslarını tarixi irs və ənənəyə uyğun yaradaraq praktiki surətdə reallaşdırıb və xalqımızın sevgisini qazanıb. Ötən əsrin 70-80-ci illərində Ulu öndər Heydər Əliyev respublikanın mövcud resurslarını səfərbər etməklə tərəqqi prosesindəki maneələri aradan qaldırıb, Azərbaycanın iqtisadi inkişafına nail olub.
Müstəqil Azərbaycana rəhbərlik edən dahi şəxsiyyət Heydər Əliyevin formalaşdırdığı azərbaycançılıq ideyası milli-siyasi şüurun təməl prinsipi kimi dünya azərbaycanlılarının həmrəyliyi üçün möhkəm zəmin yaradıb. Ulu öndərin milli ideyası tezliklə əməli siyasət müstəvisinə keçərək strateji dövlət siyasətinə çevrilib. Onun dövlətçiliyimizin ən ağır günlərində göstərdiyi prinsipiallıq və iradə sonsuz Vətən sevgisinin parlaq nümunəsidir.
Ümummilli lider kimi Heydər Əliyev Azərbaycanı labüd fəlakətdən qurtarıb, ölkəmizi çevriliş, qiyam cəhdlərindən, xarici müdaxilələrdən qoruyaraq, cəmiyyətin özünəinam hissini bərpa edib, xalqımızı sabitliyə və firavanlığa qovuşdurub.
Azərbaycanın yeni mərhələdə dinamik inkişafı, dünya birliyində öz yerini daha da möhkəmləndirməsi məhz Ulu öndərin siyasi kursunun Prezident İlham Əliyev tərəfindən uğurla davam etdirilməsinin nəticəsidir. Bu gün dahi rəhbər Heydər Əliyevin mənəvi-siyasi irsinin layiqli davamçısı Prezident İlham Əliyevin rəhbərliyi ilə Azərbaycan çağdaş tarixin yeni və şanlı səhifələrini yazmaqdadır. Ümummilli lider Heydər Əliyevin ölməz ideyalarından güc alan müstəqil Azərbaycan işıqlı gələcəyə doğru inamla addımlayır.
Sonra “Azərbaycan Televiziya və Radio Verilişləri” Qapalı Səhmdar Cəmiyyətinin Niyazi adına simfonik orkestri Qara Qarayevin əsərlərini ifa edib, orkestrin müşayiəti ilə tanınmış müğənnilər Vətənə və xalqa həsr olunmuş mahnılar oxuyublar.
Sonda konsertdə çıxış edən müğənnilərin birgə ifasında Ulu öndərə həsr olunmuş “Sən elə bir zirvəsən...” mahnısı səslənib.

Paylaş:

Baxılıb: 1194 dəfə