Şərur rayonunda “Açıq Əyləncəli Futbol Məktəbləri” layihəsi üzrə tədbir keçirilib

Bakı:

11 °C

87 %

7 m/s

Əlaqə

AZ RU EN

Ana səhifə / Sosial / Şərur rayonunda “Açıq Əyləncəli Futbol Məktəbləri” layihəsi üzrə tədbir keçirilib

Şərur rayonunda “Açıq Əyləncəli Futbol Məktəbləri” layihəsi üzrə tədbir keçirilib

04.11.2014 [09:50]

“Açıq Əyləncəli Futbol Məktəbləri” layihəsi üzrə Naxçıvan Muxtar Respublikasının Şərur rayonunda tədbir keçirilib. Tədbirdə Naxçıvan Muxtar Respublikası gənclər və idman naziri Azad Cabbarov, AFFA-nın birinci vitse-prezidenti, millət vəkili Rauf Əliyev, Milli Məclisin deputatı Xanlar Vəliyev iştirak edib. Tədbiri giriş sözü ilə açan nazir Azad Cabbarov gənclərin idmana olan marağından danışıb və məktəblərdə bu cür tədbirlərin keçirilməsinin zəruriliyini vurğulayıb. O bildirib ki, bu tipli tədbirlər gənclərin sağlam ruhda böyüməsinə təsir edən amillərdəndir.
Millət vəkili Xanlar Vəliyev çıxış edərək gənc nəslin idmana artan marağından bəhs edib. O qeyd edib ki, dövlətimiz gəncliyin inkişafı üçün bütün zəruri addımları atır. Məhz bunun nəticəsidir ki, gənclərimiz idman sahəsində böyük uğurlar əldə edirlər.
Tədbirdə çıxış edən Rauf Əliyev bildirib ki, layihənin əsas məqsədi “əyləncəli konsepsiya”dan ibarətdir: “Tapşırıqlarımız futbol oyununda elə bir aspektə yönəlir ki, oyun tam əyləncədən ibarət olsun, yalnız bundan sonra xal və əldə olunan nəticənin səviyyəsinə əhəmiyyət verilir. “Açıq Əyləncəli Futbol Məktəbləri”nin əsas prinsipi istedadlı futbolçu hazırlayıb təkmilləşdirməkdən ibarət deyil. Təşkilatçıların, klubların əsas məqsədi istedadlı uşaqları seçmək, bundan sonra onlarda olan istedadı inkişaf etdirməkdir. Bu məktəblərə bacarığından, istedadından asılı olmayaraq 7-12 yaşında oğlan və qız uşaqları qəbul olunur”.
Millət vəkili qeyd edib ki, Azərbaycanda ilk nümunəvi “Açıq Əyləncəli Futbol Məktəbi” 2003-cü ildə “Neftçi” İdman-Sağlamlıq Mərkəzində olub. Məktəbin fəaliyyətində 200 uşaq, 12 nəfər məşqçi, 2 nəfər lider iştirak edib. 2004-cü ildə isə AFFA-nın nəzdində “Açıq Əyləncəli Futbol Məktəbləri”nin ofisi açılıb və o zamandan Azərbaycanda “Açıq Əyləncəli Futbol Məktəbləri” layihəsi tam fəaliyyətə başlayıb. Artıq bu layihə bir çox rayonlarda həyata keçirilir. R.Əliyev 2014-cü il ərzində ölkədə 12 “Açıq Əyləncəli Futbol Məktəbi”nin açılmasının planlaşdırıldığını deyib: “Bununla da, ölkəmizdə bu məktəblərin ümumi sayı 137-ə çatacaq ki, bu da təxminən 24000 uşaq, 1800 məşqçi-müəllim, lider və təlimatçı deməkdir”.
Qeyd edək ki, tədbirdə 150-ə yaxın uşaq iştirak edib. Onlar məktəb tərəfindən pulsuz ləvazimatlarla da təmin olunublar. Silsilə şəklində təşkil olunan bu tədbirlərin əsas məqsədi müxtəlif sosial təbəqədən olan uşaqların xüsusi futbol konsepsiyasından istifadə etməklə onları ümumi maraq naminə birləşdirməkdir.
N.BAYRAMLI

Paylaş:

Baxılıb: 986 dəfə