“Halliburton” şirkətinin mütəxəssisləri Bakı Ali Neft Məktəbində tədris prosesinə cəlb olunublar

Bakı:

11 °C

87 %

7 m/s

Əlaqə

AZ RU EN

Ana səhifə / Sosial / “Halliburton” şirkətinin mütəxəssisləri Bakı Ali Neft Məktəbində tədris prosesinə cəlb olunublar

“Halliburton” şirkətinin mütəxəssisləri Bakı Ali Neft Məktəbində tədris prosesinə cəlb olunublar

22.11.2014 [11:44]

“Halliburton” şirkətinin Qərbi Xəzər regionu üzrə meneceri Rəndi Gilçristin rəhbərlik etdiyi nümayəndə heyəti Bakı Ali Neft Məktəbində (BANM) olub və ali məktəbin rəhbərliyi, professor-müəllim və tələbə heyəti ilə görüş keçirib. Qonaqları salamlayan rektor Elmar Qasımov Azərbaycanın ən görkəmli alimlərinin xarici şirkətlərdə çalışaraq ölkəmizi yüksək səviyyədə təmsil etdiyini, onların nəinki istehsalatda fəaliyyət göstərməklə, həmçinin elmi fəaliyyətlə məşğul olaraq, ölkədə gənc mühəndislərin yetişməsi üçün tədris prosesinə cəlb olunmasının vacibliyini vurğulayıb. O, “Halliburton” şirkəti ilə əməkdaşlıq çərçivəsində şirkətin mühəndislərini BANM-də elmi fəaliyyətə başlamağa və ali məktəbin tədris prosesinə qoşulmağa dəvət edib.
E.Qasımov aprel ayından başlanılan ikitərəfli əməkdaşlığın gedişatından razılığını bildirərək, BANM-in seçilmiş tələbələrinin yay təcrübəsini “Halliburton” şirkətində keçmələrinin məhsuldar olduğunu qeyd edib. “Halliburton” şirkətinin nümayəndələrinə - ölkə üzrə meneceri Rəndi Gilçrista, qazmada biznesin inkişafı üzrə meneceri Səlahəddin Əyyubova, maili qazma üzrə koordinator Teymur Əliyevə, Azərbaycan və Gürcüstanda biznesin inkişafı üzrə menecer Rəvan Rəvanova BANM-in yeni tikilən Qafqazın ən böyük kampusu haqqında ətraflı məlumat verilib və bu kampusun gələn tədris ilinin əvvəlində istifadəyə veriləcəyi bildirilib.
Öz növbəsində Rəndi Gilçrist nümayəndə heyətinin adından BANM-in rəhbərliyinə uğurlu əməkdaşlığın həyata keçirilməsinə görə təşəkkür edib, tələbələrin praktiki bilikləri ilə yanaşı, nəzəri biliklərinin səviyyəsini daim yüksəltmək məqsədilə şirkətin mütəxəssislərinin BANM-də tədris prosesinə cəlb olunmasını müsbət dəyərləndirib və bu istiqamətdə lazımi dəstək verəcəyini təsdiqləyib.
Daha sonra BANM-in rəhbərliyi, professor-müəllim heyəti və “Halliburton” şirkətinin nümayəndə heyəti arasında tələbələrin şirkətdə növbəti təcrübəyə göndərilməsinə, əməkdaşlığın dərinləşməsinə, şirkətin mütəxəssislərinin yaxında BANM-in təlim-tədris sisteminə qoşulmalarına, həmçinin, “Haliburton” şirkətinin ali məktəbdə çoxfunksional mərkəzinin yaradılmasına və “Halliburton günü” adlı tədbirin təşkil olunmasına dair müzakirələr aparılıb.
“Halliburton” şirkətinin nümayəndələri tərəfindən tələbələrin çoxsaylı sualları cavablandırılıb və onların arasında ən bacarıqlı tələbələrin növbəti təcrübədə iştirak etmək üçün seçiləcəyi bildirilib.

Paylaş:

Baxılıb: 2096 dəfə