“Azercell” texnoloji bilgilərin inkişafına dəstək göstərməkdə davam edir

Bakı:

12 °C

58 %

12 m/s

Əlaqə

AZ RU EN

Ana səhifə / Sosial / “Azercell” texnoloji bilgilərin inkişafına dəstək göstərməkdə davam edir

“Azercell” texnoloji bilgilərin inkişafına dəstək göstərməkdə davam edir

17.04.2015 [10:00]

Fəaliyyət göstərdiyi 18 il ərzində “Azercell Telekom” MMC Azərbaycanda təhsilin inkişafına, təcrübəli kadrların yetişdirilməsinə hər zaman dəstək verib. Şirkət bu yöndə fəaliyyətini bu gün də uğurla davam etdirir. Belə ki, 14 aprel tarixində “Azercell”, “Keytorc”, “UX Azerbaijan”, “Azerbaijan Testing Board” (ATB) təşkilatlarının təşkilatçılığı ilə Xəzər Universitetində keçirilən SDLC (Software development Life Cycle), Realities and Experiences (Proqram Təminatının İnkişaf Mərhələləri, Reallıqlar və Təcrübə) adlı konfrans keçirilib. Şirkətdən verilən məlumatda qeyd olunur ki, tədbirdə “Azercell”i 3 əməkdaş təmsil edib, tələbələrə şirkətin fəaliyyəti ilə bağlı maraqlı məlumatlar təqdim olunub.
Konfransda “Azercell”in əməkdaşı Cavid Kərimov şirkətdə tətbiq olunan “Proqram Təminatının İnkişaf Mərhələləri” haqda tələbələrə ətraflı məlumat verərək, məhsullarının keyfiyyəti ilə hər zaman fərqlənən şirkətin bu uğuru necə əldə etməsindən danışıb.
Emil İsmayılxanov isə “UX”, “User Experience” (İstifadəçi Təcrübəsi), bu sistemin “Azercell”də qurulması, mərhələləri, istifadə edilən əlavələr və proqram təminatları haqqında söhbət açıb. Bu sistemin əhəmiyyətindən danışıb. Tətbiqi proqramların şirkətdə sınaqdan keçirilməsinin hazırkı durumu, mütəxəssislər üçün lazımı biliklər və Test işinin universitetlərdə təbliği haqqında isə şirkətin digər əməkdaşı İlham Seyidnurov söhbət açıb.
Tədbirdə, eyni zamanda, tələbələrin “Azercell”in Proqram Təminatının inkişaf mərhələləri və məhsulların sınaqdan keçirilməsi ilə bağlı sualları cavablandırılıb.
Qeyd edək ki, “Azercell Telekom” öz fəaliyyəti boyunca daim gənclərin inkişafına yönələn layihələr həyata keçirir. Şirkətin elan etdiyi Tələbə Proqramı çərçivəsində Azərbaycanın ali təhsil müəssisələrində təhsil alan qabiliyyətli gənclərimiz “Azercell”dən xüsusi təqaüd və şirkətin müxtəlif şöbələrində təcrübə keçmək imkanı qazanırlar. Həmçinin, “Azercell” aparıcı universitetlərlə əməkdaşlıq edir, bu təhsil ocaqlarının maddi-texniki bazasının gücləndirilməsinə yardım göstərir. Məhz “Azercell”in təşəbbüsü və dəstəyi ilə Xəzər Universitetində 2011-ci ildə E-learning otağı açılıb, eyni zamanda, Qafqaz Universitetində ilk dəfə olaraq 4G laboratoriyası quraşdırılıb.
SƏlim

Paylaş:

Baxılıb: 799 dəfə