Oğuzda Ulu öndər Heydər Əliyevin anadan olmasının 92-ci ildönümü ilə əlaqədar silsilə tədbirlər keçirilib

Bakı:

11 °C

82 %

12 m/s

AZ RU EN

Ana səhifə / Sosial / Oğuzda Ulu öndər Heydər Əliyevin anadan olmasının 92-ci ildönümü ilə əlaqədar silsilə tədbirlər keçirilib

Oğuzda Ulu öndər Heydər Əliyevin anadan olmasının 92-ci ildönümü ilə əlaqədar silsilə tədbirlər keçirilib

09.05.2015 [12:30]

Oğuz rayonunda Ümummilli lider Heydər Əliyevin anadan olmasının 92-ci ildönümü ilə əlaqədar silsilə tədbirlər keçirilib. Oğuz rayon İcra Hakimiyyəti, Yeni Azərbaycan Partiyası (YAP) Oğuz rayon təşkilatı və Oğuz rayon Gənclər və İdman İdarəsinin birgə təşkilatçılığı ilə rayon ərazisində yerləşən idarə, müəssisə və təşkilatlarda, ümumtəhsil məktəblərində, mədəni-maarif müəssisələrində “dəyirmi masa”lar, ədəbi-bədii kompozisiyalar, rəsm və inşa yazı müsabiqələri, bilik və idman yarışları, oxucu konfransları təşkil olunub.
May ayının 7-də isə Heydər Əliyevin anadan olmasının 92-ci ildönümü münasibətilə ümumrayon tədbiri keçirilib. Tədbir iştirakçıları Ulu öndər Heydər Əliyevin rayon mərkəzindəki abidəsi önünə əklil və gül dəstələri qoyub, Ümummilli liderin xatirəsini böyük ehtiramla yad ediblər.
Tədbirdə çıxış edən Oğuz rayon İcra Hakimiyyətinin başçısı Eyvaz Qurbanov Ulu öndər Heydər Əliyevin dövlətimiz və xalqımız qarşısındakı xidmətlərindən danışıb. Vurğulayıb ki, Ulu öndər Heydər Əliyev dağılmaq, parçalanmaq həddində olan Azərbaycanı, çökməkdə olan dövlətçiliyimizi qorudu, cilaladı, möhkəmləndirdi, əzəmətə gətirdi: “O, ölkəni təhdid edən vətəndaş müharibəsinin, qardaş qırğınının qarşısını aldı. Bu gün isə Ulu öndərin əsasını qoyduğu siyasi kursun Prezident İlham Əliyev tərəfindən uğurla davam etdirilməsi nəticəsində Azərbaycan dünyanın ən öncül dövlətləri sırasında yerini alıb”.
Sonra YAP Oğuz rayon təşkilatının sədri Saleh Məhərrəmov geniş məruzə ilə çıxış edib. O bildirib ki, Ümummilli lider Heydər Əliyevin müdrik siyasətinin məntiqi nəticəsi olaraq Azərbaycanın dövlət müstəqilliyinın dönməzliyi tam təmin olunub, beynəlxalq aləmdə respublikamızın müsbət imici formalaşıb: “Məhz Ulu öndər Heydər Əliyevin fəaliyyəti nəticəsində Azərbaycan özünün geostrateji, iqtisadi və mədəni potensialından istifadə edərək Şərqlə Qərb arasında etibarlı körpü rolunu oynamağa başlayıb və dünyanın ən dinamik inkişaf edən ölkələrindən birinə çevrilib”.
S.Məhərrəmov Prezident İlham Əliyevin rəhbərliyi ilə aparılan uğurlu islahatların Azərbaycan xalqının Ümummilli lideri Heydər Əliyevin uzaqgörən siyasətinin məntiqi davamı olduğunu, Onun praqmatik daxili və xarici siyasəti nəticəsində Azərbaycanın müxtəlif sahələrdə böyük müvəffəqiyyətlər qazandığını diqqətə çatdırıb: “Məhz bu uğurlu siyasətin nəticəsidir ki, 2015-ci ildə ilk dəfə olaraq Azərbaycan Avropa Oyunlarını qəbul etmək hüququnu qazanıb”.
Məruzə ətrafında çıxış edən Oğuz şəhər icra nümayəndəsi Firuddin Baxışov, rayon təhsil şöbəsinin müdiri Elçin Kərimov və başqaları bildiriblər ki, Azərbaycan dövlətinin mövcudluğunun qorunub saxlanması, ölkəmizdə sabitlik və həmrəyliyin təmin olunması bilavasitə Ümummilli lider Heydər Əliyevin adı ilə bağlıdır.

Paylaş:

Baxılıb: 774 dəfə